قصــــة واقعيه بعنوان " جــــــرح الايــــام " حصريا ً

بعد هذولا جزئين تحملوا السنة السادسة لانها طويلة شوي..

************************************************** *****************************


محمد تسبح وطلع عادي ... اما فطامي فاتصلت على مريم وقعدن يحلن الواجب على التلفون... وعقب راحن يشوفن مباراة االعين ضد الاهلي فالدوري العام..فطامي كلمت محمد قبل لاتنام وكان طبيعي وقالت له انها بتنام مبكر لان وراها داوم.. وسكرت عنه.. ونامت
فاليوم الثاني الصبح فالجامعه..راحت فطامي المحاضرة وقعدت تنتظر سمية وعليا ومريم دخل الاستاذ وبعد خمس دقايق وصلن ..
الاستاذ : ما شالله الرباعي المرح ماخز درجة كامله فالامتحان امس..ومعظم الكلاس كمان آآي ..ان شالله دايما كزا..
مريم: طبعا استاذ عشان البارحة العين فازت على الاهلي..
الاستاذ: ليه ..؟ انتي يامريم عيناوية
مريم: اووووووف ياستاذ من زمان..وانته
سمية: الاستاذ سوداني يعني اكيد وحداوي..
الاستاذ: طبعا انا عيناوي..وهل عندكي شك في زالك
فطامي: حمدالله والشكر عز الله اليوم درسنا..
طلعت وحدة من آخر الكلاس اسمها عبير
عبير: وع عليكم اصلن نحن الاهلاوية كنا نقدر نفوز بس عطيناكم الفوز صدقة حتى شوفوا لون جوتيه احمر
مريم: اكيد احمر لان قدركم فالريوول
عبير :نعم نعم ..والا عاد انتم يالعيناوية مادري على شو شايفين نفسكم
الاستاذ: بنات هدوا هدوا شو ناوين تقلبوا المحاضرة مصارعه حرة..
وتطلع بنت ثانية اسمها هيام..
هيام: استااذ شوف شوف لون قيمصي .. حلو صح لان لونه عنابي فديت الوحدة انا
فطامي: صدق ماتستحي شو تقول حق الاستاذ هالرمسة
الاستاذ : قميصك الي شايفة انا انه لونه عيناوي..
هنيه احترق ويه هيام
مريم: خخخخخخخخخخخ احسن عاش عاش استاذنا والله...اقول استاذ باجر الخميس اجازة وين ناوي تروح ( مريم تريد الوقت يمر بالسوالف..وتضيع المحاضرة اما فطامي فمستغربة من الي قاعد يصير فالكلاس... وعلى ويها الف علامة استفهام )
الاستاذ: آآي زكرتيني ..انا بازن الله رايح بكرة عمان
عليا: عماااااااااااااااان واواواو
الاستاذ: ايوا عمان ليش انتي ليكي قرايب هناك
عليا: استاذ انا من هناك من عمان
الاستاذ : والله تسوي فيني خير توصفيلي الطريق..
قامت عليا من عالكرسي رايحة عند طاولة الاستاذ ومريم كالعاده رزة قامت معاها وسحبت فطامي.. وقفوا على راس الاستاذ..كانهن عصابة بق بق..
مريم: استااااااااذ لااااااااااا تروح عمان
الاستاذ :ولية؟
عليا: استاااااذ عمان فيها عقارب
مريم: تصدق استاذ انا كنت اربي العقارب عندي فالغرفة يوم كنت صغيرة ...
فطامي ساكته بس فاتحه فمها وعيونها..مستغربة الحين هذا صدق والا مسرحية رعب حق الاستاذ مسكين وهنيه تقرصها فطامي عشان تتكلم
فطامي: هيه استاذ وانا بعد
والاستاذ مسكين متفاعل عيونه تصغر وتكبر على كلام عليا ومريم بالرغم من انه كله كذب ويتابعن
مريم: تعرف استاذ مرة واحد جارنا راح عمان ومشى ومشى ومشى ومشى ومشى ومشى
الاستاذ : اوووووووووه طيب ومشى وبعدين
مريم: اووووووووووووووووه طلع له افعى ولسعته ومات
الاستاذ :مات
مريم: هيه مات وصار لونه بنفسجي...يخوف ..
الاستاذ: شكلي هونت..
فطامي:هيه استاذ مات بقوة بعد
مريم: هذا الي الله قدرج عليه مات بقوة كيف هذي بعد!!
عليا: ها استاذ تبيني ادلك على طريق عمان
الاستاذ: لا شكله واحد صاحبي عازمني عالعشا عنده بكرة
مريم: هيه والله استاذ روح روح معاه شجع الوحدة بكرة مبارتهم خخخخخ يبون مشجعين
هيام: اوهو شفيج انتي عالوحدة...
مريم: اقول هيام سكتي احسن...اونه فريق توه مبتدي عنده بطولة وحدة دوري وشايفين نفسكم
فطامي: شايفين نفسكم
عليا: اقول فطامي روحي روحي قعدي مع سمية ...تراج ذبحتينا..ببغاء
الاستاذ: بس خلاص اليوم راح ناخذ اللوغاريتمات
مريم: مات من هو يا استاذ... خخخخخخخخ حلوة استاذ صح
الاستاذ : لا
عبير : وووووووووو قفطوها
مريم: اقول عبير سكتي والا ترى بهالجوتي..
والكلاس مقلوب فوق حدر والاستاذ محد مسوي له سالفة بس حللوا مبارة قدامه وهوبينسى الشرح وام الشرح بعد...
بعد المحاضرة..
سمية: بنات انا عازمتنكم على باسكن روبنز..
فطامي: شو هذا بعد
عليا: خخخخخخخخخخخخ مشكلة الناس البدو هذا سيارة آيس كريم..
فطامي: حتى الايس كريم سووله سيارة وخير يعني..
سمية: عليا شوي شوي على فطامي امشي معاها وحدة وحدة..
فطامي: انا مابروح مكان بروح عندي كلاس...مريم بتروحين والا بتطنشين
مريم:بروح
عليا: خلاص انتم خسرانين انا بروح ويا سمية
سمية: لا مش كيفكم ...اليوم عيد ميلادي..يلا امشن ولاتسون نفسكن مجتهدات طنشن المحاضرة مرة وحدة شو بتخسرن.. بعدين بنروح ناخذ تورته من الكافتيريا ... وبنطلع نسوي حفلة بسيطة من قدنا عند استراحة النافورة يلا امشن قدامي..
وفعلن طنشن المحاضرة وراحن ...وفالطريق سمية تتقرب من فطامي..
سمية: اقول فطامي..ممكن تسلفيني خشمج اسير اغازل العين مول
فطامي: هههههههههههاي من زين خشمي عاد..
سمية: عالاقل احسن من خشمي..
عليا: والله شكلنا ولا وحدة فينا خشمها حلوو
فطامي: رمسي عن عمرج..
سمية: فطامي... مش قايله بتاخذين موبايل..شو خذتي والا لا؟
فطامي: هيه خذت..وبطاقة ورقم مرتب بعد
سمية: وينه عيل مااشوفة
فطامي: كيف تبيني اطلعه ماتدرين انه ممنوع تبينهم يفصلوني..
سمية : خلاص انزين عطيني رقمج... بطرشلج مسجات حلوة ومسجات مصورة..
فطامي: صدق والله زين وحليله تلفوني فاضي مافيه شي مولية..
سمية : افا وانا موجودة وحياتج اخلي تلفونج فل من اشياء حتى ماتحلمين فيها..
فطامي: طيب هاج خذي هذا رقمي.....000000
سمية: هذا الرقم الي مرتب الحين ثلاثي..
فطامي: هيه شو مب عايبنج
سمية: خذي خذي هذا الرقم المرتب هذا رقمي 0000 ثنائي..
فطامي: واو ما شالله منو طلعه لج ..واسطة مانروم
سمية: تبين اطلع لج..
فطامي: كيف
سمية : بدون كيف انت بس امشي ويا سمية...تبين ارقام بطايق فساتين وحتى لو تبين سيارة..
هنيه مريم حست ان السالفة زادة عن حدها وجت وسحبت فطامي...خافت ينضحك عليها بسهوله خصوصا انه فطامي ما تعرف شي .. كله تمشي على نياتها..وبسذاجه
مريم: فطامي..شحاله ابوج
فطامي: فديته ابوي بخير... يسلم على ابوج
سمية: فديته والله ابو مريم خخخخخخ
فطامي: حووو شو تتفدين الريال هذا ابو ربيعتج..ومعرس
سمية: عادي خخخخ احب الشواب..

سمية كانت جميلة جدا وجمالها ماينوصف صحيح مريم وفطامي كانن حلوات لكن جمالهن مايتقارن مع جمال سمية اما عليا فكانت عادية لكن صوتها كان فضيع وكانت دايما تغني وتشل.. ومن شدة جمال سمية حتى الاساتذة فالجامعه نفسهم يسرحون في وييها بدون وعي..
بعد ماخلص اليوم الي ضاع عالفاضي بدون لا يدرسن ولا محاضرة وحدة... رجعت فطامي البيت وفالطريق اتصلت على محمد
فطامي: حمودي ..شفيك يعني لو ماانا ادق انته ماتدق
محمد: شوفيج انتي مزعجة...مابا ادق كيفي
فطامي: حمودي بلاك بسم الله ماقلت شي انا
محمد: اوهو فكينا حشرة يلا مع السلامة...
وسكر الخط. فو يوهها ..وفطامي مستغربة بسم الله بلاه حمودي... وقبل لا تفكر ترد تتصل مرة ثانية..تلفوناها يولع ويبند.. الرسائل الواردة =1 وبعد شوي 2 وبعد 3 وبعدين 12 فطامي مستغربة
فطامي: بسم الله 12 رساله مرة وحدة شو السالفة..
فتحت فطامي اصندوق الوارد وهيه بعدها فالباص ماوصلت البيت تشوف المسجات وتقول في خاطرها محد غير حمودي هذا يبى يراضيني بس عناد مابرضى ..فطامي مافكرت في احد غير محمد لانه محد يدري انه عندها موبايل غيرة وحتى نست انها عطت رقمها حق سمية..
فتحت صندوق الوارد وهنيه كانت بداية... الانحراف..
12 رساله مصور..صور وسخة جدا واقل مايقال عنها اباحية.. ومعاها كلام.. وسخ وسخ جدا وما ينقال والكلام يعبر عن الصورة.. فطامي انذهلت وتذكرت انه هذا رقم سمية...بس شو هذي الصور الخليعه.. معقول سمية الي توها 17 ترسل هالاشياء ..فطامي بينها وبين نفسها استحت تشوف الصور وعلى طول مسحت كل الرسايل.. ولا فكرت تتصل حتى على سمية وتناقشها فالموضوع..رجعت البيت عادي تغدت ونامت وصحت المغرب وتلفونها كان سايلنت..بس شافته يولع ويبند والمتصل رقم سمية وكانت بعدها مش مخزنه الرقم بس حفظته..وردت وهيه توها قايمة من الرقاد وصوتها متغير..
فطامي: آلوو
سمية: واو فديت هالصوت ...توج ناشة فديتج...
فطامي: هيه ..اشحالج انتي..
سمية: بخير يوم اسمع صوتج..
فطامي في خارطها بلاها هذي تتفدى وترمسني جي لا يكون انا ريلها وانا ماادري..
فطامي: ها سمية واخبارج بعد..
سمية :ولاشي فديتج شو جدولج اليوم
فطامي: ماشي بقوم الحين بسبح وبتعشى بدرس وبطالع التلفزيون وبرد ارقد...
سمية: افففففففف
فطامي: بلاج
سمية: عنبو انتي شو مسوية بنفسج جي عيشي حياتج
فطامي: حمدالله عايشة حياتي..
سمية: ماتطلعين تروحين السوق الحديقة العين مول أي مكان
فطامي: امبلا اروح الجامعه واوقات اروح العز بة ويا هلي
سمية : ههههههههههههههههههههههاي الحين الجامعه والعز بة صاروا طلعه..سمعي انتي ماقلتيلي وين ساكنه فالعين
فطامي: نحن ساكنين في هذي المنطقة
سمية: هيه اعرفها ثلث ساعه عن منطقتنا..اقول فطامي شو رايج تتسبحين وتلبسين... وتكشخين بس بليز لاتلبسين عباتج المسكرة الي تلبسنها فالجامعه البسي عباة مفتوحة وبنطلون جينز وقميص بنك ..والمكياج اعرفج ماتعرفين تحطين انا بحطلج بمر عليج انا الحين وبنروح نشيش..عند البحيرة الي ورى منطقة مبزرة
فطامي: ليش ماعندج كمبيوتر تشيشين فالبيت..
سمية : حوو بلاج انتي قلت اشيش مش اشيت فرق هذاك شات وهذي شيشة ..شيشة ماتعرفين الشيشة ماتعرفين المعسل.. يلا بمر عليج انا وبنت عمي الحين ومن اوصل المنطقة بدقلج تلفون عشان توصفيلي مكان بيتكم بالضبط
فطامي مذهولة من الي قاعده تسمعه وعلى طول سكرت الخط بدون لا تلفظ ولا حرف واغلقت التلفون..
قامت فطامي وتغسلت وصلت ..وراحت اتصلت من تلفون البيت على مريم البيت وطلبتها لان مريم بعد ماعندها موبايل.. حتى عبدالله تفتح خط تلفون البيت عشان تكلمة..
مريم: مرحبا فطامي اشحالج وشحالها امج
فطامي: حمدلله بخير..بس خلج منها اباج في سالفة خطيرة ضروري..
مريم: خير
فطامي: تصدقين اليوم مش انا عطيت رقمي سمية.. اليوم الظهر طرشتلي مسجات مصورة صور خليعه شيت..لا وعقب دقتلي وقالت لي جي جي
مريم: هههههههههه انا ماقتلج تبعدين عن سمية وعليا..يابوي هذي سمية اعرفها انا من زمان اذا ابوها تشيش قدامه ومايقولها شي بس ماظني انه يدري عنها انها تطلع تروح تشيش في شيشة برى... لانها دوم تخبرني انها تسهر فالقهوة لحد الصبح
فطامي: شووو وانتي ليش تمشين معاهم وانتي ليش غير عنهم
مريم: شوفي فطامي:: انا امشي معاهم تقضية وقت وفيني عقل صح امشي معاهم واسولف بس ..مالي شغل بالي يسوونه.. وبعدين عليا فالسكن صح..بس بلاويها اكثر من بلاوي سمية..وبعدين انتي ليش تعطينهم رقمج تضمنين انهم مايوزعنه... او يعطنه حد من ربعهن
فطامي: ربعهن يوزعنه كيف يعني...
مريم: ربعهن الشباب هذيلا يعرف مية الف واحد ..وعادي جدا يعطنهم رقمج مقابل حتى عشرين درهم او بطاقة..
فطامي: شوو تبين محمد يذبحني.. بعدين اساسا انا ماارد على غير محمد واليوم بس رديت على سمية..
مريم: الامر سهل جدا غصبن عنج بتردين...يوم بيقولج انتي فلانه بنت فلان وتدرسين جي واسمج الكامل جي..وبيتكم واخوانج ويحكي لج كل شي عنفسج
هنيه خافت فطامي..وقعدت تصيح..
فطامي: مريم حرام عليج ليش ماخبرتيني من قبل شو اسوي الحين وربي خايفة..
مريم: هن يعرفن قبيلتج يعرفن وين ساكنه يعرفن شي قوي عليج
فطامي: لا حتى اسم ابوي ماتعرفة صحيح تعرف اسمي واسم منطقتنا بس هذا كل شي..
مريم: خلاص لاتخلينها تعرف شي اكثر.. وحاولي ماتكلمينها فالتلفون سولفي معاهم عادي فالكلاس...عشان مايكرهنج ويسون فيج شي..
فطامي : ان شالله..

سكرت فطامي عن مريم وهيه مذهولة من الي سمعته... قامت ورتبت كتبها وحلت واجباتها وتعشت..
وقبل لا تنام اتصلت على محمد...مرة ثنتين عشر وحتى خمستعش ومحمد مايرد..فطامي في خاطرها,... اوهو بلاه حمودي يعني انا ناقصة ليش مايرد عليه..قعدت فطامي تدق على محمد على الساعه 12.30 وهو مايرد...وفطامي يغلبها النعاس تبى ترقد وفي نفس الوقت مش قادرة ترقد وهيه مش مطمنه على محمد تطرش مسجات مايرد...افف شو السالفة..شو هاليوم النحس استغفر الله..ونامت فطامي بدون لاتدري...وصحت الصبح تشوف التلفون بس مالقت لا مسج ولا مس كول من محمد ...ردت اتصلت عليه...بس مايرد... تلبست وراحت الجامعه بدون نفس...وفالمحاضرة ..
سمية: فطامي ليش امس سكرتي التلفون بويهي..
فطامي: ماسكرته التلفون خلص البتري منه وسكر..وحطيته فالشاحن وقلت بتصلج ونسيت
سمية: مش مشكلة اما فاتتج السهره البارحة بس ولايهمج الجايات اكثر من الرايحات..
فطامي : يصير خير...
بعد المحاضرة...
مريم: فطامي فطامي بلاااااج اليوم مش
طبيعية ولا تسولفين سمية وعليا قالن لج شي؟
فطامي: لا.. بس ادق علىمحمد وما يرد علي والله بموت من الخوف عليه قلبي بيوقف..
مريم: يابنت الحلال يمكن انشغل يمكن نايم ماتدرين..
فطامي: انزين..ان شالله اقول مريم انتظريني هنيه بروح الحمام..
راحت فطامي الكلاس ولقت هناك عليا وسمية..
فطامي: عليا بغيتج شوي ممكن
عليا : ممكنات..
فطامي: اريد موبايلج.. ابا اتصل مكان
عليا: شو يعني مكان قولي مابينا اسرار وبعدين ليش ماتتصلين من تلفونج والا حبيب القلب زعلان
فطامي: هاتي يلا
عليا: عطيني الرقم انا باتصل..
فطامي..ماتفكر في شي كالعاده غبية وساذجة..اهم شي الحين تتطمن على محمد عالاقل لو كان زعلان بيرد على رقم غير رقم فطامي وبكذا تعرف انه بخير..
فطامي: هاج الرقم..يلا دقي..
عليا: واو الرقم صراحة شي لا وبعد خط... لا شكله الحبيب مريش وينفع حق البزنس
فطامي: اوهو عليا بلاج هذا خطيبي بلاج
عليا: ماشي ماشي لا تاكليني بقشوري.. كاني اتصلت
محمد: الو الو
صكت فطامي التلفون وقالت حق عليا مشكورة وراحت بدون لاتمسح الرقم من التلفون ولاشي..
اما محمد فرجع اتصل على الرقم ..وردت عليه عليا بدلع
عليا: الوو مرحبا هلا والله بزين الشباب
محمد من سمع الصوت والكلام على طول مارد وصك التلفون في ويها دقت مرة وثنيتن وعشر ومحمد مايرد لحد ماملت..
اما فطامي فرجعت لمريم
مريم: عنبو كل هذا فالحمام..
فطامي: لا ( وبدت تبكي..)
مريم: اوهو بلاج انتي اليوم شو يصيحج الحين تبيني اخذ بطاقة ونروح ندق لمحمد من كابينات الكافتيريا
فطامي: خلاص دقيت له ..محمد بخير..
مريم: عيل ليش تصيحين ..
فطامي: لاني مسوية شي واحس ضميري يانبني وخايفة من عواقب الي سويته..
مريم: شو مسوية بعد.. لا تقولين سمية..
فطامي: لا عليا..
مريم: استغفر الله منج بنت انا ماصدقت افتك من سمية طلعتيلي بعليا انا مش قتلج انها عليا بلاويها اكبر من بلاوي سمية بمية الف مرة... صح هيه مش مواطنه بس وارها ظهر قوي يعني توديني وياج ورى الشمس تعرفين والا لا

فطامي: ماعرف ماعرف شي
مريم: قولي شو مسوية عشان اعرف احل المشكلة قبل لا تكبر..
فطامي: انا لمن قتلج بروح الحمام كنت اكذب.. انا رجعت الكلاس وطلبت موبايل عليا وخليتها تدق لمحمد ولمن رد سكرت بويهه والله كنت ابا اطمن عليه والله والله بدون شعور.. هذا حمودي يا مريم والله مايهون عليه
مريم: انتي مينونه غبية بلاج انتي..متى بتتصرفين بعقل..طيب مسحتي الرقم ..لايكون خبرتي عليا ان هذا رقم واحد
فطامي: لا نسيت مامسحت الرقم.. وهيه خبرتها بس قلت الها هذا خطيبي لاتجين صوبة
مريم: صدق انج غبية ليش حد قالج انه عليا وسمية يعرفن متزوج والا خاطب والا حتى شاب والا شيبة انتي شو ماتفكرين..سمعي طرشي مسج الحين حق محمد وقوليله مايرد عالرقم وقوليله البنت مب زينه لا يبلش نفسه معاها بمشاكل لانه لو رد لو مرة وحدة بس شوفي وين بتوديه..عليا وانا اعرف ماتصدق تحصل رقم بتقعد تدق عليه لحد ماتيب راسة..
فطامي: خلاص الحين اطرش له مسج...
طرشت فطامي مسج لمحمد ...وانتظرت بس تقرير التسليم ماوصل شو السالفة واتصلت عليه التلفون مغلق..فخبرت مريم
مريم: تصدقين يافطامي محمد اغلق التلفون لان عليا ازعجته صدقيني
فطامي: محمد لو زعلان مني مستحيل يكلم غيري او يعطي بنت فرصة انا اعرفة محمد متعقد من ذيج السالفة مستحيل يرمس بنت..
مريم: خلاص عيل اهدي وخلينا نروح المحاضرة..
هدت فطامي..وحضرت محاضراتها وعقب وصلتها مريم موقف الباصات وركبت الباص طلعت تلفونها..وحطت السماعه.. وشغلت الراديو..وبعد شوي تسمع أغنية ميحد حمد " تسال الروح فجاة عنك وينك واجاوبها بدمعٍ من عيوني.." فطامي تغنى مع الرايدو ودموعها اربع اربع على خدها..وتناظر الدريشة..السيارات تمر والدنيا زحمة الكل رايح راد.. وتقول في خاطرها يااااااه الدنيا صغيرة بس مليانه ناس وانا من بين الناس حبيتك..

:::::::::::: نهاية الجزء العشرين :::::::::::::

مر يوم واثنين وثلاثة وفطامي كل ماتتصل لمحمد مايرد ..او التلفون مغلق.. تطرش له مسج..بعد مايرد..وهي ماتعرف شو الي غيّر محمد فجاة..مرة وحدة جذا... فقررت تتصل امارات كول.. ودورت على اغنية عيضة ( جالس بحالي ولحالي هزني الشوق وذكرتك ..يعني معقوله ياغالي كل هذا وماوحشتك..غيبتك طالت ليالي ياعسى خير وعذرتك خوفي وكل انشغالي دون مااقصد جرحتك) وارسلتها على رقم محمد.. وفي هذا الوقت كان محمد طالع من دبي رايح بوظبي..ولمن وصلته الاغنية وانها من رقم فطامي.. رجع واتصل الها
محمد: هلا فطامي شوفيج شو عندج ..
فطامي: انا ياعمري شوفيني..مافيني شي غناتي... انت الي شوفيك..
محمد: فطامي واللي يرحم والديج لا تسويلي فيها قصة..فيني صداع فضيع... وبصراحة لاتزعلين بس من اسمع صوتج احس اني مخنوق..وعشان كذا كنت اتحاشى ارد عليج لاني من اسمع صوتج او اشوف رقمج احس بصداع واني مختنق احس اني بموت..
فطامي: انا انا ياحمودي حرام عليك حبيبي انت شو قاعد تقول
محمد: شو يعني اجذب عليج انتي شو ماتفهمين اقولج مب طايقنج مب طايق اسمع صوتج لو تحبيني صدق خليني عشان ارتاح من هالصداع... عشان ارتاح من هالشي الي كاتم على نفسي صدري ضايق مب قادر اتنفس..
فطامي: حبيبي حرام عليك تجرحني والله الكلام الي تقوله كبير كبير وايد ياعمري حرام عليك..انا فطامي حبيبتك ياعمري..
محمد: اواهو انتي شوفيج جي مزعجة
فطامي هنيه خنقتها العبرة مش قادرة تسمع تجريحات محمد اكثر من جذا تمالكت نفسها ..وكملت..
فطامي: حمودي انزين انت الحين وين
محمد: هنيه طالع من دبي رايح بوظبي يلا مع السلامة..سكري فكيني..
فطامي: مااقدر يوم بتوصل بوظبي بسكر.. لازم اطمن عليج
محمد: افف سكري ويوم بوصل بطرش مسج..سكري يلا والله راسي بينفجر
فطامي: مااقدر اخليك بهالحاله..
محمد: انتي خليني وانا بصير بخير ..
فطامي: ماريد والله مااسكر لين توصل بوظبي واذا تبى تسكر في ويهي سكر...اخاف عليك ياعمري تنام او الصداع يزيد عليك والطريج طويل..
محمد: خلاص فكينا حشرة بس تمي ساكته مابا اسمع صوتج ويوم بوصل بسكر..
فطامي تحملت كل هالاهانات والتجريح من محمد المهم تسمع صوته المهم تطمن عليه انه وصل..محمد كان ابدا مش طبيعي فعلا هو فيه قوة اكبر منه تمنعه ..فكان غصبن عنه مايقدر يسمع صوت فطامي ..كان كل مايشوف رقمها او يسمع صوتها يحس بصداع يحس بثقل كبير على صدره..وانه مختنق.. فطامي ذلت نفسها ذل ..لحد ماوصل محمد بوظبي واول ماوصل قالها خلاص وصلت وسكر الخط بويها بدون لايقولها تصبحين على خير..ردت فطامي ودقت مرة وثنتين وثلاث..بس محمد مايرد... قعدت تبكي طول الليل لحد ماتعبت ونامت على هالحاله..
فاليوم الثاني فطامي راحت الجامعه وخبرت مريم بكل الي صار بينها وبين محمد.. حتى مريم نفسها استغربت من تصرفات محمد..
اما محمد فرجع فاليوم الثاني من بوظبي العين رايح البيت ولمن دخل البيت مارضى ينام في غرفته.. مش راضي مب طايق يدخلها حاس انه مخنوق.. حاول حاول بس كل مايقترب منها يحس انه مخنوق..ركب سيارته ورجع بوظبي.. مسك خط العين بوظبي بالرغم من طول الخط والواحد لو ماكان مغصوب ما بيروح لكن بعد المسافة اهون من الخنقة الي تصير لمحمد اول مايدخل الفريج عامه وبيتهم خاصه..
وهنيه اتصلت عليه فطامي..
فطامي: حمودي..
محمد قعد يصيح كانه طفل
فطامي: حمودي بسم الله عليك شوفيك شوفيك ياعمري..
محمد: فطامي ..ماعرف شو فيني..ادري جرحتج بس والله مااحس شي تجاهج مااقدر احبج ..فطامي دخيلج لا تدقين على رقمي..ارجوج تعبت مخنوق راسي بينفجر دخيلج سكري يلا ..
سكر الخط واغلق تلفونه..
اما فطامي فقعدت تبكي وتبكي ومارضت تكمل باقي محاضرات..
مريم: فطامي خلاص محمد وكلمتيه قومي يلا غسلي ويهج خلينا نروح المحاضرة بادية من ربع ساعه
فطامي: مابروح مكان ..مريوم محمد والله مش طبيعي معقول معقول بعد خمس سنين ونص يقول مايحبني مايباني.. انزين انا كيف اعيش الحين محمد حياتي محمد روحي محمد كل شي والله كل شي محمد..بموت والله بموووووووت حمودي دخيلك رد اباك انا ياعمري..والله حياتي انته والله والله..والله اباك مااقدر اتخيل اعيش بدونك لاااااااااااااااااااااااااااااااااااا ياعمري لا
قعدت فطامي تبكي بحرقة وتشهق..اختنقت من كثر ماهيه قاعده تبكي ..ودموعها غمرت ويهها..
مريم : بس فطامي بس قطعتي قلبي.. سكتي خلينا نفكر في حل..تعالي... لاتكون عليا خذته منج
فطامي: انتي غبية شوو اقولج محمد ..مستحيل يعرف بنت غيري..بلاج محمد يكره البنات متعقد منهن لو تموت عليا وعشر مثل عليا محمد مايكلمهن..صدقيني محمد فيه شي..والله..هذا حبيبي هذا قطعة مني والله لو يمرض او حتى يحس انه يوعان احس به هذا روحي تعرفين شو يعني روحي ..
مريم: شو بيكون فيه يعني..
فطامي: ماادري كل مايكلمني يحس بصداع ويحس انه مخنوق وشي كاتم على صدرة.. يحس انه يبى شي ويسوي شي ثاني والله مايهون عليه فديته..فديتك يامحمد في عدوينك ياقلبي ..فديت دموعه والله مايهون عليه..يعل روحي فداك يانظر عيني
مريم: لحظة لحظة..تصدقين فطامي.. هالاشياء الي يحس فيها محمد كانت تصير لاختي اسماء وايد كل ماتروح المدرسة..واخر شي طلع مسوين لها عمل
فطامي: اوهو يامريم انتي تصدقين هالاشياء..
مريم: وليش مااصدق فالقران مذكور( يتعلمون مايفرقون به بين المرء وزوجه ) العمل والحسد والعين هذا حق وتصيب الانسان صحيح ماتضرة الا باذن الله لكنها فالاخير اذا الله شاء تصيبة..
صدقيني محمد حد مسولة شي.. والا كان كرهج عادي كان قالج مااحبج وانتهينا ليش يضيق صدرة ليش يحس بصداع ليش كاره غرفته وكل مكان..صدقيني هالشي مب طبيعي..
فطامي : (تمسح دموعها ) والحل..شوو
مريم: ولا يهمج انا اول مااوصل البيت بسال امي عن رقم المطوع الي عالجنا معاه اختي اسماء
فطامي: اوهو مطوع بعد ردينا على الخرابيط..
مريم: انتي شوفيج هذا مطوع يعالج بس بالقراءن مب هذيلا مال شعوذة ..ودياية ماعرف كيف شكلها..وبعدين هو صادق في عمله ويسويه بدون مقابل ولا ياخذ درهم واحد ..يعني شي لوجه الله ومش مستفيد شي عشان يكذب..
فطامي: خلاص امري لله
مريم: صدقيني يا فطامي الريال زين وجامعي ويعالج بالقران والعسل ..وانتي مب خسرانه شي حاولي..
فطامي: والله لو يقولون علاج محمد في روحي جان عطيته اياها وهيه رخصية..
مريم : عيل انتظري اوصل البيت وبطرش لج الرقم يلا خلينا نروح المحاضرة..

فعلا اول ماوصلت مريم البيت سالت امها عن رقم المطوع وطرشة لفطامي مسج من تلفون امها.. واول ماوصل فطامي المسج اتصلت على المطوع..
فطامي: السلام عليكم
المطوع: مرحبا اختي وعليكم السلام..خير
فطامي: السموحة عالازعاج..بس انا عندي خطيبي واحسه متغير هالايام وقلت يمكن يكون حد مسوي له عمل
المطوع: خطيبك يعني بينكم ملجة
فطامي: بصراحة لا
المطوع: وانت باي حق تكلميه.. ؟!
فطامي: ان شالله بنتزوج قريب..
المطوع: ان شالله طيب ماقلتي له شو هيه الاعراض الي خلتج تحسين انه مسوين له عمل..
فطامي: تغير عليه فجاة بدون لا يصير بينا مشكلة او شي وكل مااكلمه يقولي انه فيه صداع وانه مخنوق وشي كاتم على صدره..وكاره المكان الي هو فيه ومش طايقنه..ولا طايق حد ولاحتى نفسة
المطوع:لاحول ولا قوة الا بالله..
فطامي: الحين شو اسوي شو الحل
المطوع: والله مافي غير حلين لا ثالث لهما..اما انه الي مسوي العمل يفكة او انكم تجيبونه اقرى عليه..
فطامي: ان شالله..بس الحين اكيد انه مسوين له عمل
المطوع: والله من الاشياء الي قلتيها والاعراض الي يعانيها اكيد..

سكرت فطامي عن الريال وهيه حاسة بامل انه محمد بيرجعلها المساله صارت باذن الله مساله ايام ..سكرت وهيه تدعي ربها يارب تشفي محمد وترجعه حقي طبيعي.. وبعد شوي قامت وكتبت مسج لمحمد " حمودي فديتك.. خلاص من عدا اليوم ماراح تحس بصداع ولا بضيق صدر.. خلاص ياعمري."
محمد بعد ماقرى المسج رجع واتصل..
محمد: شو عندج انا مب قايل ماتتصلين عليه
فطامي: حمودي قلبي ..انا ادري انك تحبني.. بس حد مسولك عمل عشان تخليني هيه انا ادري..فديتك والله
محمد: اوهو انتي متى بيكبر عقلج.. يلا سكري
فطامي: محمد روح خل الريال يقرى عليك قرآن وحتى لو مانفعك.... القران ماراح يضرك يلاعمري عاد
محمد: يلا يلا يلا سكري انا مب ياهل اسير اقول حق ريال اقرى عليه والله حد مسولي عمل شو قالولج..
فطامي: ارجوك دخيلك دخيل روحك حمودي..
محمد: كم مرة اقولج شو غبية ماتفهمين مااحبج مااطيقج.... الي بينا انتهى تعرفين شو يعني انتهى..
فطامي: ماعليه انا متحملنتك ادري انه شي اكبر منك يخليك تقول جذا ..
محمد: اوهو فيكنا يلا سمعي مااحبج ماباج ماراح اتزوجج فكيني عاد حلي عني خليني ارتاح فحياتي بختنق من صوتج ارحميني عاد..ماباج الي بينا انتهى ان ت هى سمعتي والا لا
فطامي: لا لا لا حمودي دخيلك حمودي ارجوك تذكر يوم رحت الدورة 45 كيف قعدنا نصيح ونبكي من الشوق ..انت تحبني والله والله حمودي انته تحبني.. تذكر يوم انسجنت انا انتظرتك..وانت رجعتلي لانك تحبني.. تذكر يوم ظربوك وقلت لهم تحبني لو يقتلونك... عمري الحب عمره مايموت..انا احبك والله وانت بعد ياروح فطامي
محمد: اوهو كنت غبي كنت ياهل حلي عني خليني كرهتج ماباج
فطامي: ارجوك حمودي..حمودي اتوسلك... اترجاك حمودي ماتعرف اني بدونك اضيع انت كل شي كل شي يامحمد غناتي دخيلك لاتخليني..انا عمري ماتخيلت الحياه بدونك انت كل كل شي حبيبي..انت وعدتني ماتخليني ارجووك
محمد: بتسكرين والا اصك التلفون في ويهج
فطامي: حبيبي اتوس
ويصك محمد التلفون في ويه فطامي.. قبل لا تكمل كلامها وطرشلها مسج.." عشان اثبت لج اني ماباج الحين بروح اقطع التلفون الي عندج.. عشان اقطع كل وسيلة توصلني بج..خلاص انتهينا فهمي عاد"
قرت فطامي المسج وانهارت من البكي مش قادرة تتخيل حمودي محمد خلاص ماعاد في حياتي طيب ليش؟؟ محمد صار مايحبني ليش في شو قصرت انا شو سويت.. والله حرام والله احبه مااقدر مااقدر اخليه.. انا كنت دايما فطامي المحترمه فطامي الي مثل الصرح الشامخ محد يقدر يطولة محد يقدر يأثر عليه.. كل هذا عشان حمودي.. حمودي راح حياتي راحت.. حمودي ارجع دخيلك حمودي والله احبك ..مااتخيل اعيش بدونك ياليتك مت ولا تقولي هالكلام عالاقل كنت مت وانت تحبني..ياليتني اموت ولا يمر عليه يوم وانت مب معاي..حمودي غناتي حبي والله احبك ارجع محمد انت تحبني حمودي..حمودي فديت روحك... اباك ياعمري مااقدر اعيش العمر لحظة بدونك فديت نصخك رد ياقلبي ..قعدت فطامي تبكي لحد الفير روحها كانت بتطلع شريط السنوات الخمس واحداثهن كان يمر جدام عيونها ..وكل مايمر عليها موقف ضحت فيه عشان محمد او محمد ضحى فيه عشانها كانت تموت من الحزن والعذاب وتبكي وتصرخ بس كل هذا مايقدر يخفف جزء من العذاب والفراغ الي في قلب فطامي..مسكت تلفونها عشان تشوف اذا فعلا محمد قطع الحرارة منه..ولمن جربت تتصل على محمد لقت فعلا انه تلفونها صار مقطوع ومايتصل.. حبست دموعها ..راحت وسبحت ولبست عشان تروح الجامعه وهيه مواصلة وخذت شوية ثلج وحطته على عيونها الي صايره منفخة وحمرا من كثر البكي..
راحت فطامي الجامعه ... وماحضرت المحاضرة الاولى.. وطلعت مريم من المحاضرة عشان تدور على فطامي يمكن تلقاها في مكانها المعتاد على العشب ورى المبنى وفعلا لقتها هناك
مريم: صباح الخير طمطوم ها بشري شو سويتي ويا محمد
فطامي: محمد محمد خلاص خلاص يامريم راح.. من حياتي وللابد
مريم: شو تخربطين انتي حب خمس سنين تفرطين فيه في يوم بلاج شو صار
فطامي: جي جي صار يامريم
مريم: لاتخافين ولاتبكين صدقيني بيرجع انا متاكدة احساسي يقولي جي..
فطامي: وانتي من عشان احساسج يقولج جي.. المهم سمعي انا ماراح ابكي دموعي اغلى من اني اذرفها على واحد سافل مثل هذا
مريم: هههههههه ادري من كثر الحب تسبينه
فطامي: مااحبه تعرفين شو يعني مااحبه.. وبثبتلج هالشي.. الحين بروح ادخل الشات
مريم: مابتدخلين يعني مابتدخلين
فطامي: انتي لاتسويلي فيها شريفة مكة يلا قومي علميني..
مريم: فطامي مابعلمج ولا بتدخلين الشات واذا صار وكسرتي كلامي ودخلتي لا اعرفج ولا تعرفيني
فطامي: انتي شوفيج حاسدة لا ترحمين ولاتخلين رحمة الله تنزل.. لاتسويلي فيها شريفة ادري عنج طول اليوم عالجات
مريم: هيه عالجات طول اليوم ومب جات سكربت مال يهال مالكم لا دجي جات رعودي والعين شو مشكلتج انتي وانا ضايعه وانا مدمنه وانا اعرف فلان وعلان كل هذا صح اعترف ..بس انا خلاص ضعت انا ادمنت..بس انتي يافطامي لا حرام والله حرام وحدة مثلج بطموحج واخلاقج تدخل هالاماكن
فطامي: احتفظي بنصايحج لنفسج انا حرة.. وبعدين الي ماقدر يعلمج اياه الجات هالسنين كلها انا اعلمج اياه في يوم.. هالايام المحترم والطيب هو الخسران.. البنات الضايعات محد يقدر يقص عليهن لان عندهن خبرة واذا ماكنت ذيب بتاكلك الذياب..
مريم: فطامي حتى لو محمد خلاج مايعني هالشي انج تضيعين نفسج عشانه دامة تركج فهو مايستاهلج وعمرج اغلى من انج تضعينه على واحد مثله..
فطامي: لا عمري مش اغلى محمد مش بس عمري محمد كل شي تعرفين شو يعني كل شي مالومج..عمرج ماعرفتي الحب..تتوقعين حب الجات حب..او حب التلفون حب.. عشان كلمة او ثنتين مشكله او اثنين ينتهي ويبدى غيره هذا تسمينه حب..الي بيني وبين محمد عمر عمر غرقان بالدم.. غرقان بالدموع والعذاب والقهر والآه ..بس كيف بتفهمين خليني خليني ماعاد شي في عمري يسوى ولو ضاع ماعليه حسافة لان ماعليه قيمة..انا كان ممكن انتحر وانهي حياتي بسهوله قد سبق وسويتها..بس ماابي اغضب ربي هذا شي والشي الثاني خلني اعيش باقي حياتي لابوي وامي واخواني..
مريم: والي تسوينه يرضي ربج يرضي ابوج واخوانج
فطامي..يلا مع السلامة..
مريم: فطامي رجعي رجعي فطامي.. دخيلج فطامي..انتي مب حاسة بالخطر الي قاعده تسوينه رجعي..والا ترى انسي صداقتنا
فطامي: مااعتقد صداقتنا اكبر من حبي لمحمد وجرح وسط مية جرح ماياثر..سلاااااااام
راحت فطامي مثل المجنونه تبى أي شي أي شي ينسيها محمد أي شي يدمرها من الخارج مثل ماهي مدمرة ومكسورة من الداخل.. دخلت مختبر الحاسب وقعدت تحوس وتحوس وبدون فايدة ماتعرف شي..مرت ساعه وثنتين وخلص الدوام لا حضرت محاضراتها.. ولاعرفت تدخل النت ركبت الباص ورجعت البيت ..لاغدى ولاشي نامت ..وحتى ماقامت تصلي ولا تتعشى كملت نوم لحد اليوم الثاني الصبح راحت الجامعه.. وفالجامعه..في بداية المحاضرة دخلت فطامي المحاضرة وقعدت بدون لاتكلم حد خصوصا مريم
سمية: بلاج فطامي..شوفيج شكلج متزاعله ويا مريم اعرفها نكدية..
مريم: سمية مالج دخل انتي ..اكرمينا بسكوتج
فطامي: مريم انتي الي مالج دخل ويستحسن تكرمينا بسكوتج
مريم: الحين انا الي مالي دخل الله يالدنيا..
فطامي:سمية تدرين ربيعتج هذي مسويه فيها شريفة مكة البارحة اترجاها تعلمني عالجات مب راضية اونه عيب
سمية: ههههههههه عيب قولي خايفه تاخذين منها شلة الشباب الي تعرفهم ولايهمج حبيبتي بعد المحاضرة اعلمج كل شي..
مريم : شباب في عينج انتي وياها..مخليه هاليهال حقكن انا مب مستواي سكربت جات انا مستواي رعودي والعين الدجي مب مالكم هذا شبعن فيه بروحكن
سمية: هذي انتي طلعتي على حقيقتج خريجة دردشات كتابية والله يستر بعد ما تطلع صوتيه..
فطامي: خليها تولي عنج سمية..عقب المحاضره موعدنا..
مريم بالرغم من الاهانات الي توجهت الها بس كانت تموت ولا انها فطامي تدخل الجات..مريم تعرف شو معنى ادمان النت تعرف شو معنى الضياع..تعرف شو معنى انها البنت تصير سلعه رخيصة بين الشباب يهدوونها باتفه الاشياء وتصير مثل العلكة من فم لفم.. لكن الجرح والصدمة الي في فطامي اكبر من قوة مريم..فطامي تحس انها مش بس خسرت محمد مش بس خسرت حياتها الا خسرت كل شي.. حاسة انها مكسورة ومتحطمة من الداخل بالرغم من انها تكابر على جرحها الا انها متدمرة كليا..

مرت المحاضرة..وطلعت فطامي ويا سمية .. مريم تناظر فطامي وكلها توسلات انها فطامي تتراجع عن قرارها لانها فطامي مش أي بنت فطامي فعلا بنت نظيفة وتفكيرها نظيف وبسيط ..وبعدها ما فتحت عيونها على الدنيا وبلاويها..وفطامي بنت بدوية ربت على انها تحافظ على نفسها وشرفها لو على موتها..لكنها منجرفة في تيار ماتعرف نهايته ولا عواقبة..
مريم : فطامي اخر كلام..
سمية: انتي شوفيج خلي البنت تعيش حياتها والا حلال عليج وحرام على غيرج
مريم: سمية ماكلمتج
فطامي: وانا سمحت لسمية تتكلم عني اظني سمعتي الرمسة يلا بابا روحي محاضرتج يالمجتهده هههاااااي..
راحت مريم للمحاضرة.. اما فطامي فراحت مع سمية وعليا..عشان تبدى طريق نهايتها..
دخلن البنات مختبر الحاسب.. سمية قعدت عاليمين وعليا عاليسار و فطامي فالوسط.. عطن فطامي اسم الموقع وعلمنها كيف تكتبه وفطامي كتبت اسم الموقع في دفترها عشان ماتنساه خصوصا ان الموقع عبارة عن أي بي لانه محظور فالجامعه..
بعد مادخلن الموقع .. قالن حق فطامي هنيه يكتبون الاسم المستعار ودايما حاولي تدخلين باسم دلع..واذا كان عندج عضوية اكتبي الرقم السري..فهمتي
فطامي: بس جي سهل
سمية: هيه بس جي يلا اشوف.. دخلي
وفعلا دخلت فطامي..
فطامي: سمية انا دخلت ... الله اشوف الصفحة الي تكتبون فيها
سمية والله شو اسمج فالدردشة
فطامي: اسمي هزاع
سمية : شوو هزاع هذا اسم ريال
فطامي: هيه مافيني بعد على حركات الشباب الي خبرتني عنهم مريم..
سمية : اوهو بعد ردينا على مريم ..يلا طلعي ودخلي باسم دلوعة العين او مزيونه او شي من هالاسماء..
فطامي: انزين بعدين الحين خبريني كيف اكتب..
سمية: تشوفين هذا المربع الابيض اكتبي فيه واضغطي انتر ..حاليا انتي بطيئة فالطباعه بس مع الوقت ببتعود ايدج .. وبتصيرين سريعه
فطامي: اوكي..لحظة لحظة سمية شوفي هالكلام يوصلني تحت
سمية: ياحبيبتي هذا خاص محد يشوفه غيرج جذا تكتبين فالخاص وجذا فالعام..فهمتي
فطامي: هيه تسلمين فديتج
قعدت فطامي تسولف فالجات باسم هزاع..
وحست بضيق وملل مش متقبله السوالف والخرابيط الي قاعده تشوفها بين الشباب والبنات فقالت حق سمية انها بسها لليوم بتطلع تروح الكافتيريا..
سمية : شو ياج فطامي يلسي يلسي
فطامي: ملل ولوعة جبد وكلامهم وصخ..برجع لاتخافين

طلعت فطامي... وراحت ورى المبنى الي كاانن فيه وقعدت في زاوية..فتحت دفترها وقعدت تكتب اغنية عيضة " غيرك بقلبي ماسكن شخص ثاني ..ولا رام قلبي في غيابك يخونك..ميناك قلبي وانته اليا مواني..ارسي على بحرك واهيم بفنونك..عانيت منك وانت مني تعاني اشكي فراقك وانت تشكي شجونك..حبك حبيبي بالضماير كواني..وكل الجوارح تشتكتي من طعونك..لو باختياري مافترقنا ثواني..ولاعشت لحظة ياحياتي بدونك..الحال عقبك صار ناحل وداني..لو شفتني بتسيل دمعت عيونك. ." لمن وصلت هالمقطع فطامي حطت نقطة بآخر السطر وركضت دخلت الحمام وانفجرت من البكي..قعدت تبكي بحرقة تطلع لو شوي من الجزن الي فقلبها ..العالم كله مايشيل ربع احزانها.. وقعدت تبكي فالحمام..قرابة الساعه ..وبعدين طلعت وغسلت وييها..ورجعت المختبر وهناك كانت سمية وعليا
سمية : فطامي ييتي يلا ادخلي الجات بسرعه مسوين ربشة.
فطامي : بحاول
هنيه راحت سمية وطرشت رساله بالخاص لبعض شباب المنتدى وخبرتهم انه الي داخل باسم هزاع هو بنت وهيه صديقتها والخ وطلبت منهم يكلمونها ويسايرونها على اساس انهم مايعرفون انها بنت
وفعلا دخل واحد الخاص على فطامي..بنك نيم اسير الحب
اسير الحب: هلا وغلا صباح الورد والكادي..
فطامي(هزاع) : اهلين صباح الخير
اسير الحب: اشحالك..
فطامي تضحك خخخخخخخخ صدق اني ولد وردت عليه : بخير انت شحالك
اسير الحب: اقول ممكن نتكلم على المسنجر ضيفني عالايميل..
هنيه فطامي حست انها مش فاهمه هالجملة ..فكلمت سمية عشان تقرى الكلام
سمية ..يافطامي ياحبيبتي انتي عندج ايميل..
فطامي: ايميل الجامعه هيه..
سمية: أي ايميل الجامعه اقولج هوت مييييييل
فطامي: شو يعني هوت ميل مااعرف
سمية: اوهو علينا الحين في وحدة كلية تقنية معلومات وماتعرف شو يعني هوت ميل لحظة لحظة بسويلج هوت ميل وبعلمج عليه..قولي شو تبين يكون اسمج ..وشو يكون اسم الايميل
فطامي: اسمي محمد
سمية اسمين مب واحد
فطامي: محمد فطامي..
سمية : والايميل شو اسمة اختاري اسم مستعار مثل الدردشة..
فطامي: ورد جوري..
سمية: وهذا الايميل سويته من هنيه تطرشين رساله وجذا تكون عندج رساله جديدة
فطامي: فديتج تسلمين والله الحين هذا الي فالدردشة اعطية أي واحد فطامي محمد والا ورد جوري..
سمية: لا تعطينه ورد جوري ولازم يكون عندج مسنجر عشان تضيفينه وتكملينه..وبدت سمية تشرح لفطامي كل شي من الصفر..بدون كلل او ملل..اما فطامي فصارت بروحها مع الايام تحترف النت والجات..لدرجة انها كانت تروح الجامعه وماتحضر محاضرات وتقعد على النت لحد المسا وترجع البيت اخر الليل.. ماتفكر في اهلها ولا اخوانها ولا شي صحيح طيف محمد مافارقها..بس كانت تتحاشاه وتروح تنام عشان تصحى وتروح الجامعه وتتاخر فيها بالرغم من انها خذت حرمان في بعض المواد يعني رسبت قبل امتحان النهائي وكانت تنسى نفسها على الجات..12 ساعه يوميا من ثمان الصبح لحد ثمان المسا..وبالرغم من ها كله وبالرغم من محاولات مريم اليائسة .. كملت فطامي شهر على هذي الحاله وهيه تدخل الدردشة كل يوم باسم وكل الاسماء كانت اسماء اولاد...ولكن الى متى؟..

:::::::::::نهاية الجزء الحادي والعشرين:::::::::::::::

فعلا القصة انقلبت راس على عقب..
وبصراحة انا نفسي اكتب السنوات الاربع الباقية بدون نفس صحيح فيها احداث حلوة ومرة بس مش مثل السنوات الخمس الاولى...كتابت ضياع انسان ... ولعب باحسيس البشر..وانه الشخص يقوم يحس بشي غصن عنه... شي يعور القلب..
عموما انا نزلت الحين جزء وان شالله بعد شوي بنزل جزء او اثنين
اترككم مع التكمله
************************************************** **************


وفي يوم من الأيام..كانت فطامي قاعدة على الشات ... وسمية قاعده تكلم واحد فالتلفون..
سمية: مرحبا بوشهاب ..شخبارك..
بوشهاب والله يسرج الحال
سمية: واخبار الشات وياك..
بو شهاب : والله زين بس ماشي بنات .. مملات..
سمية: ليش وهزاع ماقدرت عليها ههههه
بوشهاب: هزاع ربيعتج... لا ياعيوني غيرت الاسم الحين اظني تدخل باسم ثاني..
سمية: لا والله بنت اللذين... ثواني شكلها مندمجة انا بشوف باي نك داخله وبخبرك..لحظة
راحت سمية وشافت اسم فطامي فالدردشة ورجعت تتكلم فالتلفون
سمية: هلا هلا بوشهاب..هيه شفتها داخله باسم ولد الامارات
بوشهاب: طبيها مافيني عليها حاولت فيها راسها يابس وانا ماتعجبني هالنوعية من البنات مسوية نفسها شريفة انا ابى البنات الي بروجحهن يتعرفن وفري وتطلع..هذي بالله عليج في شو تنفعني والا اقولج هنيه واحد من الشباب مثلها .. لحظة بخبره النك نيم وبقوله انها بنت..
بوشهاب: منصور تشوف هذا الي داخل الشات باسم ولد الامارات هذي بنت توها ربيعتها ترمسني تخبرني فالتلفون شرايك..تشبكها شكلها مثلك ناس معقده..
منصور وانت شلك..
راح منصور ودخل الخاص على فطامي..
منصور: مرحبا
فطامي: هلا
منصور: سمعيني زين يابنت الناس .. انتي شو تبين تدخلين الشات يوم انتي مب راعية هالسوالف والخرابيط
فطامي: وانت شو دراك عني بعدين انا داشة اضيع وقت ...بعدين تعال من قالك اني بنت
منصور: ربيعتج هذي الي عدالج خبرت ربيعي عنج وهو قالي ... والله يعلم بعد قال لمنوة
فطامي: اخييييييييج ياخي كيفي انا داشة الجات اتسلى اضيع وقت... واكبر دليل اني داخله باسم ريال..مب داخلة باسم بنت عشان اتعرف على الشباب
منصور: شوفي اذا فعلا انتي شريفة وقصدج محترم اول شي تسوينه تبعدين عن هالبنت لان فضايحها وبلاويها في كل مكان ويوم تبين تدخلين الدردشة باسم ريال كل يوم دخلي باسم ومن مكان مافيه ربيعتج لان شو الفايدة انتي تدخلين باسم ريال وهي تخبرهم انج بنت ومش بعيده تعطيهم رقمج وتوهقج
فطامي: ويوم انت مسوي نفسك شريف ليش تدخل الدردشة
منصور: ملان مثلج ويسموني معقد بعد.. انا حبيت اسوي خير.. والحين طالع ومثل ماقتلج سوي ..يلا مع السلامة عندي محاضرة..
فطامي: ممكن طلب
منصور : قولي بس بسرعه
فطامي: حاول تاخذ وتعطي ويا ربعك وهاتلي اخبار سمية وشو يعرفون عني
منصور: ان شالله بحاول
فطامي: تعال دامني بغير الاسم كيف بعرفك وبتعرفني؟؟
منصور: انا ادخل دايما باسم "مكابر" خلي بينا شفره
فطامي: اوكي... الشفره هيه اغنية عيضة " بي ضيقة ودعت انا اليوم غالي "
منصور : خلاص يالله في امان الله..
ظلت فطامي تسولف فالشات لحد المغرب بعدين راحت البيت فاليوم الثاني..
دخلت الدردشة ..ولقت منصور موجود
فطامي: بي ضيجة ودعت انا اليوم غالي
منصور: هلا هلا انتي هنيه..
فطامي: هيه
منصور: شوفي انا سالت ربيعي بوشهاب.. بدون لا اخليه يشك وقالي انها خبرته عنج بس انج ربيعتها حاولت تخبره اشياء وايد وتعرفج عليه بس هو اونه مارضى مايحب نوعية البنات الي مثلج
فطامي: يعني انا الي احب نوعية الشباب الي مثله .. خله خله يولي..
منصور: وانتي شو الي عرفج فالشات وبلاوية... اهتمي بدراستج احسن والله الشات ضياع وادمان تشوفين اشياء وبلاوي ناس الله لا يراويج..
فطامي: ماراماني عالمر الا الي امر عنه..
ظلت فطامي على هالحال ..تدخل الدردشة كل يوم باسم ولد شكل... الوحيد الي كان يدري انها بنت هو منصور...خبرته سالفتها بدون لا يعرف عنها شي غير سالفتها الي خلتها تدخل الشات..

اما محمد..فحالته كانت تدهور يوم عن يوم ... وظل فترة طويلة في بوظبي مايروح العين ولا يزور بيتهم واهله ولمن كان يزور البيت كانت امه شيخة تلاحظ انه مب طبيعي وتعبان ومخنوق وحتى وزنه نقص بشكل كبير.. وقلب الام ماقدر يتحمل انها حالة محمد تدهور اكثر.. فقامت وطلعت الغرض من تحت سرير محمد وقطعته ورمته فالزباله..وراحت بيت ام خالد وخبرتها السالفة... طبعا ام خالد ضايقتها السالفة وايد خصوصا ان هالشي راح يفسد مخططاتها انها تزوج خالد لفطامي... وطبعا هيه تموت ولا ان كلمتها تنزل الارض وهيه حلفت انه محمد لو يروح السما وينزل الارض ماياخذ فطامي حتى لو ماتزوجت خالد..فكرت وفكرت وقالت بينها وبين نفسها.. انه لو رجع محمد طبيعي يبى فطامي... الشي الي سوته لمحمد راح تسويه لفطامي وتخليها تكرهه.. وكان الناس واحاسيسهم لعبة عندها.. تضيع حياة انسانه وتلعب باحساسها بش عشان كلامها ماينزل الارض ..صدق دنيا غريبة..حتى خالد نفسة قال لأمة تتركهم في حالهم وانها لو مابقت بنت فالدنيا ماراح يتزوج فطامي بعد مارفضته..لكن ام خالد..اصرت على موقفها وقالت لخالد مش مهم انك تتزوج فطامي او غيرها ..المهم ان فطامي ماتتزوج محمد..ليش محمد احسن عنك في شوو؟؟!..

وبعد اسبوع بدت حالة محمد تتحسن وبدى يرجع طبيعي حس انه كان في كابوس وصحى منه بدى يدور على فطامي..وين فطامي من حياتي وين راحت فديتها...بدى يحن لفطامي وايام فطامي... بس كيف يوصلها صحيح هو قطع الرقم ويقدر يرجعه باي لحظة بس كيف بيخبر فطامي انه رجع الرقم..وكيف فطامي بتسامحة!!
اما فطامي فكانت في بداية طريق الضياع والانهيار فطامي الي كانت في يوم مثال للبنت الخلوقة المجتهدة المحترمة..كانت الضروف اقوى والصدمات اكبر منها..بالرغم من انه هالشي مايبرر الطريق الي سلكته.. وفي يوم من الايام كان امتحان مادة الرياضيات.. مريم وعليا امتحنوا وطلعوا.. فطامي تاخرت وسمية بعد.. ولمن طلعت فطامي طلعت سميه معاها.. وفطامي تحاول تتحاشى سمية وتبعد عنها ولكن!!
سمية: فطامي بشري شو سويتي فالامتحان كان سهل صح بس طويل
فطامي: هيه.. يلا برايج بروح البوابة الساعه تسع اخاف تسكر
سمية: هيه حتى انا رايحة البوابة الدريول يترياني.. بس ماقلتيلي من بيوديج البيت..
فطامي: اخوي فهد..بيمر عليه
سمية: قلتي له
فطامي: بحاول اتصل عليه
سمية: كيف ماتقولين تلفونج مقطوع
فطامي: هيه
سمية : خلاص هاج تلفوني دقي عليه منه
فطامي: عادي يعني ادق على اخوي من تلفونج؟ طيب واذا سألني عن الرقم؟
سمية: عادي قولي رقم ربيعتي
خذت فطامي التلفون من سمية واتصلت على فهد..
فطامي: هلا فهد انت وين
فهد : فالصناعية
فطامي: الصناعية هالحزة ..بس البوابة بتسكر عني الساعه تسع بالليل متاخر وايد
سمية: خلاص خلاص انا بوصلها
فهد: من هذي الي تكلمج
فطامي: ربيعتي
فهد: تبى توصلج..
فطامي: هيه
فهد: ليش منو بيرجها هيه البيت
فطامي: الدريول..
فهد: خلاص ردي معاها ..يلا مع السلامة
سكر فهد عن فطامي لانه كان حيل مشغول.. وسمية ففرحت لانها بترجع فطامي للبيت ..اما فطامي فكانت مب راضية انها تركب مع سمية..لكن شو تسوي... البوابة بتسكر..واخوها ماراح يمر عليها..يعني ماقدامها غير انها تاخذ تكسي او انها سمية..توصلها ..التكسي تخاف تركب فيه بروحها في هالساعه المتاخره من الليل خصوصا ان منطقتهم بعيدة... وسمية الله واعلم على وين بتاخذها.. بس عالاقل لو صارلها شي وهيه مع سمية تقدر تتحجج انه فهد قالها تروح معاها..ركبت فطامي مع سمية فالسيارة.. بالرغم من انه بيت سمية يبعد عن الجامعه خمس دقايق عكس..فطامي الي يبعد بيتها عن الجامعه ساعه الا ربع ومع ذلك اصرت توصل فطامي..ومحد كان فالسيارة غير الدريول وفطامي وسمية..ياترى سمية تسوي كل هذا ليش؟!...وفطامي شو راح يكون مصيرها بعد ماسلمت نفسها بايدين سيمة ؟؟!!

::::::::::: نهاية الجزء الثاني والعشرين ::::::::

: :




ركبت فطامي مع سمية والدريول وهيه ساكته وقلبها وجسمها يرجف..خايفة شو راح يصير الها ويا سمية..
سمية: فطامي بلااااااج ماتسولفين ملل والا تبيني اسولف ويا الدريول..
فطامي: لا حشى بس قاعده افكر فالامتحان واتذكر الحلول
سمية: خلي الامتحان يولي خبريني شو اخبار الصيد
فطامي: أي صيد؟
سمية: شو تخافين احسدج ..لاتخافين عندي الي يكفيني..
فطامي: تحسدني على شوو
سمية: الشباب الي فالجات
فطامي: صدق متفيجة شو ابا فيهم الشباب انا انا ادخل اسولف واظهر
سمية: فطامي نحن ربايع مابينا شي.. وبعدين عادي انا اعرف 11 واحد مافيها شي عادي فديتج لا تستحين..الا صدق تعالي محد يطرش لج ايميلات
فطامي: ايميلات شو محد طرش لي شي
سمية: افا عليج اول مااوصل البيت اخلي ايميلج فل
فطامي: بس لايكون مثل مسجات التلفون
سمية: ها اشوف ظهرتي على حقيقتج ..عادي فديتج عيشي حياتج لا تستحين كل الي تبينه موجود عندي انتي بس اشري..
فطامي: ابا اوصل البيت بسرعه فيني رقاد..
سمية: بدري شو رايج نروح نسهر في كافيه واعلمج تشيشين وبالمرة نترزق ...يخرب بيتهم الشباب بالمقهى كيف حلوين كحلي عينج بدال القحط الي فالجات تروحين تعرفين واحد وبالاخير يطلع خال
فطامي: مابا اعرف حد ..فيني نوم بعدين فهد بيذبحني لو تاخرت وهو يعرف انج بتوصليني البيت ويعرف المسافة يعني بيحسبلي..
سمية: اوهو..يلا ماعليه مرة ثانية.. المهم انتي علمي الدريول وين بيتكم
فطامي: ان شالله
سمية: اقول فطامي..اذا تبين تطلعين دقي ع دريولنا بعطيج رقمة بيوصلج وين تبين..واذا في خارطج شي من السوق باخذه لج.. هيه وصح نسيت باجر فالمحاضرة يلسي معاي ورى مكان عليوو عشان امكيجج.. عيونج حلوة وبيضبط عليها الاي شدو والاي لاينر..
فطامي: مااحب احط اخضر واصفر بعدين نسيتي اساتذة يدرسونا... وانا مافيني اتغشى كل مااشوف استاذ بس لاني حاطة ميك اب وبعدين اساسا حر مااحبه..جذا مرتاحه..
سمية: انا اباج تتطورين بلاج انتي..وبعدين جسمج حلو مخصر.. بس عباتج صدق غبية..
فطامي: عباتي انا غبية
سمية : هيه بالذمة عندج هالجمال ولابستلي عباه جنها خيمة ومسكرة بعد..فطامي بسج حفاظ عاد تونا فاول العمر يلا عاد باجر شو رايج نلبس جنزات وقمصان بيض قصيرة يعني السر يكون برى صدقيني بيطلع عليج دلع
فطامي: ايه عيب الدريول بيسمعج انتي شو تقولين
سمية: فطامي بلاج شو فيها يعني يشوف هالاشياء شو بيصير لو سمعها..
فطامي: ماعندي عباه مفتوحة وماعندي بنطول جنز.. كل الملابس الي عندي جلابيات البسهن تحت العباه المسكرة
سمية: خلاص فديتج انا بعطيج عباه من عندي وعقب بفصلج عباه في بلو دان والحين بعد ما انزلج بمر المول باخذ جنزات وقمصان لي ولج وعليا ومريوم.. ها شو قلتي خلينا نطقم
فطامي:يصير خير..
وصلت فطامي البيت وكانت امها تنتظرها.. سلمت موزة على سمية وطلبت منها تدخل تتعشى معاهم بس قبل لا ترد سمية قالت فطامي انها سمية تعبانه وكفايه عليها وصلتها وهيه مستعيله ودخلت البيت مع امها وصكت الباب.. وهيه خايفة من سمية لانها عرفت وين بيتهم ..ولانها ماتعرف وتاليتها مع سمية.. صحيح فطامي..بدت خطوة غلط وهيه ادمان الانترنت..بس هذا كان عشان تلتهي وتنسى محمد.. وللحين ماغلطت ولا كلمت شاب ولا طلعت معاه ولا تعرفت على حد حتى عن طريق الانترنت..
مرت ايام الكورس الاول على فطامي عادية ..كانت تجيها لحظات وتشوف صور محمد وتقعد تبكي وتبكي بس كانت تحاول تصبر نفسها..وتقول من باعك بيعه... بس حب محمد انزرع طول خمس سنين صعب ينقلع فايام..كابرت على نفسها.. وتحملت وكملت مشوار حياتها.. اما محمد فكان يحاول بكل الطرق يوصل لفطامي.. يرجع الها حبيبة قلبه وروحه هيه روحه الي اننزعت من صدره بالغصب.. ومع ذلك ظلت موجودة بالرغم من كل الي صار..رجع محمد حرارة تلفون فطامي.. بس التلفون مغلق ...لان فطامي تعرف انه محمد كان قاطع الموبايل..
اما ام خالد..فكلمت فطامي عشان تبي تخطبها لخالد..وبعد مارفضت فطامي وتحججت انها تبي تكمل الجامعه..هنيه تاكدت ام خالد انها فطامي تنتظر محمد..بالرغم من انه فطامي ماعاد في قلبها احد هنيه قررت وراحت صوب نفس الريال طلبت منه يسوي لفطامي مثل ماسوى لمحمد وشوق.. تلعب تدبر تخطط وكل هذا من تحت لتحت بغض النظر عن المبالغ الي كانت تدفعها له..
مسكينه فطامي... محد ماأخذ بثاره منها هذا لو كان له ثار..الناس تلعب باحسيسها وحياتها وكانها شخص مايحس.. كل شغلهم الشاغل.. انهم يمتلكونها لنفسهم.. بالرغم من فطامي انسانه عاديه جدا مش هيه هذيج الانسانه الي فيها جمال الكون او اخلاق العالم ولا حتى مال قارون بنت مثل كل البنات.. حبت انسان وتحملت عشانه والحب لاهو عيب ولاحرام وان كانت الطريقة غلط ولكن..لا الايام ترحم ولا الدنيا ترحم .. ويظل الانسان ضعيف مها كانت قوته امام جبروت الدنيا..

خلاص الكورس قرب ينتهي وبدت امتحانات نهاية الفصل.. معقول معقول فطامي الي مابعدت عن محمد اكثر من شهرين الي بطلوع الروح مرن عليها وهن لما دخل محمد السجن... اليوم كملت اربع شهور بدون لاتعرف عن روحها وقلبها الي من بين ضلوعها انزع ماعادت تعرف عنه شي غير اخر كلمة نطقها وهيه روحي مااحبج ولا اباج..كابرت عالايام وصار الانترنت كل حياتها وهيه ماسكة نفسها عن الغلط ..ماتدري انها على شفا جرف.. وفي يوم من الايام كانت عند فطامي امتحان تقنية معلومات(2) ..وهيه طبعا ولا هامنها قاعده عالشات
مريم: فطامي قومي الحين بياذن المغرب وباقي نص ساعه عن الامتحان
فطامي: اوهو مريم بلاج انتي ماتقولين ماتكليمين خليني
مريم: فطامي..سمعيني الشات لاحقة عليه ..خلينا نروح نمتحن
فطامي: انا من زمان مااحضر المحاضرة يعني اكيد الاستاذ مسولي حرمان
مريم: الاستاذ ماياخذ الغياب يعني عادي..قومي نمتحن يمكن بعد ربج ننجح ونفتك..
فطامي: شو ماتفهمين خليني بعدني ماشبعت من الشات
مريم: لاحقة بتشبعين ...انتي حتى ماكلتي شي اليوم بلاج.. والله هذا الي كنت خايفة منه انج تدمنين عالجات
فطامي: الحين بتستوي الاجازة وبترتاحين ماعندي حتى كمبيوتر فالبيت انا بموت وانتي ارتاحي
مريم: مب كيفج يلا قومي بروح اخذلج شي تاكلينه قبل لاتدخلين الامتحان انتي جي حتى مابتعرفين تركزين عشان نحل يلا قومي..
قامت مريم وبندت الكمبيوتر وسحب فطامي بالقو رايحة الكافتريا بتاخذ فطاير وعصير لان فطامي من جت الصبح من البيت وهيه قاده على النت ولا كلت شي مولية.. وفالطريق
مريم: فطامي تذكرين يوم اول ماعرفتج كنتي تقعدين عندي فالجامعه لحد المسا بس عشان تتاكدين اني صليت صلاة الظهر والعصر والمغرب ولمن كنت ارجع البيت تدقين تساليني اذا صليت العشا وكنتي دايما توعيني اصلي الصبح نسيتي.. وبفضل الله ثم فضلج.. انا قمت مااافوت صلاتي ..تذكرين؟
فطامي: هيه اذكر شو مناسبة هالسؤال الحين
مريم: ولاشي بس ارد الجميل واقولج كله ولا صلاتج
فطامي: شوفي يامريم.. انا صح ادخل الجات انزين بس مب مثلج ولا مثل الشله الي عرفتيني عليها..صلاتي اهم شي عندي..انزين ولا اعرف شباب بعد.. واذا كنتي تتوقعين اني بضيع عشان واحد مثل محمد تكونين غلطانه هو باعني انزين وانا مش غبيه عشان اعطيه اكبر هدية واضيع نفسي.. نفسي اغلى منج ومنه سمعتي
مريم: توج فطامي الي اعرفها جي اباج
فطامي: مريم تمي عندي ارجووج لا تخليني لو نتزاعل انا ياما وقفت عندج ..مريم انا والله صح دخلت الجات وانتي مب راضية بس مااسوي شي غلط..مريم انا صدق محتجة حد يوقف معاي الدنيا ماترحم والناس اجناس اخاف ضعفي يرميني لحد عشان اشكيله.. وفالاخير.. يزيد من احزاني بدل لا يخففها..
مريم: انا ماخليتج.. صدقيني فطامي دامج فالجات بتسوين الغلط وبتذكرين كلامي..
فطامي: اوهو اقول لو ادري اني مابقعد ع النت بسبت الامتحان جان رديت البيت اشوف المباراة
مريم: اووووووه اليوم مباراة العين والوحدة شيت مابنشوفها..
فطامي: عاد جنا بننجح فالامتحان
مريم: ان شالله بننجح..
مرن الكافتريا وخذن فطاير وعصير.. عقب صلن المغرب وراحن الامتحان..امتحنن ومريم رجعت بيتها..اما فطامي فراحت البوابة تنتظر فهد لان الامتحانات بالليل وماشي باصات وهناك لقت سمية..
سمية: هلا طمطوم..
فطامي: اهلين
سمية: لحظة فطوم ارمس فالتلفون
فطامي: لاعادي خذي راحتج..
سمية: ها بو شهاب..سمعت البنت الي ارمسها هذي ربيعتي الي ويانا فالجات شرايك في صوتها..
وقعدت سمية تكلمه عن فطامي وفطامي تسوي نفسها ماتسمع ..تبى تعرف وتاليتها مع سمية وشوي وتسمع ضابط الحركة يناديها فهد ينتظرها برى وطلعت.. وراحت البيت وهيه تفكر تقطع علاقتها مولية بسمية..

وفي اخر يوم فالامتحانات..
الامتحان بالليل وفطامي من الصبح فالجامعه..بس عشان تقعد عالجات.. فكرت تجرب تفتح الايميل الي سوته الها سمية عشان ماتنسى الطريقة وبالمرة تضيع الوقت... ولقت الرسائل الواردة 30 ... وكلهن من سم سم الي هو ايميل سمية عادي فطامي فتحتهن بتشوف شو فيهن..فتحت الاول لقت فيه قصة قالت يلا امرر الوقت واقعد اقراها..
قرت القصة ولمن وصلت في الوسط اكتشفت ان القصة قصة جنسية خيبة شو هذا مسحتها على طول والايميل الثاني والثالث والعاشر ..كله قصص والباقي قصص مصورة وفيدو وحاله... بقى ايميل واحد كانت فطامي بتمسحهن لانه اكيد بيكون مثلهن.. بس الفضول خلاها ماتسمحة ففكرت تشوفه.. ولقت فيه الكارثة...
صورة... بنت... بدون شيلة... ولابسة لبس فاضح... معقول من هذي هذي صور سمية...
هنيه وقف قلب فطامي وصكت الايميل..بدون لا تمسح الرساله وركضت تدور مريم حست بخوف ماتعرف شو مصدره ...مصيبة صورت بنت فالانترنت وبهاللبس خيبة..هذي شو حياتها..
الله ستر فطامي لقت.. مريم على العشب وين ماكانن متعودات يقعدن يت فطامي تلهث..
مريم: حوو بسم الله شوفيج انتي..يايه تركضين
فطامي: دخيلج مريوم بطلع من الجامعه..بودرها شاب راسي حشى
مريم: شو تطلعين خير شو صار..
فطامي: كنت اشيك الايميلات انزين وكانن كلهن من سمية لقيت قصص وصور وفيدوات وبلاوي كلها جنسية ومسحتها على طول والله والله والله
مريم: مصدقتنج لا تحلفين واعرف حركات سمية سوت معي انا قبل كذا
فطامي: بس مش هذا المهم
مريم: شو خير
فطامي: صور سمية فالايميل ..
مريم: خيييييبة شو تقولين انتي ماتوصل لهذي الدرجة انتي ماتعرفين من ابو سمية
فطامي: لا والله مااعرف
مريم: هذي بنت ريال معروف تعرفين فلان هذا يصير ابوها تعرفين شو بيصير لو درى؟
فطامي: وانا شو اسوي تصدقين نسيت حتى امسح الصورة..
مريم: صدقني سمية مطرشة الصورة لج بالعمد صدقيني تبى تورطج في شي..
في هذا الوقت وصلت عليا
عليا: سلاااااااااام بنات..
فطامي: عليا بلاهن عيونج حمرومنفوخة لايكون كنتي تصيحين طول الليل
عليا: انا ها لا نمت نمت وايد هيه عشان جي عيوني جذا صايرة
مريم: اها وشو هذا فايدج
عليا: هذا سي دي.. فيه لعبه يبتها حق فطامي اعرفها تحب تلعب الفطر..
فطامي: مشكورة فديج
عليا هاج.. السي دي خليه معاج
فطامي: ان شالله ومشكورة فديتج ..
عليا: درستوا للامتحان
فطامي : هيه
عليا : عيل ممكن كتابج ابا اشوف حل حق المساله خمس دقايق هنيه بقعد فالزاوية عشان اركز
فطامي: افا عليج فديتج الكتاب وصاحبته تحت امرج..
خذت عليا كتاب فطامي وراحت فالزاوية ..وهي اساسا ماتبى تدرس ولايهمها تنجح او ترسب عادي.. بس كانت تبى الكتاب عشان شي ثاني
فتحت الكتاب وطلعت صور سمية من شنطتها ودخلتهن في كتاب فطامي وبعد خمس دقايق رجعت الكتاب
عليا: مشكوره فطامي..يلا نتلاقى فالامتحان بالليل ان شالله..
فطامي ومريم: ان شالله يلا درسي عدل وبالتوفيق..
فطامي: مريم يلا عاد نروح مختبر الحاسب
مريم: اوهو لا تقولين تبين تدخلين الجات ..
فطامي: لا ابا اشوف السي دي خاطري العب لو دور واحد يلا مريومتي عاد يلا..
قامت فطامي وشلت السي دي.. اما مريوم فراحت تاخذ كتاب فطامي عشان تدرس منه وكانت شاله شنطتها ودفتر واغراض فايدها فطاح الكتاب وطاحت منه الصور
فطامي: شو هذا هذي صور سمية
مريم: فطامي انتي شو مسوية
فطامي: والله ماشي.. تصدقين نفس الصورة الي فالايميل شكلها مسويلها سكان
مريم: فطامي السي دي..
فطامي: هذوه فايدي..
مريم:الحين عرفت كل شي ياغبيه يافطامي صدق انج مسكينه وينضحك عليج
فطامي: حوو شفيج تسبين..
مريم: انا اقولج..
البارحة اتصلت عليه عليا وقالت انها متزاعله ويا سمية وتباني احل المشكلة... حلوو وبعد ماسكرت دقت لي سمية وقالت نفس الكلام... وانا اعرف بلاويهن.. فلبستهن
فطامي: انزين انا محد دقلي انا شو يخصني..
مريم : سمعي..سمية عاطيه واحد من الشباب صورها.. وهو وزعهن ويا الرقم... ولمن درت انه وزعهن خافت ابوها يدري وابوها ريال وله سمعه..شو سوت اتبلت على عليا ورمت الصور في ويها... وقالت انها تاخذها وياها السكن وان عليا شاذة... وعليا قعدت تصيح طول الليل.. ولمن فكرت قالت ليش تصيح..هددت سمية.. وكل وحدة تهدد الثانية فحلن المشكلة..بينهن وقطنها عليج يالغبية.. الحين الصورة عندج والسي دي اقص ايدي اذا ماكانن فيه الصور .. مش فيه لعبة الفطر..والا عليا من زود الكرم بطرشلج لعبة شو المناسبة والا انتي طلبتيها؟
فطامي : لا
مريم: قومي عيل نروح نشغل السي دي ونشوف شو فيه..
فعلا راحن شغلن السي دي وحصلن الصور لا لعبه ولاشي..
فطامي: شيت شو الحين شو بيصيرلي انا
مريم: ولاشي بس بكل برود بيقولون انتي الي شهرتي بالنت ونشرتي صورها وهيه شريفة مسكينه مالها ذنب ..
فطامي: والله ماسويت مريم حرام عليج انتي شو تقولين؟
مريم: منو بيصدقج.. الصورة في ايميلج وفي كتابج وعندج في سي دي..
فطامي والحل..
مريم: فتحي الايميل ومسحي الصورة هذي اول خطوة ..
عقب بندخل الامتحان متاخر انزين واكيد وحدة فيهم بيكون معاها كتاب اذا مب عليا سمية.. بيحطن كتبهن برى على الطاولة.. قبل لا يدخلن قاعة الامتحان... وطبعا اليوم اخر يوم فالامتحانات... ولازم بيرجعن ياخذن كتبهن عشان يسلمنهن.. ..انا وانتي بنتاخر ومن يدخلن بنحط الصور في كتاب أي وحدة فيهن وخل يسطفلن بمشاكلهن ومن عقب اليوم نقطع علاقتنا فيهن موليه... وفعلا هذا الي صار مريم وفطامي حطن الصور في كتاب سمية .. دخلن وامتحنن وعلى طول طلعن بدون لا يسلمن على عليا وسمية على اساس انه اخر يوم فالكورس..
بعد الامتحانات قعدن عليا وسمية يدقن على فطامي ومريم بس ماكانن يردن عليهن لحد ما ملن وتركنهن بحالهن.. ولكن هل هذا كان كل شي؟!..

:::::::::::::: نهاية الجزء الثالث والعشرين::::::::::::

فطامي خلصت امتحانات يعني خلصت الكورس.. اما مها وسلامة كان باقلهن امتحان.. فطامي كانت نايمة وفجاة حست بشي وقامت من النوم ولقت ام خالد على راسها..
فطامي: عموو شو تسوين في غرفتي..
ام خالد: لا ولاشي بس امج قالتلي اوعيج عليج امتحان الساعه 12 وهيه محد رايحة السوق
فطامي: بس امي تعرف اني خلصت امتحانات ..يمكن نست عبالها اخلص ويا مها وسلامة
ام خالد: عيل اسمحيلي خربت رقادج..
فطامي لا عادي..اسمحيلي بروح الحمام عزج الله اتغسل.. وبرجعلج
ام خالد: لا ماعليه فديتج خذي راحتج..
طلعت فطامي كلمت ام خالد شوي وبعدها ام خالد استاذنت ..ورجعت فطامي عادي..بدون لاتعرف شو صار ولاشكت في شي اساسا.. وام خالد تعمل عمايلها وكانه مافي رب فوق يشوف ويسمع..
فطامي مضايجة تبى كمبيوتر وانترنت فالبيت خلاص مش قادرة تتخيل يوم واحد بدون نت..فراحت عند ابوها وادلعت عليه ..واتحججت انها تبى الكمبيوتر عشان الدراسة وان مافي بيت مافيه كمبيوتر وخوانها لازم يتعلمون عليه عشان مايصيرون مثلها ..وطبعا ابوها مايرفض لها طلب..عطها فلوس وراحت مع فهد وخذت كمبيوتر وفتحت خط انترنت..
بعد ماخذت كمبيوتر وفتحت انترنت... قالها فهد..فطامي شو رايج نروح ناخذلج موبايل
فطامي: معقول فهد انت تقول تبى تاخذلي موبايل..
فهد: هيه انتي الحين صرتي فالجامعه ويمكن تحتاجين شي.. انا باخذلج موبايل وبطلع لج بطاقة..
فعلا راح فهد وخذ موبايل حق فطامي وبطاقة.. واول ماوصلت فطامي البيت على طول ركضت صوب الخزانه وفتحتها وطلعت التلفون الي عطاها اياه محمد... عشان تكتب المسجات الي فيه في تلفونها وتخزنها وفجاة ..التلفون مكتوب على شاشته الرسائل المستلمة 6 فطامي مستغربة كيف التلفون فيه رسايل وهو مقطوع
فتحت الرسايل المرسل محمد
اول رساله
"فطامي حبيبي فديتج ان شالله ايي يوم وتفتحين التلفون مهما كان بيعد بنتظره وتعرفين اني رجعت الحرارة ورجعتلج ياقلبي.."
المسج الثاني.
"حبيبتي فطامي ادري كم كنت قاسي عليج وتدرين انه كان خارج ارداتي..فديتج حبيبتي والله احبج ومستحيل اخليج...فديتج
"فطامي..ياعيون محمد اشتقتلج والله ان قلبي انفطر من الشوق.."
"ام سلطان نسيتي محمد محمد الي بيصير زوجج فديت روحج "
" عمر الغيم مايحجب خيوط الشمس..وعمر البعد مايطوي محبة أمس.."
"جيتك ولاغيرك ذكرته بمسراي ..جيتك وكل انسن غيرك نسيته..جيتك وانا ماني ابد تايه الراي ..جيتك وانا مدري زش اللي بغيته..جيتك وقلبي دقته تسبق خطاي..جيتك اقول مفارقك ماقويته.."
فطامي: هههههه هههههه ههههههههههههاي...لا ياشيخ قديمة العب على غيرها.. وانا جيتك اقولك ان كرهي لك ماتشيله الدنيا باهلها..
قامت فطامي ودقت لمحمد..
محمد لمن شاف الرقم ماصدق معقول لا احلم ..مستحيل عنبو عيوني انعمت وانا ابكي فرقى فطامي..معقول هيه تدق ياااااااااااااااااه يامنت كريم يارب.. فديتج..حبيبتي والله اني اعرف ان حبنا مستحيل يموت.. ويتكلم ويتكلم ويتفدى فطامي.. وفآخر لحظة رد عشان ماتسكر..

محمد: هلا حبي هلا روحي هلا قلبي فديتج مشتااااااااقلج مشتاقلج بموت بيقطعني الشوق عليج فديت روحج يااغلى انسانه بحياتي..الله لا يسامحهم الي فرقوا بينا
فطامي: هههههههه حبيبتي روحي لا والله تنكت حضرتك
محمد: فطامي فديتج.. والله ياعمري انتي تدرين اني ماكنت على طبيعتي تدرين انها كانت قوة اكبر مني تاثر علي والا عمرج ماهنتي علي فطامي احبج والله احلفلج اني احبج..
فطامي: وانا مااطيقك انا الحين الي صرت احس بصداع من اسمع صوتك انا الي مختنقة يوم اكلمك كرهتك عفتك ماابيك..شو تبى فيني..
محمد: انا ادري تسوين جي عشان تعامليني مثل ماعاملتج بس تمونين والله احبج..واباج وابشرج بعد ابوي اقتنع يخطبج لي بس انا كنت انتظر انتي ترجعين وبعدين اقوله يروح يكلم ابوج
فطامي: هههههههه ومن قالك اني انا اباك والا ممكن اتزوجك ... اصلن انا مااطالع تحت انزين.. ولا التفت وراي..بعتك من زمان ولاعدت ابيك.. وابوك خله يروح يدور له زوجة لولدة تليق بمستواه ..
محمد: فطامي خلاص عاد فديتج
فطامي: لا تتفادني لو سمحت..انا مادقيت عشان نتحاسب..انا دقيت اقولك اني ماعدت فطامي الي تعرفها تعرف ليش..انا خلاااااااااااص ضعت تغيرت صرت وحدة ثانية..واذا كنت تتوقع اني فطامي المحترمة الهبله الساذجة الطيبة الي كنت تعرفها فانت غلطان.. انا مااحب حد ولاعاد يهمني احد .. كل حياتي هيه هذا الجات الي ادخله .. هاه بعدك تباني..
محمد: وبظل طول العمر والله... ادريبج تقولين هذا الكلام عشان اكرهج بس مستحيل..
فطامي: شوف يامحمد وربي الي خلقني انه مستحيل يجي يوم واسامحك فيه انا سلكت درب مااقدر ارتد عنه وانت السبب فيه... ضيعتني حسبي الله عليك
محمد: بس انا موجود ..خلاص ياعمري تركي عنج هالسوالف وكل شي بيتصلح..
فطامي: عمر الي انكسر مايتصلح...ولو تصلح تظل علامة الكـسر باقية لو جبرته.. عموما تلفونك طرش اخوك ياخذه مابيه ولاعاد ينفعني اخوي خذلي تلفون وبطاقة..
محمد: هذا هدية مني لج وعمري مارجعت الهدايا..
فطامي: والله كيفك ..اول مااشوف اخوك فالشارع بعطيه اياه هديه له..
محمد: فطامي..
فطامي: لا تخاف..مابسوي مثلك.. خذ هاك رقمي اليديد..0000
محمد: يوم تقولين ماتحبيني ليش تعطيني رقمج
فطامي: لاني ماريد اخليك للايام مثل مانته خليتني لها.. ماريد الضياع يتغلب عليك.. ماريد السنين الي تعبت وشقيت فيها عشان تكون انت محمد مثل مانت الحين تضيع.. انا ضعت وانتهيت اعرفك والا اعرف غيرك ماعاد يهم بس انته لا لا تضيع.. ماباك تحتاج بنت في يوم من الايام ولو احتجت انا موجودة بتحملك وبسمعك رغم اني مااطيقك..هذا كله اهون من انه احد يقص عليك وتضيع في دوامة الدنيا مثلي.. الي صارلي ماباه يصير حتى لعدوني..انا وانت وكثير ناس غيرنا على نياتنا ننغش بسهوله..نعيش طول عمارنا محافظين محترمين.. وللاسف وبدون لانقترف أي ذنب اوخطية ينحكم علينا بانا صرنا ضايعين ونندفن احياء ويندفن مستقبلنا معانا..بس البنات الذيابة والشباب الذياب يعرفون يتصرفون ..يغلطون ويسلبون.. الشرف عندهم رخيص والسمعه والكرامة ارخص مايكون.. وبالاخير مايصيرلهم شي .. دايما ماترد الا فالغلابة امثالنا..قتلك اذا بغيت شي انا موجودة اذا تضايقت او احتجت شي انا موجودة..بس "لا تنتظر مني كلمة والا رد يرضيك.. الي ظما منك لا تفكر يرد يرويك"
محمد: حياتي
فطامي: اذا كنت انا حياتك فانا مت وانتهيت ..وهذا معناه اني ماعدت حياتك لاني ماعدت موجودة مع السلامة..

سكرت فطامي عن محمد دق الها مرة وثنيتن وعشر عالموبايلين بس ماترد.. حطت التلفونات عالسايلنت ودخلت المسنجر ولقت رساله يديدة فالايميل وكانت من واحد فالجات كان عنوان الرساله ..بي ضيقة ودعت انا اليوم غالي.. وعرفت انه منصور بس ماتذكر انها عطته ايميلها المهم ضافته.. وقعدت تكلمة يوميا عالمسنجر لحد الفجر بالرغم من انه شي بداخلها كان يمنعها وهو ضميرها الي كان يانبها وهيه تدري بس فطامي تبى تقتل ضميرها لانها حست انه ماعاد ينفعها في زمن مافيه ضمير... من هنا بدأت الحكاية..

:::::::::::::: نهاية الجزء الرابع والعشرين:::::::::::

فطامي ظلت على النت 24 ساعه..وكل ماحست انها تتمادى كانت تفرح... وفي نفس الوقت كانت تكلم مريم وتشكيلها كل شي..
ام محمد فكان يتصل دايما ولمن كانت فطامي ماترد عليه يطرش الها مسج ويقولها انه متضايج وانها وعدته ماتخليه ..فترجع تتصله بدون لاتحس تجاهه باي احساس كل الاحاسيس تجاه محمد صارت ميته..قالت له كذا مرة مااقدر احس فيك مااقدر احبك صحيح ادري انه يمكن يكون مش ذنبك بس والله مب ايدي مش قادرة احبك حتى لو سامحتك مش قادرة..ارجع احبك ..صعب صعب الا مستحيل..مب بايدي صدقني
محمد كان راضي باي شي كل شي.. المهم انه يسمع صوت فطامي ويتطمن عليها..
طول هالفترة كلها فطامي تقعد على النت بس عمرها ماكلمت شاب غير محمد فالتلفون.. ولا كلمت غير منصور على الماسنجر.. وبدى الكورس الثاني.. كان عادي بالنسبة لفطامي داومت وهيه مترددة انها تداوم ..لانها قبل كانت تروح عشان صديقاتها والحين تركتهم .. وعشان الانترنت والحين صار موجود عندها فالبيت
منصور حاول يتعرف على فطامي.. كان صادق معاها ويباها..بس فطامي مش واثقة فيه يعني كانت تبي تتسلى معاه وعليه فالنت.. والا اساسا هيه قلبها بعد محمد مات ..وما الحب الا للحبيب الاول..
وفي يوم من الايام كانت متضايجة حيل..وتلف وتدور فالحوش.. شافت مها رايحة بيتهم ..خمس دقايق ورجعت ..وخمس دقايق وراحت مرة ثانية وعلى هالموال..فطامي مضايجة وتبى تفك غيضها في أي احد..
فطامي: مها شوفيج..
مها:شوو
فطامي: رايحة رادة بيتكم
مها: كيفي
فطامي: لا ياحبيبتي مب كيفج تبين تروحين بيتكم روحي من العصر للمسا ورجعي مب رايحة راجعه السيارات وجيرانا يشوفونج شو بيقولون عنا ها
مها: يقولون الا يبونه انا شو علي ريلي موافق
فطامي: لا ياعيوني هذا يوم تكونين معا ريلج في بيت واحد لكن في بيتنا هالحركات ماشي.. وبعدين نحن كلنا بنات فالبيت مابيقولون مها والا حرمة فهد بيقولون بنات ناصر
مها: اوهو
فطامي: زولي بلا ردة ان شالله..
ومن هذاك اليوم لليوم فطامي ومها وعقب كل سنين الصداقة الي جمعتهم لليوم مايكلمن بعض..

بعد المشكلة فطامي مع مها حاولت تدق لمريم .. لكن مريم ماترد..
فطامي: افففف بلاها هذي..ماترد..
فطامي تحوس تحوس..دخلت النت... منصور مش فالمسنجر اوهو راحت طرشت له ايميل تقوله اول مايشوف الايميل يدخل...
وبالصدفة وهيه ترسل الايميل دخل منصور
فطامي: اوهو انت وين
منصور بلاج..؟
فطامي: ماشي مضايجة ابي اكلم احد افضفض
منصور: يوم قتلج خلينا نتكلم فالتلفون مارضيتي عالاقل يوم تضايجين تلقيني اما فالنت كيف بعرف انج موجودة
فطامي: وانت صادق يعني حد ماخذ منها شي والا عندي شي اخسرة اقولك هات هات رقمك انا بدقلك الحين..
منصور: معقول انتي لالا تمزحين
فطامي: اوهو وبعدين معاك انته بتعطيني والا شو
منصور :خلاص خلاص هاج الرقم اترياج
فطامي هيه يلا الحين بدق..بايات
سكرت فطامي النت..ودقت على منصور..وكانها انسانه ثانية..منصور نفسه مستغرب اذا فطامي تدخل الجات باسم ريال عشان ماتكلم الشباب وهو جات تجي اليوم تطلب الرقم عشان تكلمني فالموبايل ليش شو صار فالدنيا..
اتصلت فطامي على منصور وقعدت تتكلم وياه عشر دقايق وسكرت.. منصور قالها فطامي عقلي.. ومب لمن حد يضيق بج تسوين جذا في عمرج انا اعرفج من زمان واعرف اخلاقج بس لو حد غيري صار معه جذا الله يعلم شو بيسوي بينشر رقمج ويا الشباب..
فطامي : ان شالله..خلاص مع السلامة
منصور: ممكن خدمة
فطامي: نعم
منصور: اباج تصحيني الفجر..لان امي مسافرة عمره بس هالاسبوع تسوين خير
فطامي: تبى تقولي انك شريف خل المنبة يوعيك.. بايات
منصور : مع السلامة..
سكرت فطامي عن منصور وعلى طول اتصلت بمريم..ردت عليها مريم
فطامي: مريم ..(وبدت تبكي)
مريم: بسم الله فطامي شوفيج..
فطامي: انا سويت شي غلط غلط فضيع مايغتفر ابا اموت دخيلج والله حرام احس تيار يجرفني مب عارفة وين يوديني حشى اني صرت مول مااحس مب حاسبة حساب لاحد..
مريم: شو سويتي انزين خليني افهم
فطامي: جي جي
مريم: انا كنت عارفة ان هالشي بيصير من زمان وحاولت امنعج بس ما تسمعين الكلام
فطامي: والحين
مريم: تركي هالخرابيط والنت وغلقي تلفونج
فطامي: انا كلمته من بطاقة محمد... وبعدين مااقدر مااقدر اترك النت بموت
مريم: اتركي النت وغلقي بطاقة محمد.. وغير كذا تحملي العواقب.. وبعدين نسيت اقولج انا خلاص بخلي الجامعه
فطامي: شووووووو تخليني بروحي
مريم: شوفي فطامي انا انخطبت كذا مرة خطبني مهندس وطيار وضابط وكلهم رفضتهم لاني ماكنت ابا اتزوج ولا عمري فكرت فيه ..كان الجات يغنيني عن الكل واليوم خطبني واحد فالجيش وعنده شهادة ثالث اعدادي ووافقت
فطامي: شووووووووووو غبية انتي هبله تاخذين واحد مثل هذا
مريم: الواحد مثل هذا الي قاعده تتكلمين عنه... لو يدري عن الخرابيط الي كنت اسويهن فالجات كان ما رضى فيني .. الانترنت ضياع والله وخوف وتهديد وبلاوي وفضايح... ابا الحق على عمري قبل لا يفوت الفوت..انا خلاص بترك كل شي.. وبتزوج وبرضى في زوجي وبيتي مهما كان حالهم..ع الاقل اهون.. من الضياع الي اعيشة فالجات..احس اني بدون هدف بدون هوية..بالرغم اني مااطلع مع شباب ولا اكلهم غير فالجات بس احس اني رخيصة.. خلاص يافطامي... انا حتى لمن طلب مني اترك الجامعه تركتها..حتى الجامعه ضياع ويكفي الي شفناه من عليا وسمية..
فطامي: لاتقولين جيه انا اداوم عشانج حرام عليج..
مريم: انتي بعد لازم تفكرين نفسي وتلحقين عمرج.. عموما بخليج الحين الملجة بعد اسبوع بجهز نفسي ماشي وقت ولا تخافين ماراح اخليج..

سكرت فطامي عن مريم وهيه تقول سبحاااااااان الله يالدنيا صرت محطة للناس تمر علي وتشوف حياتها وانا واقفة في مكاني بالرغم مني اني ضحيت لكل هذيلا الناس الا انه محد وقف وياي وقت حاجتي الكل راح بطريقة.. الكل كمل حياته وبقيت انا مثل القطار ياخذ ناس ويوديهم من مكان لمكان.. من الضياع لبر الامان ويضل ضايع في مكانه..
مرت الايام تحاملت فطامي على نفسها.. عشان تكمل الكورس.. مها تركت الجامعه لانها كانت حامل وفهد مايباها تتعب.. سلامة..قامت تدلع وتركت الجامعه ولاحد غصبها مثل ماغصبوو فطامي..كلن عاش حياته مثل مايحب ويهوى... محمد كان كل يوم يتامل ان فطامي ترجع مثل اول ومافقد الامل..كان يكلمها بين فترة وفترة بالرغم من انها تكلمه بدون نفس بس اهم شي عنده انها تكلمه..فطامي بالرغم من انها مب في طبيعتها .. بس كانت ماترضى تجرح مخلوق لو شو كان السبب.. المهم ماتجرحة.. حتى لو كان الثمن ضياعها..عوض سمعت انه ياب بنت... وانتهت فطامي من حياته للابد خصوصا انه تربطة بنت بزوجته ..اهتم بزوجته وبنته وحاول يبعد عن فطامي.. خالد يدرس فالجامعه ومتفوق ولا يقرب صوب بنت يشتغل لحد الظهر ويدرس لحد المسا..
فطامي انهت الكورس الثاني ونجحت... والسنة الياية تبدى التخصص..

وفي يوم 1\6 طرش محمد مسج لفطامي...
"حبيبتي تذكرين هذا التاريخ ... حمدالله انه كل سنة يمر علينا ونحن ويا بعض"
رجعت فطامي واتصلت له..
فطامي: هذا التاريخ ياما حافظت عليه وصنته بس الحين مايعني لي شي لان صاحبة بعد ما عاد يعني لي شي
محمد قعد يصيح ويان مثل الطفل .. فطامي حرام عليج..الله يغفر ويسامح انتي ليش ماتسامحين!!!!
فطامي: مب بايدي يامحمد مب بايدي والله مااحس شي تجاهك وربي تعرفني مااعرف الكذب بس والله مااحس باي عاطفة تجاهك احس قلبي ميت.. كل احاسيسي ماتت ماعاد يهمني شي ولااحس بشي.. مااقدر مااقدر سامحني..
فطامي من خاطرها فعلاتحس ان الضياع الي عايشة فيه محد يقدر ينقذها منه غير محمد..وفي نفس الوقت مش قادرة تكمل ويا محمد مش حاسة باي احساس تجاهه ابدا كل شي مات في قلبها شو السبب هيه نفسها مش عارفة..
حتى لمن طلبت منها مريم انها تزوج.. دام انها ماتحس بشي تجاه محمد رفضت فطامي وقالت لمريم ان الحاله الي فيها هيه الحين ممكن تكون نفس الحاله الي مر فيها محمد قبل..حتى فطامي كانت تتامل انها ترجع طبيعية وتكمل مع محمد قصة حبهم.. الي كتبوها بالدم.. وخطوها بالحزن والعذاب والألم..عنبو اجسامهم بعلامات الضرب الي فيها بعدها شاهدة عالحب الي كان بينهم.. لكن القلوب..ماعادت تشهد بشي..اعتمت وصار الضباب يغطيها..:::
وبهذا يسدل الستار على احداث السنة السادسة السنة الطويلة... من سنوات جرح الأيـــــام (2001-2002)

::::::::::: نهاية الجزء الخامس والعشرين

الدنيا صيف..ولاجديد..في حياة الجميع ..مرة وحدة بس طلعت فطامي مع اخوانها رايحين دبي مع فهد ورجعوا ..ومن بعدها ماطلعواخصوصا انها مها في شهورها الاخيرة وقربت تولد..
ظلت فطامي على حالها تسهر لحد الصبح على الانترنت.. وتنام لحد المسا.. كان اسمها الشهير الي تدخل فيه الجات هو "ضياع" عشان محد يعرفها اذا كانت بنت او ولد كونت علاقات مع الكل وصارت معروفة فالجات ..من قبل البنات والشباب.. وفالجات تعرفت على بنيتن..وحدة بحرينيه والثانية كويتيه.. وكانت فطامي تحبهن وهن بعد يحبنها..اما محمد فيقضي ايامه فالدعاء والتامل على امل انه الله يحنن قلب فطامي وترجع تحبه.. مش قادر يصدق انها فطامي الي ماتركته رغم كل الي صار ... تقوم تتركة الحين..
قرر محمد يروح السعودية يعتمر... فقام واتصل بفطامي ووداعها وقالها انه رايح عمره.. والغريب انها فطامي ماتاثرت عادي عندها.. كل الي قالته له مع السلامة..فطامي الي ماكانت تطيق يوم واحد يكون محمد فيه بعيد عن الفريج تسمع انه اليوم بيسافر للسعودية وسفره ماحرك فيها شعرة..
صكت التلفون عنه ورجعت للجات..وهناك دخلت عليها الخاص صديقتها البحرينيه فتون..
فتون: مرحبا ضيااع فديتج شحالج ياقلبي
فطامي: حمدالله تمام انتي اشحالج..
فتون طيبة طاب حالج..اقول فطامي تعرفين اسير الاحزان الي دوم ويانا فالجات
فطامي: هيه اعرفة هذا الي دايما يكتب شعر فالعام
فتون: ايوا بالضبط... تعرفين اني اعرفة من ست سنوات
فطامي: فتون افا وانا الي كنت واثقة فيج طلعتي راعية هالسوالف حرام عليج تخونين زوجج وعيالج
فتون: لا ياقلبي فديتج زوجي اموت فيه وعيالي بعد..
فطامي: عيل شوو السالفة انتي بروحج تقولين تعرفينه
فتون: هيه بعدين انا اكبر منه ومنج بوايد وهو يعتبرني مثل اخته لاني قديمة فالجات وهو يعرف اني متزوجه
فطامي: طيب وانا شو لي
فتون: انتي تنحبين والله.. وبالرغم من انه الواحد المفروض مايثق في احد من النت بس انتي غير غير والله
فطامي: وانتي بعد
فتون: تسلمين ياقلبي..
فطاامي: ماقلتي لي شو سالفة اسير
فتون: سمعي اسير هذا من الامارات
فطامي: شووووووووووووو شووووووووووو شو تقولين انتي كيف من الامارات صدق غبية ماتشوفين لهجته مصرية مش عارف وحصل ايه وفين هذي لهجة مصريه بلاج انتي
فتون: حبيبتي ضياع شوفي.. اسير هذا اسمه جمال وهو امارتي ومن عايله معروفة عندكم في دبي... قصته ان ابوة توفى وهو توه عمره ثلاث سنوات امه مصرية تزوجت وظلت عندكم فالامارات بعد موت ابوه لكن زوجها رفض انه جمال يعيش معاهام فارسلته مصر ويا اهلها يعيش هناك..وعاش 20 سنة في مصر درس وتخرج..ورجع الامارات ..عشان يشتغل لان الحال في دبي احسن من الحال في مصر..وكان يلعب كورة في نادي الاهلي..وبعد ماسوى عمليه فالرباط الصليبي ترك اللعب وهو حاليا يشتغل في مركز كبير في دبي وعنده دكتوراه
فطامي: شيييييت لا يكون جمال هذاك الاعب ""..الي ترك الاهلي قبل سنتين
فتون: ايه نعم هوو
فطامي: يحليله مسكين عشان كذا مايعرف يتكلم اماراتي ..بس سنتين يكفنه يتعلم لهجتنا
فتون:شوفي فطامي انا والله اعزج مثل مااعزه واكثر ...وانتم مثل اخواني..ويشهد الله اني ماابيلكم الا كل خير.. واباج في شي وياليت ماتزعلين مني
فطامي: افا عليج قلبوو امري..
فتون: جمال طلب مني اني اخطب له بنت وطبعا انا مااعرف احد من الامارات وهو راضي حتى لو كانت بحرينيه ماعنده مشكلة بس انا قلت مابلقى احسن من فطامي وهيه من الامارات في نفس الوقت.. وان شالله اليوم باليل بدخل المسنجر ..وبنسوي محادثة انا وانتي وزوجي.. وجمال عشان اثبتلج اني صادقة واذا تبين اتصلي على فالبحرين
فطامي: فتوووووون انتي شو قاعده تخربطين انتي وين عايشة انا اتزوج من الجات شو استخفيت انا
فتون: انتي ماتزوجتي من الجات انا الي خطبتج..انتي ماتعرفتي على واحد وتزوجتيه..بعدين جمال هذا..ناس فوق فوق ومن كبار الشخصيات في دبي يعني لو تزوجتيه بتعيشين اميرة
فطامي: ومن قال اني ابا اتزوج
فتون: ضياع حرام عليج...فكري في حال هالانسان..والي مر فيه..شو بيصيرلج يعني..والله الف وحدة تتمناه بس هو ياشر..انتي تعرفين انه عنده سيارتين وحدة فيراري وحدة لامبرغيني..
فطامي: شو مايكون عنده يكون انا شو لي.. وبعدين دام انها الف وحدة تتمناه خلاص يتزوج انا شو لي فيه
فتون: هو يخاف يكونون طمعانين فيه..وانتي بنت البلاد واصيله..
فطامي: حرام والله حرام عليكم خلوني في حالي..دايم المفروض انا الي اداري احاسيس الناس انا المفروض مااجرح احد..بس عمركم مافكرتوا فيني انا شو احس انا شو اريد...ليش ليش تسون جي
فتون:هدي..ضيااع .. صدقيني اسير عمره ماراح يعرف انه البنت الي تزوجها هيه نفسها ضياع الي معانا فالجات يلا عاد شو قلتي..وافقي والاسبوع الجاي بيروح جمال مع امه وعمه بيخطبونج.. وانا ان شالله بزوركم الامارات وبساعدج في كل ترتيبات العرس
فطامي: بفكر..
فتون: يااااااااااسلام واخيرا..والله ينوبج ثواب..
فطامي: انا قلت بفكر ماقلت اني وافقت..
فتون: ان شالله توافقين..
وفالوقت الي كانت فتون تكلم فيه فطامي دخلت دانه ربيعة فطامي الي من الكويت دخلت الها على طول الخاص
دانه: مرحبا ضياااااع ..اقول داخله اسلم عليج وطالعه بسرعه
فطامي: خير بلااج دانه مستعيله
دانه: امي امي ياضياع... بتسافر لندن عشان تسوي عملية فالقلب وانا بروح وياها..ادعيلنا يلا اشوفج على خير..
فطامي: ان شالله قلبي وطمنيني عليكم..
دانه: ان شالله بس كيف..مااقدر ادخل النت عادي اكلمج تلفون
فطامي هنيه ترددت يمكن دانه تطلع ولد لا اخاف..بعدين لو طلعت ولد هذي من الكويت ..والا احسن اعطيها موبايل امي تدق عليه..
فطامي: سمعي دانه انا ماعندي موبايل بعطيج موبايل امي اوكي ودقي عليه ..وقوليها انا ربيعت ريم..
دانه: ان شالله...
كملت فطامي سهر على الانترنت لحد مارن تلفونها وكانت مريم الي متصلة...
مريم: مرحبا طمطوم شو اخبااااااااااااااارج
فطامي: والله حمدالله عايشين..
مريم: اقول فطامي..عاد تدرين انا اجهز حق العرس وانتي صديقتي المقربة..اباج تكونين معاي طول هالفترة.. وتساعديني.. انزين
فطامي: وانتي ماتتصلين الا اذا تبين شي
مريم: فطووووووم بلاج يلا عاد مشغوله ويا ريلي فديته
فطامي: مسرع ماتتفدينه والله دنيا..
مريم: شوفي باجر مسوين حفلة فالبيت بس حق البنات تسمعين يعني عشان يشوفون الزهبة وجي شو رايج تجين بيتنا
فطامي: ضحكتيني من هذا الي بيوديني بيتكم انتي بعد
مريم: ولايهمج فديتج..باجر المغرب بمر عليج ..انا واختي
فطامي: لا انتي ينيتي عرووس وتطلعين شرق غرب.. خل عنج
مريم: مستحيل اسوي شي بدونج.. باجر انا عند بيتكم وبعد قولي حق امج واخواتج اذا بيون..اوكيك
فطامي: يصير خير..مريم..اقولج شي..
مريم: امري
قعدت فطامي تحكي حق مريم عن السالفة الي صارت فالجات... قعدت مريم تضحك على السالفة وسكرت.. في حين فطامي قعدت تفكر فالسالفة بجدية..وتقول ليش مااوافق واتزوجة وابعد ..اروح مع انسان مااعرف عنه شي وابعد عن العين واهل العين ..يكون احسن لي.. بعدين ترد وتخاف وتقول ..لالا ماريد اخاف والله مستحيل اتزوج انا...اخاف يكون فيني مثل الي كان في محمد اخاف اصحى في يوم واكتشف ان حب محمد الي فقلبى صحى بعدين شو بيكون مصير هالانسان الي ماله ذنب..!!
قعدت فطامي تفكر بشي يخلصها من الضياع الي هيه فيه وكل ماكانت تحس بالضياع كانت تحتقر محمد اكثر واكثر لانها تحس انه هو السبب في كل هذا..

ناصر فالبيت يسال عن فطامي ..مش متعود انها ما تسال عنه..مايدري انه فطامي صارت انسانه ثانية تحاول تكون قاسية ومش مباليه لكنها سرعان ما ترجع لطبيعتها.. وتسال..صحت فطامي المغرب..واستاذنت من امها ... وجاتها مريم بسيارتها لحد البيت ومعاها اختها..وطلعن مرن المخبز خذن معجنات وراحن البيت ..عشان الحفلة الي مسويتنها مريم يعني توديع عزوبية مثل مايقولون.. فطامي تشوف البنات..يرقصن ويغنن ويزغرطن وهيه في عالم ثاني وتقول متى بشوف حياتي..متى بكون مثل غيري مسؤولة عن احساسي اعرف انا شو اريد..بدون لا اخاف من المجهول..بدون لا اضحي وتضحية بلااااااااااااااش يااه يالدنيا شقد انتي قاسية...
خلصت الحفلةوقامت مريم عشان توصل فطامي بيتهم محد كان غير مريم تسوق وفطامي..معاها ومريم تحاول تقنع فطامي توافق انها تاخذ ليسن خصوصا ان اهلها موافقين وهالشي بيريحها من اشياء وايد..وفطامي تحاول تقتنع.. قعدت فطامي تشكي همومها لمريم.. ومريم تحاول تقنع فطامي انها ماتكرر تجربتها... بس فطامي..تحس بفرااااغ كبير في قلبها فراغ مش عارفة كيف تمليه.. وكانها اليوم تعيش الي عاشة خالد قبلها قبل كم سنة..حقدت ع الشباب وكرهتهم ... كان اسلوبها خطير ومحد يقدر يقاومة وكل ماتشوف شاب مسكين داخل الانترنت لانه مكسور لانه حزين لانه يتعذب..يبي ينسى همومه وحياته... كانت على طول تعلقة فيها ..عشان تتلذذ بعذابة.. لكن سرعان ماتحس بالذنب وتضطر انها توقف معاه.. فطامي خلااااااااص صار ماشي يهمها .. عادي تكلم أي واحد صادق او يكذب..عادي .. انا خلاص انتهيت خلوني اساعده يمكن يطلع صادق ومسكين اخفف عنه دامني مب لاقيه حد يواسيني..صحيح الي قاعده اسويه غلط... بس شو يهم ..دام الصح ماله قيمة عند الناس..حتى الغلط ماعاد له قيمة عندي..
مها ولدت ويابت ولد..وبعدها فطامي ماتكلمها..ناصر على حاله..وموزة والكل مثل ماهو.. وزواج مريم قرب..

وفي ليلة زواج مريم..راحت فطامي مع امها وخواتها..العرس ...وقعدت بعيد ..بالرغم من انه زواج اعز صديقاتها ماكانت تتخيل انهاا بعد مالقت لها صديقة تقوم تتزوج عشان الزواج يمنعها منها...وبعد مانتهت الحفلة راحت فطامي وسلمت على مريم وضمتها وقعدت تصيح
مريم: فطامي خلاص..بعدين انا قتلج مابخليج ووعدتج..دخيلج انا احبس دموعي لو بكيت مابسكت دخيلج بس عاد
فطامي: ان شالله...
طلعت فطامي من الفندق وهيه تبكي... لحد ماوصلت البيت وهيه تردد عبارتها الشهيره.. الكل راح وتركني وانا مازلت مكاني..طيب ليش..؟! ولين متى..؟
مريم كانت عند وعدها..لدرجة انها اول يوم صباحية الها من قامت من النوم الساعه ثلاث الظهر اتصلت على فطامي بش عشان تقولها انها ماراح تخليها... ظلت مريم فترة تتصل بفطامي.. وشوي شوي انشغلت بزوجها وقللت اتصالاتها..
اما فطامي..ففراق كل هالناس كان يزيدها تحطم..وكانت تمليه بالناس الي فالجات.. حتى محمد تعب وقرر يترك فطامي لحالها يمكن يجي يوم وتحس مثل ماجا يوم وهو حس وبالرغم من العذاب والحزن الي بداخله بس اعتبرها انها فترة عشان يكون نفسة ويصير جاهز عشان فاي لحظة ترجع فطامي ويتزوج على طول..لكن هل ممكن انه يجي يوم وترجع فطامي..؟!
::::::::: نهاية الجزء السادس والعشرين::::::

خلاص شهر ثمانية صار في آخره..والجامعه قربت تبدى... الحين كيف فطامي بترجع الجامعه ..مريم تزوجت وسلامة تركتها ومها بعد تركت الجامعه وقعدت تربي ولدها... الحين خلاص ايام التعليم الاساسي انتهت وفطامي راح تروح الكلية... الي هيه برى الجامعه.. والحل شو؟ ...بنات جداد.. مكان جديد... صعبة..
فطامي بينها وبين نفسها تقول.. ليش مااستغل هالشي ويكون نهاية لدرب الضياع الي مشيت فيه وبداية لحياتي الجديدة حياه صح اميشها بكيفي واسيرها حسب رغبتي ومزاجي..
صح..منصور مازال في حياة فطامي..صحيح تعرف كثير غيرة فالجات..لكن هو الوحيد الي صار وكلمته بالتلفون وهو الوحيد.. الي معاها عالماسنجر..اما فتون واسير الاحزان كانت فطامي تتحاشاهم..اسير الاحزان تعلق فالبنت الي قررت فتون تخطبها له بدون لا يعرف انها هيه نفسها ضياع.. ولمن صارت فطامي تتهرب من فتون..اضطرت فتون انها تخبر اسير الاحزان انها ضياع هيه نفسها البنت الي خطبتها له... وبالرغم من هالشي اسير ماترك ضياع الي هيه فطامي بحالها بالعكس تعلق فيها اكثر واكثر خصوصا بعد ماصارت شي ملموس وموجود بواقع حياته... حاول يتقرب منها حاول حاول ..وفطامي كانت تسولف معاه بالجات.. وتسمع شكواه ..بس عمرها مافكرت انها تكلمة بالموبايل ولا هو اساسا طلب منها هالشي.. ارسل لها صورته..عشان تتاكد انه هو نفسة الاعب الي شافته في يوم من الايام وانه هو فعلا ولد فلان الفلاني.. فطامي كل ماكانت تشوف اسير متعلق فيها..كان الشيطان يلعب براسها وتقول هذا انسان فووق فووق ومحمد واهله لو يعيشون مليون سنة ماراح يوصولون لمكانهم ممكن يوصلون للمال والجاه الي عندهم بس مستحيل بل من سابع المستحيلات انهم يوصولون مركزهم.. وشهرتهم فالبلاد..ورجعت خافت وترددت مرة ثانية..صحيح جمال عاش عمره في مصر بعد وفاة ابوه لكنه لمن رجع الامارات استقبلوه عمومته طمعا في انه ما يضيع عليهم ورث ابوه كامل..والمركز اهم من المال..
بدت فطامي الكورس الدراسي..وانتقلت لكليتها الي هيه برى الجامعه حست بالوحدة ونفس الاحساس الي حست فيه اول مادخلت الجامعه بس حاولت تتاقلم..وتحب الدراسة لانه خلاص مستقبلها صار مظلم ماله ملامح ماشي قدامها غير انها تكمل دراستها وعقب يصير خير..وعالاقل ممكن تصير هالدراسة شي تقدر تتحجج فيه فطامي كل ماانخطبت عشان ترفض..
جمال بعد ماشاف فطامي ماتدخل الجات ..كلم صاحب الجات وطبعا جمال عنده نفوذ كبير.. وقاله انه اول ماتدخل فطامي الجات يجيب له الاي بي مالها..
وفعلا مرة من المرات دخلت فطامي الجات تسلم وطلعت..وعلى طول المسؤول خذ الاي بي وعطاه جمال..
جمال اول ماخذ أي بي فطامي..على طول طلع خط الانترنت باسم منوه ومنه ياب كل المعلومات عن فطامي .. بالرغم من ان هالشي ممنوع.. بس قدام سلطة جمال ماشي ممنوع..بعد ماطلع كل شي عن فطامي حتى عنوان بيتها..راح وكلم امه.. وبعدها كلم عمومته..على اساس انه نوى يتزوج.. والحياه الي عاشها جمال في مصر مأثره على تفكيرة كليا..حتى تفكير ..ك خليجي او اماراتي..ماكان يفكر...كل هذا وفطامي مااتدري عن شي..
وفي يوم من الايام كانت فطامي موجودة فالجات الي صارت تدخله قليل وقليل جدا .. من كثر ماان الدراسة صعبة وماخذه وقتها..
جمال: مرحبا ضياع وين هالغيبة عسى ماشر
ضياع: هنيه موجودة ادرس مشغوله بالدراسة شوي
جمال: اقول فاطمة متى بتتخرجين
فطامي اول ماشافت اسمها في صفحة الجات روحها كانت بتطلع ..بس قالت مابسوي نفسي غبية وبقوله من وين عرفت اسمي..
فطامي: منو فاطمة هذي بعد
جمال: فاطمة ناصر انتي ياضياع الي قاعد اكلمها
هنيه خلاص ماصار في مجال للشك
فطامي: انت شو تبى مني خلني في حالي
جمال: ابا اتزوجج عندج مانع
فطامي: شو انته غبي انت ماتفكر انا بنت حيا الله من بنات الجات.. اعرف مليون واحد غيرك كيف تتامني على عيالك وبيتك هاه
جمال: كلامج هذا هو الي يخليني ءاتمنج على بيتي وعيالي ولو كنتي مثل ماقلتي ما كنتي قلتي هالكلام مافي حرامي يقول انا سراق..
فطامي:انت شفيك ياخي بفلوسك تقدر تاخذ عشر مثلي..بعدين انا مش حلوة.. انا خاله
جمال: عادي مايهمني
فطامي: اوهو ياخي حل عني ..شفيك انته انا مستحيل اتزوج حد من الانترنت
جمال: ومستحيل تتزوجين غيري..
فطامي: انا مش ملكك..انزين..وبعدين فكر في نفسك في مركزك .. الناس بتعايرك لانك ماخذ وحدة مثلي
جمال: الا قولي بتحسدني ..انا مايهمني انتي منو او بنت منو انتي تعرفين اني اعرف كل شي عنج خلاص ولو اريد اليوم تكونين عندي أقدر.. انا شفتج غير.. غير وايد والله تسمعين بقلبج مش باذنج تبدين هموم الناس قبل همج.. في زمن صارت الناس فيه نفسي نفسي.. انتي ممكن خايفة مني ومش واثقة فيني بس عالاقل المفروض تفكرين انه مش كل الناس غلط والا كنتي انتي نفسج غلط.. انا ادري انه في شي كبير واكبر منج خلاج تدخلين هالمكان الوصخ.. ونفس هالشي خلا ناس وايد غيرج يدخلونه...يعني مب كل الناس الي فالمكان الوصخ وصخين..صدقيني في ناس محرومة ناس حزينه وناس ضايعه وايد نوعيات من الناس..وانتي وحدة منهم
فطامي: اوهو انت شدراك اني هب مثلهم ضايعه
جمال: قلبي يقولي جذا
فطامي: قلبك يجذب
جمال: سلمي على ابوج وقوليله ينتظرنا باجر المسا..
طلع جمال من غرفة الحادثة وقلب فطامي واقف شو اسوي مع هذا البلشة الحين لو كان صدق صادق وراح بيتنا وكلم ابوي..ابوي ماراح يقدر يرفض اذا عرف هو منوه والله حرام شو ذنبي انا تتحدف علي المشاكل من كل صوب يعني شو فيني زود انا عالبنات...فكرت فكرت فطامي..وراحت خبرت امها ما قالت لها السالفة بالضبط قالت لها امي تعرفين هالناس في دبي..امها قالت اكيد حد مايعرفهم.. فقالتها فطامي ان صديقتها معاها فالجامعه منهم وخطبتها لاخوها بس فطامي مش موافقة.. وتخاف انهم يجون وابوها مايقدر يرفض..
موزة: يابنتي شوفيج انتي هذا مهما كان ابوج ..وانتي عنده بالدنيا كلها ولو شو ماكان ومن ماكان ابوج ماراح يغصبج
فطامي: صدق والله امي..متاكدة؟!
موزة: هيه متاكدة..بس عشان تسهلين الامر علينا وعلى ابوج خليه بروحة ايي مع امه واخته..انتي ماتقولين امه مصرية وانه كلامه مخربط بين المصري والاماراتي.. هذا بيسهل على ابوج يرفضهم ..لكن لو صار وجاب عمومته بيحطنا في موقف الله يعينا عليه..
فطامي: صدقج امي خلاص خلي السالفة علي..
ركضت فطامي ودخلت الجات على امل تلقى جمال..بس كان مش موجود... فدخل لها واحد فالخاص كان اسمة الغامض
الغامض: مرحبا ضياع كيفك
ضياع: تمام انت منو
الغامض: انا فهد من الرياض..
ضياع: وخير..
الغامض: لا ولاشي بس انا جيت ابارك لك
ضياع: بشو ان شالله
الغامض: سمعت انك وجمال راح تزوجوا قريب
ضياع: ياشيخ روح فال الله ولا فالك
الغامض: ليه وش فيه جمال ... حنا بالسعودية ونتمنى بس طلته..
ضياع: وبعدين معاكم انتوا بسالكم يعطيكم فلوس حد يجيني من البحرين وحد من السعودية ماباقي الا تدخل امريكا وتحل المشكلة زي عوايدها والا ليش خل هيئة الامم المتحدة تجي بالمرة تضغط علي اوافق مش هذي شغلتها....!!!!!
الغامض: الدنيا مش فلوس يابنت الناس انتي ماتعرفي جمال.. اخلاق ..وادب وشهاده..وسمعه ومركز .. انا وفتون وكثير غيرنا ساعدنا جمال كنا ولا شي وصرنا شي كبيرة وله وعليه القيمة
ضياع: خلاص ردوا له الجميل وخلوه يبعد عن طريقي انا مااحبه ماراح اسعده
الغامض: ليش حرام عليكي ..احنا اخترنا له زينة البنات
ضياي: ياخي افهم.. دوروله بنت ناس مش انا..مااقدر مااقدر مااحبه احب شخص ثاني ارتحتوا
الغامض: ادري تكذبين.. عشان يتركك
ضياع:اوهو شو هو بالعافية والا إية
الغامض: اشوف قمتي تتكلمين مصري ..اكيد عشان جمال
ضياع: اقلكم قولوله يجي..واذا يبيني اوافق يجي مع امه وبس فهمتوا..
الغامض: فالك طيب واخيرا يلا على بركة الله

اتصل الغامض من السعودية على جمال وقاله على السالفة كلها..جمال ماصدق..ثاني يوم مسك طريق دبي العين مع امه راحين بيت فطامي..وطبعا العنوان عنده..
وفالفريج..الكل مستغرب من السيارة والرقم الي على السيارة.. ومع ذلك ناصر قالهم انها بنته تبي تكمل دراسة وصرفهم..وهو مستحي فيهم بس شو يسوي هذي فطامي..
هنيه حست فطامي انه جبل انزاح من على صدرها.. ولمن رجعت الجات..
الكل قام يسبها.. انتي منو عشان تسوين في جمال هذي الحركة.. وجمال.حاقد عليها وعنده كل صغيرة وكبيره عنها..ويقدر يوديها ورى الشمس..لكن فطامي بعد مش هينه.. دخلت له الخاص
فطامي: اقول جمال انا مااعتقد انه عقلك صغير لهدرجة عشان تخاطر بسمعتك ومركزك ..وتكشف انك استغليتهم وجبت معلومات عني... عشان بنت وحدة من العامية.. وانت تعرف وش عقوبة هالشي..ولا تتوقع انه لو انت سويت شي انا راح اسكت لك.. العين بالعين والسن بالسن والبادي اظلم.. وحمدالله انك جيت وخطبتني ..وهذا اكبر حجة .. ممكن تكون عندي ضدك لو صار وفكرت تتهمني بشي او تتبلى علي وتورطني..
جمال: تهدديين يعني... انت قد كلامك؟
فطامي: قده وقدود..
جمال كان متعلق في فطامي... وماقعد يسايرها بالكلام بالعكس حاول يسكت عنها عشان يكبر في عينها وتجيه من نفسها وتطلبه يرجع له...
صدق دنيا صغيرة..
لمن الانسان يدخل الجات يحس فعلا انه الدنيا صغيرة ..لان بالجات او الانترنت بوجة عام يجتمع فيه الانسان الفقير والغني الامير والعامي..الكل موجود والكل ممكن تنشا بينه علاقة...صدق دنيا صغيرة..والعالم اصغر..فطامي حاولت تبعد او حتى تدخل الجات باسم ثاني لكن اسلوبها كان مكشوف.. احيانا كانت تشفق على جمال... لكن لمن تذكر محمد كانت تشيل حقد الدنيا على كل رجال.. اما منصور كان يوميا مع فطامي عالماسنجر.. ومايتركها..ابدا..
وفطامي تقول..شو صايرة سندريلا وانا ماادري كل ساع يظهرلي واحد من مكان على بالهم بصدق خرابيطهم.. ماتدري انه الدنيا صارت مقلوبة..الحين البنات قامن يقصن على الشباب ويتعلقون فيهن ويترجونهن انهن يتزوجن منهم..
محمد.. رغم بعد فطامي..الا انه يحبها ويعشقها..دايما يناظر هداياها .. الي عنده وصورتها الوحيدة الي يملكها وهيه صوره اهدتها اياه لمن خلصت الثانوية كانت في ملفها الدراسي.. صورتها لمن كان عمرها 3 سنوات يعني لمن كانت بعدها مادخلت الروضة..

اما مريم فاتصلت على فطامي..في شهر ارمضان تسالها كيف تخبر زوجها انها هيه حامل..فطامي فرحت الها وايد وقالتلها بصير خاله والله... وخبرتها كيف ممكن تخبر زوجها.. مر ارمضان وبعدة العيد... وفي تحسن في دراسة فطامي.. نجحت فالكورس الاول من السنة الاولى فالتخصص..بس نجاح عادي يعني معدل زفت..كونت صداقات سطحية مع زميلاتها الي فالصف خصوصا ان الكلية صعبه والبنات جديات ومحافظات ..وهذا حال معظم بنات الهندسة والطب وتقنية المعلومات..
وقبل نهاية الكورس الكلية طلبت منهم ياخذون لاب توب اجباري ومن الكلية نفسها ..والمبلغ 6600 فطامي كلمت ابوها وعطاها 5000 وقالها ماعنده حاليا كاش الا اذا بيروح يسحب من البنك... بس هيه ضروري تبيهم باجر..
شو تسوي قعدت تفكر ..وبغرابة شديدة خطر على بالها محمد...سبحان الله مافكرت في فهد امها أي حد لا فكرت في محمد..قامت واتصلت عليه...محمد ماصدق يشوف الرقم رد بكل لهفه عباله تبى تهنيه بالعيد وانها مانسته او انه رق قلبها وذكرته
فطامي: مرحباااااااا هلا والله بالقاطع
محمد: الحين صرت انا القاطع بروحج قلتي لي ماادق
فطامي: انزين وشحالك شخبارك شو مسوي
محمد:اووووووووب اووووووووب فطامي شو هالتطور خفي عليه شوي بيغمى علي مب مصدق عمري
فطامي: اقولك من الاخر ترى مب داقة عشان سواد عيونك والا مشتاقتلك ابى فلووس
محمد: ياااااه يافطامي..متى بتعرفين تقولين كلمة حلوة..
فطامي: شوف لاتتوقع اني بقعد اقردنك ساعه عشان تعطيني فلوس لانك بتعطيني وغصب مب كفاية كنت اصرف عليك كم سنة وياليته بين في عينك
محمد: افا يافطامي تمنين علي وانا حببيج..انزين حتى انا ماقصرت عليج بشي وانتي بنفسج قلتي مابينا شي..انا مااحب امن عليج.. والا بذكرج ان الهدايا الي عطيتج اياهم تغطي الي صرفتي عليه وزيادة
فطامي: تراك منيت وخلاص وبعدين ياحبيبي انت لمن خذتلي هدايا كنت تشتغل يعني صحيح سعرهم اغلى بس مايتقارن بالي انا عطيتك اياه في القحط الي كنا فيه
محمد: فطامي ..مايحتاج تجرحين بالكلام..وماباج تنزلين نفسج..تراني للحين احبج..واحب قلبج القاسي..كم تبين
فطامي: مب ياية اشحت انا ..بس ضروري ادفعهم باجر وابوي ماعنده فالبيت غير 5000 وباقي 1600 وبرجعهم لك
محمد: مابينا سلف ودين... الفلوس بيوصلنج عقب ساعتين بروح اسحب..وعقب بطرشهن ويااحمد..لاتخافين بطرش لج مسج ماراح ازعجج بصوتي وادق.. واذا احتجتي شي انا موجود
فطامي: لا تسوي نفسك كريم..لو مادعواتي اساسا انته مااشتغلت يلا بايايات..
سكرت فطامي عن محمد عقب ماشبعته اهانات وتجريح وهو راضي.. مايقدر يقتلع حب فطامي مهما كانت قسوتها ويعرف انه الي سواه فيها موقليل..طرش الها البيزات..خذتهن ودفعت فلوس الاب توب..

:::::::::::::::نهاية الجزء السابع والعشرين:::::::::::::::

مرت الايام من دون ان تحمل جديد في حياة محمد عايش على ذكرى فطامي.. الشي الوحيد الي كان يتغير في محمد.. انه يصير دايما للأحسن والأفضل سبحان الله مثل ماكانت فطامي تسوي قبل عشان تكبر في عينه.. ولكن هل تعب محمد وطموحه هذا راح يتوج في يوم من الايام بمكافاة يستحقها وهيه انه يجتمع بفطامي حب حياته..

فطامي.. الي كانت تدور حول الخطر وهيه ماتدري انها في مركز الخطر العيون تلتهمها من كل ناحية.. والبراءة والسذاجة ماعادت تنفع..خلاص لي فات الفوت ماينفع الصوت وفطامي وصلت مرحلة الادمان..وماتنلام الانسان لو يخسر غالي يتدمر فمابالك بانسان خسر كل شي كل شي في لحظة..محمد كان اكثر حتى من انه يعني لفطامي كل شي..

بدى الكورس الثاني عادي جدا بالنسبة لفطامي..مافي جديد غير انها المواد قامت تصعب والدراسة صارت جد الجد.. وهذا كان له دور كبير في انها فطامي تقلل دخولها للجات.. وبما انه سلامة قبل سنتين خلصت الثانوية العامه.. ففي هذي السنة هيفاء اخت فطامي صارت ثانوية عامه... وبما انه ايضا نسينا نقول انه ناصر متزوج ب موزة وهيه في سن بناته الي من زوجته الثانية..كان مع هيفاء فالثانوية العامه ولد المرحوم اخوها "نايف" وولد اختها رقية "صالح"..
هيفا ماحصلت هذاك الاهتمام الي كان لفطامي وسلامة.. لانه خلاص صار عادي.. لكنها كانت تدرس مع ولد اخوها وولد اختها..
سلامة فالبيت وتفكر تشتغل بعد ماتركت الجامعه...
مها تربي ولدها..حمد
موزة مقابله ناصر وزوجته الي صحتهم يوم فوق ويوم تحت..
فطامي تحاول انها ماتخسر دراستها مثل ماخسرت اشياء وايد غيرها..ومع ذلك مش قادرة ...تفلح فيها..
بالرغم من ان البنات حولها مستواهم عالي..والجو بعد يساعد..ولكن..فاقد الشي لايعطيه..
منصور كان دايما قريب من فطامي وماتركها ولا للحظة .. وهالشي خلاهم يعقدون اتفاق في مابينهم..
فطامي: منصور تصدق احس اني بروحي كل الناس الي مرت علي بحياتي احسهم تخلوا عني بحظة
منصور: بس انا موجود
فطامي: منصور ..لاتخليني عالاقل لحد مااخلص دراستي عالاقل اطمن اني انجزت شي في حياتي..
منصور: افا عليج.. انا بتخرج قبلج بسنتين بس اوعدج مااخليج
فطامي: بس بشرط
منصور: آمري
فطامي: تظل علاقتنا بحدود اما اخوان او اصدقاء لكن مابيها تتطور لحب وعلاقات غرامية
منصور: تصدقين والله كنت بقولج نفس الكلام يعني نظل مع بعض لحد مانخلص دراسة ..تعرفين بعد..الواحد في هذا العمر محتاج شخص يملى عليه حياته لحد ما يتزوج.. والدنيا ماتطمن ماتعرفين يمكن اعرف وحدة وتورطني معاها..وانتي ممكن يصيرلج نفس الشي..فهذا هو الحل الوحيد عشان نحافظ على حياتنا ودراستنا..
فطامي: صدقت والله.. وبعد لانا لو جا يوم وحبينا بعض عمر حبنا ما بيستمر
منصور: ليش؟
فطامي: لان الحب يموت..لكن الصداقة والاخوة ماتموت
منصور: لاتحطين في بالج هذا الشي..بعدين بتصدقينه وبيثب في حياتج للابد
فطامي: ممكن هالشي يكون غلط بس خلاص رسخ في ذهني .. ومن الحين اقولك لاتطالبني بحب ولو بعد مليون سنة لان قلبي ميت..ومستحيل يجي يوم واحب او حتى اتزوج
منصور: ان شالله.. يصير خير..

ظلت علاقة فطامي ومنصور بهالحدود ..صحيح المعزة في ما بينهم كبرت..لكن دايما كانوا يتلاقون فالمسنجر وقليل يتكلمون فالتلفون.. ويقطعون عن بعض في فترة الامتحانات واذا اخذوا مواد متشابهة مثل مواد الثقافة كانوا يساعدون بعض..

مر الكورس الثاني ووقوف منصور مع فطامي كان له الاثر الكبير في اهتمامها بدراستها.. وتركها للجات..واللي قلل دخولها للنت..
وهذا الشي بين لمنصور عيب في فطامي.. وهو انها ماتقدر تعيش حياتها بدون لا تستند لاحد او انها تضيع.. فمثلا لمن تخلى عنها محمد.. اتجهت لشلة بنات فاسدة عشان تقدر تواصل في حياتها.. ولمن تركوها تعلقت بالجات والضياع.. ونفس الموال يتكرر لمن تزوجت مريم.. فطامي رجعت للضياع مرة ثانية.. ومنه حصلت منصور.. والحين مستندة على منصور ..بس لين متى؟وشو بتسوي بعده؟
فحاول منصور يناقش فطامي في هذا العيب الي فيها و نصحها تحاول تعيش حياتها بدون لا تستند على احد..محد راح يظل لها العمر كله..مصير الكل يتفارق..والمفروض تتعود تعيش بروحها..بدون دعم من احد..

وفي يوم 1\6 تذكرت فطامي محمد..بس ماكانت تذكره بكل حب.. الا بكل حقد واحتقار ..فحبت تلعب باعصابة
قامت وطرشت له مسج..
"أحسن الله عزاك في "1\6" ماات ههههههه "

محمد اول ماشاف مسج وانه من فطامي ك العاده طار من الفرحة.. ولكن لمن قراه رجع اتصل بفطامي
محمد:.. ياويلي منج يافطامي شو الي قساج جي..والله اني كنت اشوفج مثل الياسمينه برقتها.. وحلاها واليوم شو الي قلبج وحش..صحيح انا تغيرت وقسيت..بس عمري ماكنت مثلج هم الا شهرين ورجعت مثل ماانا بس الي انت تسوينه وايد والله وايد ياقلبي ارحميني عاد ارجووووووووووج
فطامي:مااعرف يامحمد..مااعرف آه يامحمد..لو أحس انه قلبي ينبض..لو احس انه قلبي حي..لوأحس اني أقدر ارجع أحبك..كان انا اليوم بالف خير..بس والله احساسي ميت..تجاهك وتجاه غيرك..حاولت احب حاولت ارتبط..بس مستحيل القلب خلاص مات..مات من هول صدمة فرقاااااك
محمد: حبيبتي خلينا نرجع لبعض ..وحاولي سبحان الله يمكن ترجعين تحبيني مثل قبل..حبينا بعض في مثل هاليوم خلينا نرجع نجتمع فيه..
فطامي: والله والله والله ياليت بس مااقدر..محمد دخيلك افهمني وربي مااقدر
محمد: طيب ليش ليش ياعمري حرااااااااام عليج انتظرتج وطال انتظاري..
فطامي: مااعرف مااعرف ليش ماعرف شي دخيلك خليني بروحي خلني بحالي ارجووك..

سكرت فطامي عن محمد..وهيه تتعذب وهو يتقطع شوق وعذاب..بس ولا واحد فيهم قادر يساعد الثاني..ولا واحد فيهم قادر يغير شي.. وظلوا على حالهم على امل انها الايام تحمل الهم في طياتها كل امل وخير..

اما هيفا ونايف وصالح نجحوا فالثانوية العامه وبنسب عالية..وبدوا يسجلون فالجامعه..
وهكذا مرت السنة السابعه من جرح الأيام..قصيرة في مضمونها طويلة في مداها..دون ان تكشف ملامح الزمن القادم...(2002-2003)
:::::::::::: نهاية الجزء الثامن والعشرين::::::::::::::::::

بدت الأجازة الصيفية..فهد خذ زوجته مها وولدهم حمد وراحوا صلالة.. والباقين قعدوا كالعاده فالبيت..وهنيه قررت فطامي انها تقنع ابوها انهم يروحون عمره فالصيف منه طلعه ومنه تحس انها تجدد نفسها وتبدى حياتها من جديد..خصوصا انها تركت الجات للابد..لكن بعدها ماتركت الانترنت والمسنجر ومنصور..
فطامي: ابوية..شورايك نروح السعودية هالصيف..خاطري اعتمر..
ناصر: تصدقين يابنتي توه يارنا علي قالي انه بيروح ويا عياله وحرمته وخواته العمره في حمله..
فطامي: والله خلاص ابوي قم خلنا نروح معاهم
ناصر: يابنتي هذا باص وتعب..عليكم
فطامي: بالعكس تذكر لمن رحنا قبل كم سنة بالطيارة مش حلوو ... خاطري اروح السعودية بر والله وناسة صدق بر السعودية يخبل...بعدين الواحد لمن يتعب ياخذ اجر..
ناصر: خلاص عيل تم.. خبري امج واخوانج وانا بخبر علي ..وعلى خير ان شالله

في هالوقت دخلن رقية وليلى وشما ..ومعاهن ازواجهن..(خوات فطامي من الابو..)
سلمو ويلسوا..
رقية: خير سمعتكم تقولون.. تم شو هذا الي تم
ناصر:ماشي والله فطامي ويا اخوانها يبون يروحون عمره بالسلامة ان شالله ..
رقيه: اها وانت ابوية بتروح عندهم
ناصر اكيد بعد هذي يبالها سؤال عيل بخليهم بروحهم
فطامي لحد الحين ساكته بس قاعده قرب ابوها تهمزة

ورقية قاعده تهمس حق ليلى
رقية: ياختي نبى نروح العمره... وابوي وين يبى تعبان مافينا عليه ..يبى مسؤوليه يبى حد يشيله ويحطة..
ليلى:صدقج والله خليه هنيه مابنشله..

فطامي تسمعهم.. ومش قادرة تسكت اكثر ..عنبو مثل ماهو ابوها هو ابوهن وناصر مسكين..الشيب مخلنه مايسمع شي اذا حد بيقوله شي لازم يصرخ فاذنه واذا سمع بيسمع السالفة غلط ..المهم فطامي ماقدرت تتحمل وانفجرت
فطامي: ايه انتن اسمعن اولا محد قال انكن بتروحن معانا ...وثانيا ابوي تعب علينا ونحن صغار ماراح نتخلى عنه عقب ماكبرنا ولو صار وابوي ماراح نحن بعد ماراح نرووح
ناصر:بلااااج فطامي تزاعقين شو عندكن شو تقولن
ليلى: ايوووووووة يابوي بنتك دومها لسانها طويل اونه ماتبانى نروح معاكم السعودية وتقول ابوي مش مسؤول عنكن يصرف عليكن عندك رياييل
ناصر: فطامي انا كم مرة بعلمج لسانج هذا يوديه والا تراني بقصة اصرف عالي اصرفة انتي شو لج ماناقص الا الفصاعين يتامرون علينا
فطامي: ابوي والله حرام الحين انا قاعده ادافع عنك تسوي فيني جي هذا يزاتي
رقية: لا تمين تتمسكنين..هيه ادريبج كبر راسج الحين كبرتي بس ابونا ماراح نخليه
فطامي: الحين مابتخلينه الحين رفعتي صوتج كان رفعتيه بالاول والا خايفة حد يسمعج
ناصر: فطامي جب.. يلا طلعي منيه اشووف..انا ماعرف طولت اللسان هذي من وين ماخذتنها...شو رايج انهن بيروحن وعلى حسابي بعد وانتي الوحيدة الي ماراح تروحين.. اباج تتادبين وتخلين طولت اللسان هذي
فطامي: ابوي حرام عليك والله حرام..
رقية: يوم اقولك موزة مابتربي لك بنات
فطامي: جاااااااااااب يالخايسة انطمي
ناصر: فطامي اذا ماطلعتي منيه بهالخيزرانه يلا برى

طلعت فطامي من غرفة ابوها وهيه مخنوقة حاسه بظلم ظلم فضيع خيبة شو صار بالدنيا
عنبو والله والله الله شاهد عليه.. اني احبك يابوي..ليش الدنيا تمشي بالعكس ليش الناس جي..
دخلت الصالة واخوانها وامها قاعدين يتعشون... شافوا فطامي عيونها جمرة وفيها عبرة ومش قادرة تتكلم من كثر ماهيه مخنوقة... دخلت غرفتها ومرت نفسها عالسرير ..ودخلوا عندها الغرفة كلهم ..سالم روضة هيفا وسلامة ونورة..
موزة: بلاج امي شو صار
فطامي ماترد انفجرت من كثر البكي... وخبرتهم السالفة..
سالم: اففف متى بنفتك من هذيلا منغصات علينا حياتنا..في كل شي
سلامة: اوهو هذيلا مافيهن دم..يعني ابوي ريال كبير وماخذ تقاعد وراتبة يادوب يكفينا...وهن ما شالله يشتغلن وريايلهن يشتغلون وبعد عيالهم يشتغلون..وبعد يريدن ابوي يصرف عليهن حتى بعد ماتزوجن
هيفا:نحن لين متى مابنعيش مثل الناس محرومين من كل شي وكله حلال عليهن والله ظلم
موزة:صبروا ياعيالي الصبر زين
فطامي: لا لا يامي والله والله دام راسي يشم الهوى يامي محد فهالعالم كله ولاحتى ابوي يقدر يمس شعره منج انتي واخواني..لو اعيش طول عمري فالبيت بدون زواج ولا دراسة مايهم .. اهم شي محد يقرب صوبج انتي واخواني..

موزة خذت عيالها وطلعوا عشان يخلون فطامي ترتاح... اما هناك في غرفة ناصر كانن رقية وخواتها ..فرحانات بالانجاز الي سونه...زاحن فطامي عن طريقهن الي كانت دايما مثل الغصة فالبلعوم..لان ابوها مدلعنها.. وبالمرة خذن سفرة ببلااااااااش ..
اما ناصر..فكلم موزة ترتب الاغراض هيه وعيالها عشان بيروحون العمره..وخذ جوازاتهم كلهم ماعاد فطامي..وتحجج انه يباها تقعد مع زوجته الثانية..موزة تدري شو السبب ورفضت تروح بدون بنتها لكن ناصر اصر..موزة خشت جواز فطامي ورتبت اغراضها في نفس الشنطة...وكانت موزة ماخذه شنطة عنابية من عند فطامي... بس لمن قررت تحط ملابس فطامي معاها راحت وخذت شنطة اكبر وكان لونها رمادي وبودون فطامي لاتدري..
فطامي بعدها مش قادرة تتحمل الظلم الي صارلها معقول معقول ابوي الي كان لي دوم ظهر وسند..الي كان يدافع عنا من جور الزمن صار هو والزمن ضدنا طيب ليش شو الذنب الي اقترفته انا وامي واخواني شوو.. لا اخ كبير يحفظنا ولا خال ولا جد ولاعم صالح ولاحتى ابو حنون.. الله كريم..
كانت فطامي حزينه جدا.. مسكت التلفون تبى تكلم احد..وبدون لاتدري لقت نفسها تتصل على محمد..
رد محمد وهو يسمع فطامي تصيح
محمد: فطامي عيوني شوفيج حياتي ..حبيبي دمعتج غاليه فديتج لا تصيحين خبريني شو صاير
فطامي: مااريد يامحمد...غش ظلم انا مابا جي احس بتانيب الضمير..
محمد: شو غش شو ظلم شو تانيب الضمير..
فطامي: انت مش مجبور تسمعني..لاني بصراحة ماعندي استعداد ارد هالجميل ولا بجذب عليك وبقولك احبك..انت تدري كل حب فيني تجاهك مات
محمد: ياحبيبي ياروحي فطامي..انا عمري ماسويت لج شي عشان مقابل وهذا كله مايهم المهم الحين اعرف انتي شو فيج ياغناتي..
فطامي: خواتي يامحمد خواتي الي من ابوي
محمد: اواهو وهذيلا مايموتن عشان الواحد يرتاح منهن
فطامي: لو يموت شارون هن بيموتن
محمد:فديت الي ينكت
فطامي: لا والله صدق الشريرين مايموتون
محمد:فديت الي يقول شريرين
فطامي: حمودي خلاص عاد بتنسيني السالفة الي كنت بقولها..
محمد: لو ماكنت ابا اعرف شو صار ..كان خليتج تنسين للابد وترتاحين ياقلب محمد..بعدين تعالي مب كأنج قلتي حمودي؟
فطامي: بالغلط
محمد: هيه بعد اتحسب..
فطامي: لا لا تتحسب..
محمد: انزين يلا قولي هذيلا بعد شو مسويات
ظلت فطامي تحكي السالفة لمحمد..و كثر ماهو متضايج من الي صار لفطامي..كثر ماهو فرحان ان فطامي في عز شدتها ماذكرت حد غيره ولا لجأت لاحد ثاني..وهذا عطاه امل كبير.. في جمعتهم بالرغم من انها فطامي تعيد وتزيد ان كل شي فيها تجاة محمد ماات..
سكرت فطامي عن محمد وياتها امها تقولها ان الباص مال الحمله وصل وان جيرانهم ركبوا وهم ينتظرونها..
فطامي: امي شو تقولين انتي ابوي قال انا مابسير روحي انتي واخواني واستانسو.. تردون بالسلامة ان شالله
موزة: من قال لا فديتج لا انا ولا اخوانج بنروح وانتي مب ويانا..يلا لبسي عباتج..
فطامي: امي فديتج..الشغله مش بهذي السهوله..اولا ابوي ماعطاهم جوزاي يعني اكيد مالي كرسي فالباص فهمتي.. وانا اساسا ماجهزت اغراضي.. وبعدين المسؤول عن الحمله لو شافني زيادة بينزلني..
موزة: كل هذا رتبته انا..الجواز عندي وعطيته المسؤول وبعدين صح هو ماشي كرسي عشانج بس عادي بنقعد على نفس الكرسي بندبرها مب مشكلة
فطامي: امي شو تقولين انتي ... هذا خط الامارات – السعودية 2400 كيلو مب راحين السوق نحن
موزة: فطامي فديت روحج لاتخلينا انا واخوانج بروحنا..والله الله وحدة العالم شو بيسوون فينا خواتج يوم انتي محد..عالاقل يوم انتي معانا بتوقفينهن عند حدهن دخيلج يافطامي..اذا مب عشاني عشان اخوانج
فطامي: امي فديت روحج لا تمين تترجيني جي..خلاص بلبس عبتاتي وبلحقكم..انتي قلتي اغراضي وملابسي عندج
موزة: هيه فديتج..
فطامي: خلاص امايه..
لبست فطامي عباتها وخذت تلفونها...سلمت على حرمة ابوها بالرغم من الي تسويه هيه وبناتها وركبت الباص.. واول ماشافوها اخوانها وخصوصا سالم كانها ردتلهم الروح.. اما الناس الي كانوا فالباص كلهم يرحبون بفطامي من كثر ماهيه غاليه على اهل الفريج كلهم..في حين خواتها يوم شافنها انقلب وجهن من الابتسامه مدن البوز شبر... وقعدن يتنغزن عليها في مابينهن..
تحرك الباص بدون حتى لا يلاحظون انها فطامي زيادة... وفطامي عادي عندها دامها قرب امها واخوانها كل شي يهون..بعد ماسكر باب الباص ..الباب الثاني الي يكون ورى..قعدت فطامي عالدرج.. وكانن خواتها الصغار وامها يتبادلون معاها بالاماكن حتى صديقاتها بنات جيرانهم ..محد قصر فيها الكل كان حاطنها على راسه ..ماعادا ابوها الي ماكان يكلمها..وبالرغم من هذا كانت تعطيه القهوة والتمر والماي طول الطريج..هذا ابوها وهيه رايحة عمره... ورضا الوالدين اهم شي..اما خواتها فكانن يموتن قهر وهن مكانهن..
الطريق من الأمارات لحد السعودية طويل ..واحداثه كانت كثيرة منها الحلو ومنها المر..ووللأحداث بقية..

::::::::::نهاية الجزء التاسع والعشرين:::::::::::::::::::

طلعت الحمله من مدينة العين باتجاه بوظبي ومن بعدها طريف وعقبها الرويس..لحد مركز السلع الى على الحدود بين الامارات والسعودية... فطامي ما شالله عليها وين ماتقعد نامت ماعندها أي مشكلة..
الحملة وقفت ف"الطريف" منطقة بين بوظبي والرويس..فطامي كانت نايمة اما الباقين فنزلو يصلون العشا..صحت فطامي فجاة..تقول في خاطرها وين انا شو صار.. ونزلت من الباص يمكن تشوف احد من اهلها او من الناس الي معاها.. ولكن غريبة ماتشوف احد.. محلات وهندي يتمشى برى.. وهيه بعدها مش صاحية من النوم عدل..
الهندي يشوفها انها تدور احد فقالها ان اهلها والناس كلهم الي كانوا فالباص..راحوا يصلون العشا فالمسجد الي ورى المحلات..ويمكن يستريحون فالمطعم الي قربه..
راحت فطامي صوب المسجد..وشافت رياييل وايد.. عقب راحت تمشي بكل حذر صوب المطعم خصوصا ان الدنيا ليل..واول مافتحت المطعم الله ستر انها دخلت من صوب قسم العائلات
موزة: بسم الله انتي متى قمتي من النوم
فطامي: امي شو هالخيانه فيكم تنزلون وماتقوموني من النوم؟!
موزة: يابنتي ماهنتي علي اوعيج من الرقاد قومي توضي وصلي وتعالي تعشي ويانا
فطامي: (وهيه مادة البوز شبر) ان شالله اصلن انا يوعانه وواااااااااايد مش شوية..بعدين ها امي نبى طاولة بروحنا يعني المدامات المحترمات هذيلا والله والله مااتعشى معاهن على نفس الطاولة لو شو مايصير
موزة: ان شالله فديتج يلا بنترياج
راحت فطامي توضت وصلت..ورجعت لامها واخوانها تعشوا وريحوا وركبوا الباص ..وطلعوا ..
رجعت فطامي..ونامت مرة ثانية
سلامة: يوووووووووووووووة امي شوفي بنتج من طلعنا نايمة ياااااااااااابختها والله ياليت اقدر انام فالباص مثلها
موزة:حرام عليج بتدقين اختج عين برايها.. تنام الحين بعدين بتقعد صاحية طول الليل تشوف اذا حد يبى شي
سلامة: هيه ماعليه بنشووف..
فعلا لما يت الساعه وحدة باليل صحت فطامي..
فطامي: اميي انتي وين
موزة: هنيه فديتج
فطامي: امي الصراحة ابا جاهي حليب وفيه زعتر
موزة: بسم الله الرحمن الرحيم... شو ها من وين ايبلج جاهي الحين... مانقدر نوقف لحد مانوصل المركز
فطامي: يخيييييييج والحل شوو
هيفا: حبك لا يضيع
فطامي: استغفر الله رايحين العمره وانتي تغنين حق عبادي الجوهر
هيفا : شو تبين اسوي يعني انتي وطلباتج الي ماتخلص..
فطامي: خلاص انزين مابا شي.. اقول شو مسوين من العشا
هيفا: فطامي اعطيج بووكـس الحين مب تونا طالعين من المطعم كملي كملي رقاد شكلج بعدج دهمانه
فطامي: لا مابا انام شبعت انتم نامو انا بروج قدام عند الدريول اكلمة عشان ماينام
موزة: حوو وين تبين.. عيب يلسي مكانج جدام كله رياييل
فطامي: عيل شو اسوي..
موزة: رقدي..
فطامي: شبعت.. والا اقولج بروح اوقف عالباب الثاني واشوف الطريج كشخة لحد الصبح
فعلا راحت فطامي..وقفت قرب الباب وهيه تطالع الطريق.. الكل نايم ومافي نور فالباص كله مظلم.. اللهم السواق مسكين قاعد..وقالت يالله بالمرة اذا حسيت الباص يتمايل بعرف انه نايم وبروح اصحيه هذا اذا لحقت..
وهيه تفكر تذكرت انها ماخبرت مريم ولا حتى محمد .. انها سافرت فقررت تطرشلهم مسج قبل لا تفتح شبكة الجوال السعودية...
وفعلا كتبت مسج لمحمد ولمريم تخبرهم انا راحت..
وفالوقت الي كانت فطامي تناظر الطريق يتها بنت وقعدت قربها
حنان: مرحباا
فطامي: اهلين..اشحالج
حنان: حمدالله بخير.. انتي شو اسمج
فطامي: انا فطامي..وطمطوم..وفطوم وفاطمة ههههههههه شرايج ترومين اربع اسماء
حنان: ههه وانا اسمي حنان..
فطامي: توقعت انه كل الي فالحملة جيرانا..بس انتي شكلج مب من فريجنا
حنان: هيه انا ياية مع زوجي الي هو ابن المسؤول عن الحملة..
فطامي:اها..والنعم والله ..ليش مب راقدة
حنان: رقدت من اول ماطلعنا وشفتج قرب الباب قلت ايي اسولف معاج بما انه الكل راقد
فطامي: حيااج والله انا بعد كنت ملانه ومافيني رقاد وقلت ايي اطالع الطريق اتسلى

هنيه قامت رقية من النوم وكانت قربها غرشة ماي صغيرة فتحتها وشربت ماي.. والعاده الانسان لمن يفتح غرشة الماي يشرب ويرجع يسكرها ويرجعها مكانها..لكن رقية..مسكت الغرشة وكبت الماي الي فيها على ظهر فطامي..وكان الماي مثلج فشهقت فطامي
رقية: اووه هذي فطامي سمحيلي ماشفتج رايحة بصب الماي من الدريشة
فطامي: لا والله اول مرة صراحة انا اشوف انه الماي ينصب وهو بارد مايترجع مكانه.. اونتش تشربين من غرشة مب كوب..بعدين نحن في باص مش في بيتج عشان تصبين الماي أي مكان..
حنان: من هذي الحرمة تصدقين شكلها متعمدة.. اساسا الدريشة الي فالباص ماتفتح ..كيف تقول تبى تصب الماي برى.. وليه تصبه اساسا هو في غرشة ومثلج بعد..مش في كوب وتخافه ينكب
فطامي: ههههههه هذي اختي اذا تصدقين
حنان: اسفة
فطامي: ولا تتاسفين ولاشي طبيها متعمدة يعني ماتدرين..
حنان: وليش توج تقولين اختج..
فطامي: عادي خليها تولى كملي سوالف
حنان: اميييييييي الباص يميل
فطامي : يووووووووووة شكله السواق نام
حنان: لحظة بروح اشوف ريلي يقعد يسولف معاه مسكين بيرقد بروحه..
راحت حنان تصحي ريلها عشان يقعد يكلم السواق عشان ماينام ورجعت تقعد مع فطامي.. ولما صارت الساعه ثلاث الفجر وصلوا مركز السلع.. الكل نزل عشان يخلصون اجاراءات ولمن خلصوا.. الكل رجع ينام.. وحنان وفطامي رجعن يوقفن عند الباب يكملن سوالف..لحد ماصارت الساعه خمس الفجر... ونزلوا في استراحة للشاحنات .. في بداية السعودية..
فطامي: حنان شو رايج نسوي جوو حلوو حقهم
حنان: كيف يعني مافهمت
فطامي: شوفي ..الحين بينزلون يصلون الفجر صح الشمس بعدها ماطلعت وهم بينزلون يريحون.. في حصير كبير فالباص واعتقد ثلاثه او اربعه..وشالين بريج كبير شو رايج نسوي جاهي وقهوة ..ونفرش ونقعد نريح شوي.. بدل قعده الباص والله شكلهم تعبوا
حنان: والله فكرة حتى نحن جايبين اغراض..بروح اخبر ريلي..وبرجعلج..

فعلا راحت حنان وخبرت ريلها..وبعد ماصلوا ..فرشوا كذا حصير عند الباص وقامن فطامي وحنان وسون قهوة وجاهي..كان الجو رائع خاصة قبل وبعد الشروق..وفطامي وحنان يساعدن بعض على خدمة كل الي فالحملة.. وخاصة الصغار والشواب..وكانن مستانسات عالي يسونه..
رجعوا ركبوا الباص.. وكملوا طريقهم..الكل كان صاحي ماعادا فطامي وحنان الي رجعن ينامن..لحدوا ماوصلوا الرياض قبل العصر بشوي عشان يتغدون ويصلون العصر والظهر جمع وقصر..

نزلوا تغدوا وصلوا العصر والظهر وتحركوا...وخذوا كل الي يبونه على اساس انهم ماراح يوقفون لحد مايوصلون الميقات..
بعد ماوصلوا الميقات الكل نزل عشان يسبحون وينوون العمره..

موزة: فطامي فديتج انزلي روحي هاتي الشنطة عشان نطلع ملابس
فطامي: امي شو فيج خيبة استحي..كله رياييل عند الشنط خلي سالم يروح
موزة: وين القاه سالم الحين روحي مابييج شي.. تعرفينها الشنطة صح
فطامي: هيه
نزلت فطامي..وكلمت السواق عن مواصفات الشنطة.. على اساس انها تذكر انها امها ماخذه الشنطة العنابية من عندها
راح السواق ينزل الشنط.. الشباب في صوب والحريم في صوب والباص كان كامل مافيه غير شنطة عنابية وحدة وطلعها راعي الباص حق فطامي..
سعيد: حوو حوو شنطتي هذي
فطامي: شو شنطتك هذي شنطتي
سعيد: اقولج شنطتي شو ماتشوفين
فطامي: شو اشوف انا بروحي عاطيتنها امي شنطتي عنابية بلاااااااااك انته من وين طلعت

سعيد يشد الشنطة وفطامي تشد ومسويلهم بروحهم شارع وسعيد هذا يصير ولد علي الي اقترح عليهم يروحون العمره وكان توه ثانوية يعني اصغر من فطامي..هنيه سالم سمع الزعيق
سالم: حوو شوفيج انتي
سعيد: هذي اختك..قولها تعطيني الشنطة مالتي
فطامي: سالم مب هذي شنطتنا
سعيد: لا شوفي الاسم عليها من ورى سعيد علي
قلبت فطامي الشنطة وفعلا الاسم سعيد علي
سالم: اففف منج فضحتينا عند الريال..
فطامي: عيل وين شنطة امي..
سالم: ياغبية شنطة امي رمادية شفيج انتي
فطامي: انا بروحي ..شايفتنها
سالم: ياهذي البنت الي ماتسمع الكلام يابنتي يابنتي امي مغيرة الشنطة عشان تحط اغراضها ويا اغراضج روحي داخل بطلع لج الشنطة بروحي بيبها يلا
فطامي: انزين حشى بسم الله..
دخلن الحريم والرياييل الميقات تسبحوا وصلوا ونوو العمره ..وصلوا المغرب ويا العشا وتحركوا صوب مكة.. وفالطريق..
الكل تعبان ونايم.. ماعادا فطامي وحنان بالعكــس صايرات ينامن لما الناس تصحى ويصحن لمن الناس تنام.. الباص وقف عند مطعم عشان ياخذون عشا..ولكن محد نزل..الكل ماكان له نفس من التعب ..وقعدوا فالباص..فاضطر انه ريل حنان ياخذ العشا ويحطة بالباص ويتحركون..عشان يكون برى ضميرة وخذالهم عشا ..
وطبعا الاكل فالسعودية معروف.. الارز يكون باكياس والدياي بعد..
فطامي..اشفقت عليهم كيف تعبانين خاصة الصغار والشواب ونفس الوقت اكيد يوعانين حرام ينامون بدون عشا .. فكانت تفضي الاكياس وتروح تودي صحن عند كل ثلاثه او اربع حريم او رجال او حتى شباب واساسا محد شباب كلهم في عمر سالم او اكبر منه بسنتين.. ولمن وصلت عند خواتها الي من ابوها.. عادي مافرقت بينهن او بين أي حد ثاني فالحملة حطت الهم عشا وماي وجاهي وعصير وكل شي ..وهنيه تكلمت ليلى اخت فطامي
ليلى: اقول فطامي..كم دافعيلج مقابل هالخدمة..
فطامي: والله الي اسويه ماريد من وراه مقابل الواحد يبى الاجر والثواب من عند الله..بعدين هذيلا شواب .. وحريم كبار تعبانين حرام..وحتى الصغار تعبوا مهاتهم..يعني لو عشيتهم مابينقص مني شي..
ليلى: ههه يامحسنة انتي.. مسوية نفسج طيبة وشريفة عشان الناس تمدح فيج..
فطامي: الكلام معاكن ضايع ..انا رايحة اعبد ربي واستغفر واتوب مب جاية ازيد ذنوب..
راحت فطامي عنهن.. وحطت عشا لامها واخوانها..
وقعدت على الدرج مال الباب لانه مافي مكان الي ماخذ كرسي زيادة عشان ينام والي متمدد فالطريق والباص صاير عفسة.. وظلت فطامي..طول الليل مكانها على درج الباب..حتى حنان راحت تنام...
لحد ماوصلوا مكة..وفطامي على حالها اذا صحى واحد من الصغار وامه نايمة تروح تنومه واذا حد احتاج ماي او شي.. تجيبه الهم وهيه كلها راحة ورضى..

::::::::::::::::نهاية الجزء الثلاثين:::::::::::::

مع الوقفات والاستراحات..مر الوقت وبعد ماوصلوا الساعه ثمان تقريبا وحصلوا سكن.. على طول نزلوا اغراضهم..راحوا كلهم مع بعض على الحرم..وبعد ما سعوا وطافوا.. رجعوا الفندق وفي منهم الي ظل بالحرم لحد صلاة الظهر..فطامي تعبانه ومافيها حيل خلاص مش قادرة طول الليل واقفة او قاعده على الدرج...
فبعد ماخلصت طواف رجعت ودخلت الغرفة وكان معاها فالغرفة ابوها.. حطت عمرها على السرير وعلى طول غفت..بدون لاتدري...لحد العصر..او بالاصح قريب المغرب..صحت على صوت اختها رقية كانت تكلم ابوها..في نفس الغرفة الي فيها فطامي..
رقية: ابوي شوفيها بنتك نايمه نحن جايين ننام والا نعمر..حد يروح العمره ويطوف صلاة الظهر والعصر لو خليتها بالبيت كان أحسن
فطامي تتسمع وهيه فالفراش.. وتحاول تمسك نفسها..لانها لو قامت بتقتل رقية..ورقية هذي حتى اكبر من موزة ام فطامي.. كملت رقية كلامها
رقية: انا دايما اقولك ابوي ترى موزة ما تصلح تربي بنات الله يستر بس..
في هاللحظة خلاص فطامي بتنفجر امها تنهان وتنسب قدامها.. ومسكينه موزة وعيالها في هاللحظة كانوا نازلين تحت الفندق ياخذون اغراض عشان العشا..
قامت فطامي من السرير تسوي نفسها رايحة الحمام.. وكانت رقية قبلها طلعت من الغرفة..اما ناصر فقعد فالغرفة..طلعت فطامي من الغرفة تتبع رقية..الي كانت رايحة للغرفة الي فيها زوجها وخواتها..
فطامي..بكل مافيها من حقد وقوة خلاص بتنفجر..وهي تمشي ورى رقية والشرر يطاير من عيونها.. مسكت رقية من راسها من ورى ولفته تجاهها ولمن صار وجهه رقية مقابل وجه فطامي..رفعت فطامي ايدها بكل حقد العالم وبكل حب للأم وصفعت رقية كف ظلت شفايفها يرتجفن من قوته..الكل جا يركض وناصر طلع من غرفته وعباله هواشة بدون لا يدري انها فطامي صفعت رقية..ومحد تجرأ يقوله..
طلع زوج رقية ومسك فطامي.. ليلى مسكت ابوها عشان مايطق فطامي.. مسويه نفسها طيبة..بس كل هذيلا كوم والقهر الي في فطامي كوم عبالهم بتسكت او بتخاف..التفت فطامي تجاه رقية تبى تكمل ضرب..
وزوج رقية بعد ماسك فطامي..وهيه ترفس برجولها وتقول لرقية..
لحد هنيه وبسج..وكلام يوصلج ويتعداج ..والله والله لو سمعتج تجيبين سيرة امي على لسانج هالكف الي عطيتج اياه الحين بيصير عشرة والله والله مافي قوة في الكون كله تقدر تمنعني تفهمين..
ناصر: جب جب خسارة تربيتي فيج والله ماتستحين هذي اختج مربيتنج
فطامي: ضحتني يابوي..هذي مربيتني ..تخسي والله هيه هذي ماربت عيالها عشان تربيني انا ..انا محد رباني غيرك انته وامي.. وبعدين شو نسيت صحح معلومتك وقول امي الي ربت الها عيالها لمن زوجها الاول طلقها..والا نسينا ماكلينا..
ناصر: والله هالخيزرانه بتعلم في جسمج
فطامي: خلها تعلم شو المشكلة تعودت عليها..شو يعني مسوين نفسكم قوين عليه انا لاني بنت وحيدة.. تقولون جاين عمره تكفرون عن ذنوبكم.. والا تتبلون على امي المسكينه.. لانها يتيمة لا ابو ولا اخو ..هذي القوة الحين..
ايه باين صاير قوي الحين لان امي خسرت شبابها تداريك.. عيل وين بناتك المصونات طول هالمدة..اشوف محد راعاك غيري انا وامي... ولو مب نحن جان مافيك الحين هالقوة عشان تضربنا وتظلمنا..
ناصر: جب جب حشى مب بنتي انتي يلا اشوف حبي عراس اختج وتعذرليها
فطامي: تخسي الا هيه انا احب عراس هذي الخامه..والله ماكان
ناصر: والله ماتعتذرين لاختج اطردج الحين من الفندق وخيسي هنيه فالسعودية متبري منج ليوم الدين لاانتي بنتي ولا اعرفج..
فطامي: والله لو شو مايصير مااعتذر لوحدة تغلط على امي.. صحيح امي مالها ابو ولا اخو بس انا موجودة ولا انته ولاوحدة من بناتك تقدرون تمسون شعره من شعر امي..واكثر مما سكت ماراح اسكت
ناصر: برى برى يلا زولي ولاتخليني اشوف ويهج بعد اليوم..
فطامي:بيني وبينك الله يابوي..بيني وبينك الله... وبيجي يوم وبتعرف من الظالم ومن المظلوم..واذا ماكان فالدنيا فالاخره..
ناصر: جب طلعي اقولج طلعي
فطامي: حسبي الله ونعم الوكيل ..حسبي الله ونعم الوكيل..بيني وبينكم الله ..حسبي الله ونعم الوكيل..
في هالوقت كانت موزة وعيالها يشوفون الي قاعد يصير قدامهم..وهم واقفين عند الباب ..طلعت فطامي من بينهم..ونزلت من على الدرج طالعه برى وهيه غرقانه بدموعها.. موزة لمت عيالها سالم وهيفا وروضة ونورة وسلامة..ونزلت ورى فطامي..
موزة: ادري اني انا السبب انا الي يبتج هنيه
فطامي: امي لا تقولين جذا..اغلى ماعلى الانسان فالدنيا امه.. والرسول وهو الرسول وصى عالام ثلاث مرات والابو مرة..امي ماباج تحسين بانج وحيدة او بضعف صدقيني يامي مايهمني انا شو اخسر .. عادي والله عادي بعدني قوية اهم شي انتي مايصيرلج شي يامي ..واخواني ماباه يصيرلهم شي..ساعتها بكون انا بالف خير..
قعدت موزة وعيالها حولها ومعاهم فطامي.. قدام الفندق يبكون وهم في مكان غريب.. وجو غريب وكل شي غريب.. لو العدو يشوفهم بيرق قلبه وبيبكي..
لمن هدت فطامي شوي.. خذتهم موزة الابراج عشان ياكلون خصوصا ان فطامي ماذاقت شي من الصبح ..وبالمرة ينتظرون صلاة المغرب..
طلعوا من الابراج وقعدوا فالساحة ينتظرون صلاة المغرب... وطول الوقت قبل الاذان كانت موزة بكل حرقة وظلم تدعي عليهم بالي سووه في فطامي..
بعد صلاة المغرب.. عند البوابة كانوا طالعين.. كل الناس الي كانوا معاهم فالحملة..جاين باتجاه موزة وعيالها..يبونهم يرجعون السكن.. لانهم كانوا مالين عليهم المكان..
فطامي اصرت تقعد تنتظر صلاة العشا فالحرم..
وموزة خذت عيالها وراحت ع الفندق..
دخلت الفندق هيه وعيالها وهم مايكلمون احد غير جيرانهم.. انتظروا صلاة العشا ونزلوا الحرم.. وفطامي باقية فالحرم..صلت العشا وطبعا موزة لمن راحت تصلي العشا ماشافت فطامي الحرم كبير وصعب يتلاقون..لكن وحدة من الحريم الي كانت معاهم فالحملة حرمة عجوز شافت فطامي..وجتها..
عايشة: مرحبا بنتي فطامي اشحالج
فطامي: بخير عمووه صليتي
عايشة: حمدالله يابنتي اقول مابتسيرين عندي السوق
فطامي: افا عليج من عيوني
عايشة : تسلمين فديتج بس بغيت اخذ جلابيات حق بنات ولدي.. وهم قدج..واباج تساعديني تدرين بعد البنات مايحبن ذوق الشواب
فطامي: افا عليج عمووه من عيوني...
لفت فطامي بعايشة السوق وخذن كل الي يبنه واضطرت انها ترجع السكن عشان تشيل بعض الاغراض عن عايشة .. الفندق كان يبعد تقريبا من كيلو لين كيلو ونص عن الحرم..طلعت فطامي ووصلت الاغراض لعايشة ولقت امها فالدور الي فيه عايشة قعدت معاهم فطامي وسهرت لحد الساعه ثلاث باليل.. امها تطمنت عليها وراحت تنام..فطامي وبدون لاحد يدري لبست عباتها ونزلت من الفندق..رايحة الحرم..
السعودية أمان خصوصا ان حتى السوق فاتح 24 ساعه ..وماكانت فطامي تحس بخوف ابدا.. نزلت راحت الحرم وصلت قيام الليل وقعدت تدعى..وهيه مش عارفه مصيرها المجهول..وكيف بتكون حياتها..وهل فعلا ابوها ماراح يرجعها الامارات..
قعدت فطامي فالساحة فالحرم بعد ماصلت قيام الليل تنتظر صلاة الفجر..وكانت بروحها.. والحرم تقريبا فاضي.. وجتها حرمة وجلست قربها

حصة: السلام عليكم
فطامي: هلا وعليكم السلام ..تفضلي..
حصة: شكلك كذا زي ماتكوني من الامارات دار زايد الخير
فطامي: هيه اختي وانتي..
حصة: انا من الرياض جايين عمره مع خواتي..
فطامي: والنعم والله
حصة:ينعم بحالك..تدرين وش الي خلاني اجي جمبك
فطامي: شوو
حصة: بسم الله ما شالله وجهك منور..
فطامي: هههه تسلمين .. عادي هذا النو قوي..
حصة: لا والله اتكلم جد..تدرين انا زرت الامارات قبل كذا
فطامي: والله زين وين
حصة: دبي راحين عالمهرجان ..بس ما شالله كيف حلوة
فطامي: وحتى السعودية حلوة بس الي مخليها شينه هم الزوار يعني يخلون المكان وصخ..
حصة: ايه والله ويش نسوي بعد..المفروض يهتمون..
فطامي: مازرتي العين انا من العين
حصة: لا والله اصلن رايحن بر بالسيارة خذنا اربع ايام ورجعنا
فطامي: المرة الجايه ان شالله..

قعدت فطامي تسولف ويا حصة كذا من اول مرة لحد الفجر..سبحان الله فطامي تقول في خاطرها وكان الرب يشوفني بروحي وارسل لي هالانسانه الطيبة الله يجزيها الخير..
صلت فطامي الفجر..وظلت مكانها.. وعند الباب كان زحمة الناس تطلع وفطامي تقول شو وراي انتظر لحد مايطلع النور..وفي هذي الزحمة شافت اختها ليلى..وجات ليلى تجاه فطامي..خصوصا ان فطامي جالسة فالساحة برى والمكان برى فاضي
ليلى: انتي هنيه اوهو تراني تعبت من ابوج ماسكتنه بايدة وانتظرة لحد ماايصلى تراني ماولدته ونسيته
فطامي: ليش ابوي وين الحين
ليلى: هناك في هذي الزحمة روحي شوفيه انا مش مضطرة اقعد انتظره اففف انتي جبتيه وتحملي قلنا بالاول مانابه ماتسمعون الكلام..
تركت ليلى فطامي وراحت صوب الفندق..
وفطامي قامت من مكانها راحية باتجاه ابوها الي كان مثل المسكين مضيع فالزحمة ..وتعبان مافيه حيل يمشي للفندق..او أي احد يصطدم فيه بيطيح..راحت فطامي ومسكته من ايده عشان تقودة بس ناصر بطل ايده من ايد فطامي..وسوى نفسه قوي ولا كلمها ومشى..فطامي بالرغم من هالشي ماتركته..قعدت تمشي معاه..وهو ابدا ماحاسب لها حساب..ولا حتى يتلفت تجاها.. وفطامي كملت الطريق لحد ماوصلت ابوها الغرفة..كل هذا وهيه بعدها مانامت..ولمن دخلت الغرفة
ناصر: برى يلا برى.. قتلج طلعي برى
موزة: وين تطلع برى في هالليل هذي بنت
ناصر: هذي مب بنتي متبري منها ليوم الدين..
فطامي: امي تبين شي..
موزة: قعدي
فطامي: امي لاتخافين عليه... هاتي الدله بروح اصب جاهي من المطعم الي تحت عشان ابوي..لحد ماتسوي القهوة..
نزلت فطامي تحت الفندق كان هناك مطعم.. والناس طابور عشان تعبي دلة الجاهي..خلصت طلعت ووصلت امها..
وهيه من البارحة بنفس اللبس ولانوم ولا اكل..رجع ناصر وطردها وقالها اذا ماطلعت بيضربها بالعصى..
نزلت فطامي.. من الفندق وهيه تبكي..قعدت تمشي وتقول لو رحت يمين بوصل الحرم..احسن اروح يسار يمكن اضيع فهالمكان..ققعدت فطامي تمشي وتمشي بدون لاتدري هيه وين رايحة وهيه تفكر شو بيكون مصيري ابوي ابوي يتبرا مني وليش .. والله حرام.. ابوي ليش جي قاسي ...خيبة يالدنيا..بوعدين لمن يرجعون الامارات امي شو بيصير فيها..معقول ابوي يخليني هنا بالسعودية..اكيد هو حلف هو تبرى مني.. وانا من عندي عشان ياخذني.. للاسف ..محد..اريد حد يساعدني والله حرام الي قاعد يصيرلي والله وايد يادنيا والله اني تعبت من عذابج..شو ذنبي بالله شوو اني احب امي..اني اخاف على اخواني.. اني احترم ابوي.. اني صادقة طيب ليش ولين متى؟ دخيلك يارب تساعدني تنتشلني من الضياع الي انا فيه والله اني خايفة انا حتى مش فبلادي..
فكرت فطامي..تتصل على فهد.. بعدين قالت فهد حرام بسويله مشاكل وحتى فهد مش مرغوب فيه مثل امي واخواني.. واساسا انا طالعه من الفندق ماشايله معاي شي ابدا..
وتشوف رقبتها..لابسة السلسلة الي عاطاها اياها محمد.. وتقول اروح ابيعها واتصل لمحمد
لالا ماوصلت لهذي الدرجة..طيب الحين انا لحد متى بظل امشي.. وين بنام..ولحد متى بظل على هالحال..
وهيه تفكر لقت في جيبها الي في جلابيتها تحت العباء عشر دراهم ..ورقة ..وبعد اماراتية مش ريالات سعودية.
وطبعا الصرافات ماليه المكان قرب الحرم بس للاسف ماعنده اقل من خمسين يعني ماياخذ عشرة...
قررت فطامي تروح الكابينه يمكن يرضى.. وفعلن لمن دخلت الكابينه ..اتصلت على محمد بس للاسف مايرد..مريم بعد ماترد.. ياربي..شواسوي الحين ..لازم اكلم حد.. اتصلت على منصور ورد..فخبرته السالفة كلها بسرعه البرق عشان الخط مايفصل..خصوصا انها عطت العشر دراهم قبل لا تتكلم ..عشان ماعندها غيرهم..
منصور حاول يواسيها ..ونصحها تروح الحرم تقعد هناك..وبعدها الله بيفرجها ان شالله
سكرت فطامي عن منصور.. وغيرت اتجاها وراحت الحرم.. كان الوقت الصبح والساعه تسعه والحرم فاضي تقريبا مافي غير شوية ناس وعمال النظافة.. مسكت فطامي المصحف وقعدت عند السجادات الحمر الي داخل وهيه تقرى سورة يس عل وعسى الله يفرج همها.. وعيونها اساسا غرقانه فالدموع مش قادرة تشوف حروف المصحف من كثر دموعها.. وهيه تتلفت يمين ويسار من الخوف من شو ماتدري.. وفجاة!!

...خير عسى ماشر وش فيكي تبكين
فطامي مستغربة من وين هذا صوت من هذا .. صوت رجال ..صوت واحد غريب ومش قادرة تلتف تشوف هل هو يكلمها او شو السالفة..
كملت الاية وهيه تبكي..
وبعد شوي ..
..طيب اجيبلك موية..
التفت فطامي اتجاه مصدر الصوت..هذا رجال سعودي..طيب شو يريد مني.. وش عرفه فيني..لالا مستحيل قاعد يكلمني ..شوف لحيته لحد صدرة مستحيل شكله يكلم حد ثاني..
لكن فجاة قطع الشك باليقين..
فعلا قام وجاب كاسين ماي من هذا البلاستيك وعباهم من ثلاجات ماي زمزم وحط كاس قدامه وكاس قدام فطامي..وقعد جنبها.. وجسم فطامي يرجف من ورى العباه.. وهيه تقول بسم الله هذا منو وشو يبى فيني.. ومسك المصحف وقعد يقرى.. وفطامي تقول في خاطرها..استغفر الله والله حرام في هذا المكان الطاهر هذا يسوي كذا..مطول لحيته..عشان الناس ماتشك فيه..اذا انا نفسي مب مصدقة الي تشوفه عيوني..
قام وراح يودي كاسات الماي..هنيه فطامي استغلت الفرصة وخذت نعالها الله يكرمكم وطلعت الحرم فوق.. وقعدت هناك..وهيه تشوفه قاعد يدور ويدور.. ولمن طلع..طلعت تركض على طول وجلست فالساحة..
الساعه صارت عشر الصبح والشمس بدت تحمى.. واليوم جمعه..وفطامي قاعده تحت عامود الضو بروحها..وفجاة
فطامي فطااااااااااااامي..
فطامي: امي سالم.. شو يابكم
موزة: ييت ادورج..وكيف يهنالي بال وانتي محد..زين لقيناج
فطامي: امي بمووووووووت من اليوع والله
سالم: طمطوم يلا قومي بنروح الابراج انا عازمنج على ريوق وعلى كل الي تبينه مناك بس بشرط
فطامي: امر
سالم: تختاريلي غتر حلوة حقي وحق ربعي..
فطامي: من عيوني يلا نروح
راحوا الابراج وقعدوا يلفون فيهن لحد ماقرب وقت صلاة الجمعه..
فطامي: يوعانه يلا وين الريوق
سالم: افا عليج يلا نروح المطعم فوق
راحوا المطعم بس من النحاسة قالهم العامل..خلاص المطعم سكر عشان صلاة الجمعه
فطامي: يوووووووه توها الساعه 11 حشى
سالم مب مشكله بتتغدين
فطامي: اخاف الغدى الا مثل الريوق..
نزلوا من الابراج وراحوا عشان يحصلون مكان خصوصا ان الحرم فل يوم الجمعه....صلوا الظهر.. وعقب راحوا اما فطامي فقعدت تقرى سورة الكهف وتدعى لان الدعاء في يوم الجمعه مستحب ومستجاب..وبعدها ودعت هذاك المكان وهيه تبكي وتتمنى ترجع له في حال احسن..
رجعت الفندق.. وتغدت فالدور الي فيه جيرانهم
وطلعت غرفتها.. وطبعا ابوها فالغرفة..
فطامي: السلام عليكم
ناصر مايرد
فطامي: ابوي سمعت خطبت الجمعه اليوم سمعت السديس يوم يقول بالقران " وان من اولادكم شر لكم فاحذروهم"
ناصر: زين انج تذكرين الخطبة ..
فطامي: وليش مااذكرها عبالك جاية ازيد ذنوب انا جايه اتوب.. وماسويت جريمة لاني احب امي واخاف عليها.. انا بعدني اذكر الخطبة مانسيتها.. ولاني احبك يابوي اتمنى انك ماتنجرف ورى كلام بناتك.. لان الله واعلم شو من الذنوب بتسوي..
ناصر: اموت واعرف من وين هالقوة الي فيج وهالثقة الزايدة الي عندج عنبو انتي ماتفهمين ماتخافين لاضرب ينفع معاج ولا شي
فطامي: عادي ليش اخاف قتلك اياها قبل واقولها الحين بيني وبينكم الله.. ابرك عن كل واحد
ناصر: لو تعرفين الله ماسويتي جذا
فطامي: ابوي..انت تحبني انا وامي واخواني..وتدري محد وقف لك غيرنا .. ولاحد بعد بيوقف لك غيرنا.. واتمنى هالغشاوة الي على عيونك تزول..
ناصر لمي لمي ثيابج يلا الباص بيتحرك..بنروح المدينه..
فطامي ابتسمت..بس مابينت لابوها.. وكملت لمت ثيابها ورجعت همزت ريول ابوها وقربت له الغدى وهو مايرد عليها ولا يلتفت الها بس هيه راضية..
يات موزة ودخلت عند فطامي وابوها..قامت فطامي ونادت اخوانها وتغدوا مع بعض..وكل واحد يطالع الثاني ..خلصوا الغدى وجمعوا الاغراض وركبوا الباص في طريقهم للمدينه..مروا بمقبرة البقيع..وجبل احد وصوروا صور جماعيه هناك.. بعدها كملوا الطريق صوب مسجد قباء.. صلوا المغرب فيه..وخذوا مكـسرات خصوصا ان احلى المكـسرات هناك..وبعدها كملوا طريق للمدينه.. ومن التعب فطامي نامت فالطريق في مكان حنان ..لان حنان راحت ويا زوجها الميقات مرة ثانية عشان تنوي عمره عن ابوها..وفالطريق..تعب ناصر يعني رد مريض مثل قبل.. وقفوا عشان يصلون العشا ويريحون.. فطامي كالعاده محد صحاها..لكنها صحت فجاة وراسها داير..
كان الوقت باليل بس كم الساعه مدري.. والمكان استراحة بين مكة والمدينه..
فيه كذا حمله وسيارات وناس من الكويت ومن السعودية الي جاي من دبي والي رايح مكة والي رايح المدينه.. وفطامي التسطيل عندها واصل حدة.. نزلت وبدال لا تروح شرق وين نازلين اهلها راحت غرب..
دخلت الحمامات عشان تتوضا ولقت بنات وجات تسولف عندهم ..ماشي وقت.. أي حد قدامها سولفت..والبنات كانن حبوبات من جدة..وهن يكلمن فطامي ومستانسات معاها وهي نفس الشي مايدرون انها فطامي كانها تمشي وهيه نايمة..
قعدت تتكلم مع البنات ..وقالن الها انهن سعوديات من جدة..وانهن مدرسات.. وكان نفسهن يتوظفن فالامارات لان المنطقة الي يدرسن فيها نائية والراتب ضعيف..وفطامي مش مقصرة مشتغله هيئة العمال والتوظيف وقعدت تشرح وتشرح..ساعه وانتم خليجيات اوكيد بيوظفونكن عندنا والرواتب عاليه والخ وهيه تسولف وشكلها بعدها نايمة.. موزة راحت الباص بتنزل دوا لناصر لكنها مالقت فطامي بسم الله وين راحت هذي.. دورت دورت عليها..مالقتها ..بعدين قالت يمكن نزلت راحت تتوضا الحمامات راحت الحمامات ولقت فطامي داقة سوالف ولادارية عن حد
موزة : فطاااااااااااامي انتي شو تسوين هنيه قلبت الدنيا عليج
فطامي: هاه امي هنيه انتي امي عيل هذيلا منووووووه
موزة: ماادري عنج.. اقول بنات السموحة منكن ترى هذي بعدها ماغسلت عيونها من النوم
وتسحب فطامي .. لحد الحمام وتغسل ويها ..
موزة: فطامي شوفيج خبله انتي شوو ..والا تمشين وانتي نايمة... عنبو أي حد بالطريق تكلمينه تعرفينه والا لا شو بيقولون علينا الناس يلا غسلي عيونج من الرقاد وتعالي نتعشى .. ورانا طريق طويل..
قامت فطامي وتغسلت وتعشت وصلوا العشا ركبوا الباص رايحين المدينه ووصلوا قبل صلاة الفجر بربع ساعه..
نزلوا الفندق وتوضو بسرعه عشان يلحقون ع الصلاة..اما فطامي نزلت مع هيفا لانها تاخرت وهيه تتسبح اظني عجبها حمام الفندق.. قالت لهيفا هيه بتنزل بالدرج وهيفا تسبقها تنزل بالفت ..وفالطريق لقت فطامي صعايدة ومعاهم عجوز... وتبي تفتح علبة فاصوليا بس مش عارفة تستعمل الفتاحة..فطامي مسوية نفسها الدفاع المدني على طول سلمت وراحت فتحت علبة الفاصوليا حق العجوز .. وطلعت.. ولمن وصلت الاستقبال تبع الفندق ماشافت هيفا وانتبهت انها توها طالعه وطبعا فطامي.. ماتعرف شي فالمدينه ابدا بس حافظة مكة شارع شارع..طلعت تركض.. وماشافت هيفا التفتت يمين محد يسار محد شرق محد وغرب محد بسم الله وين هالبنت راحت..هنيه انهارت فطامي من الخوف وتقول كله مني خليتها بروحها اكيد حد خطفها.. وصرخت هيفااااااااء... وكان وراها واحد ريال متوسط العمر لبناني.. وتوه بيتكلم يبي يقولها انها اختها ورى السياراة بس اول مانطق فطاامي زاغت وصرخت وبروحة الريال زاغ..
بعد ماهدوا قالها اختك ورى السيارات باخر الشارع.. واول مالمحت فطامي هيفاء تشغل ريولها عالاخر وتدعس البترول طيران لحد ماوصلت هيفا
فطامي: يالدبه ليش تروحين عني خفت عليج
هيفا: لا والله تحبيني
فطامي: لا من قال..
هيفا: فطامي شوفي سيارات عليهن رقم الامارات
فطامي: خخخخخخخخ هيه والله ارتاح نفسيا يوم اشوف سيارة عليها رقم الامارات بالسعودية ههه
هيفا : اقول امشي امشي نلحق عالصلاة.. اخاف تصير صلاة الضحى مش الفجر..
فطامي: حشى انزين..
راحن وصلن الفجر فالمدينه..وطلعن يتمشن.. ورجعن الفندق قرابة الساعه ست.. فتحت هيفا الفت عشان يركبن..وفطامي معاها خلاص تابت تخليها ولمن فتحت الفت..كانوا فيه الصعايدة نفسهم... واحد منهم شيبة سلم على فطامي ..
الصعيدي: ازيك يابنتي انتي روحتي فين ..لو أعدتي تفطري معانا
فطامي: مشكور حجي بالعافيه عليكم يالله مع السلامة..
وهنيه هيفا فاتحة فمها شبر
هيفا: اقول فطامي مسرع ماتعرفتي وكونتي علاقات
فطامي تضحك بخبث: خيخيخي من قدي..يلا يلا روحي نامي بنزل تحت اخذ ريوق يوعااانه
هيفا: اقول انتي متى ماكنتي يوعانه..
فطامي: اوهو يلا عاد..
نزلت فطامي تحت وهيه ماخذه راحتها لانها بالسعودية ترتاح تحس بامان.. ومتعودة عليها..دخلت السوبر ماركت الي تحت الفندق واشترت دله وطلبته يمليها جاهي..وخذت سمون وجبن.. ولحد مايخلص مسوي الجاي قعدت فطامي تنتظر فالسوبرماركت وهو اساسا ضيق..
دخلوا رجاجيل سعودين المطعم يبون جاهي وفيهم لحية طويلة..وفطامي حضرتها قاعده وكاشفه وييها ..وهم شوي وبيصفعونها.. وقاعده تشوفهم وهيه خايفه وتقول في خاطرها اخاف هذيلا الهيئة وانا ماادري..احسن لي اخذ الجاهي والسمون واطلع الفندق انفذ بريشي قبل لا اروح ورى الشمس.. وفعلا طلعت فطامي وهيه تلتفت وراها من الخوف.. وخذت الريوق لاخوانها..تريقوا وريحوا عقب رجعوا الحرم عشان يزورون الروضة.. وقبور زوجات الرسول.. وبعد العصر.. ركبوا الباصات .. وتوكلوا على الله .. راجعين الامارات..
قضوا ساعات الطريق بين النوم والسوالف فطامي واخوانها وامها وجيرانها بدون لا تعطي اهتمام لخواتها..
وغير جذا لاجديد لحد ماوصوا الامارات فجر اليوم الثاني.. وكان الجو رهيب ينتظرهم والمطر كان توه موقف..

::::::::::: نهاية الجزء الحادي والثلاثين::::::::::::::

وصلوا الامارات وهم كلهم شوق لها ..وخصوصا لحمد ولد فهد.. اول بيبي يكون عندهم فالبيت..وبعد ماوصلوا البيت.. سلمو على فهد وزجته وزوجة ابوهم.. ريحوا ونامو ومرت الايام بعد ذلك طبيعيه..
خوات فطامي من ابوها قامن مايزورنهم البيت مسويات نفسهن زعلانات... وهالشي ريح فطامي واخوانها وايد..
اتصلت مريم تسلم على فطامي... ومحمد بعد اتصل عليها خصوصا انه فطامي قالت له بتاخذ عشرة ايام فالسعودية فحسب الايام ... واتصل بدون لا يدري انها رجعت..
وللاسف رجعت فطامي للانترنت .. لان الجامعه باقي لها بعد شهر ونص قبل لا تفتح.. وكانت تلاقى منصور عالمسنجر.. وطلب منها تقطع النت وماتعود تدخله واذا كانت تدخله عشانه فهو بيكلمها فالتلفون بين فترة وفترة..

وفي يوم من الأيام.. كان فهد طالع مع خالد رايحين العين مول وهنااك
خالد: فهد شوف شوف هالبنت يااااااااااريال قطعه..
فهد: خالد أي وحدة هذي دبه أي قطعه الله يخليك انت بعد قول شاحنه بصدق
خالد: لا ياغبي مب هذي الدبة الي عدالها.. اقول اقعد هنيه بروح اشبكها وراجع
فهد: ياريال المول مليان تحريات بتودينا في مصيبة..
خالد: ليش قالولك مبتدي فالمغازل اصبر انته ... اقعد مكانك لا تتحرك..
فهد: ان شالله بشوف حضرتك شو بتسوي..
راح خالد وتبع البنت واختها... ولمن دخلن دار العرايس للفساتين دخل خالد وراهن كتب الرقم في ورقة صغيره ورماها في كيس كانت البنت شايلتنه.. وابتسم الها وابتسمت له وطلع.. رجع عند فهد..
فهد: ها بشر زخيتها والا زختك
خالد:ههههههههههههههههههاي من قدي انا طيحتها ياريال
فهد بنشووف.. من الي طيح الثاني..
وفهاللحظة يرن تلفون خالد
لطيفة: مرحبا..انت صاحب الرقم
خالد: هيه ..
لطيفة: شكلك حليو
خالد: وانتي بعد
لطيفة: عموما انا الحين معاي اختي..ويوم بوصل البيت برد اكلمك
خالد..خذي راحتج فديتج مع السلامة
لطيفة: وداعة الله
فهد: شيت شيت شيت مسرع هالشي
خالد: عشان تعرف بس
فهد: اقول خالد مب جنك خليت هالسوالف شو ردك عليهن الحين
خالد: ولاشي فكرت اتزوج
فهد: والي يتزوج يقعد يغازل بدال لا ينصلح
خالد: شفيك اقولك ابا اتزوج ربك بعد يمكن القى بنت الحلال
فهد: بهالطريقة تلقى بنت الحلال انت اكيد ينيت بتاخذلك من بنات الشارع هذيلا الي ماروهن شغله غير الحواطة فالمولات
خالد: هيه عندك مانع ع الاقل هذيلا لمن يحبن يحبن صدق
فهد: هههههههههه هذا اذا حبنك اصلن..اذا تبى بطاقة او تلفون بتحبك.. والا غير بتلعن اليوم الي عرفتك فيه
خالد: خلني ياريال ممكن
فهد: براحتك...

بدت العلاقة بين خالد ولطيفة تكبر يوم عن يوم.. وكانت الصاعقة لمن قرر خالد يخطبها..هنيه فهد حس انه بينفجر شو هذا مجنون ياخذ وحدة بهالطريقة مثل ماخذت الرقم من عنده سهل تاخذه من غيره.. بس خالد عادي ولا همه.. فهد تعب وفالاخير استسلم وقال اكيد بيتزوجها بالسر مثل الاولى وبيطلقها..
لكن خالد هالمرة كان جاد وبيتزوج قدام الناس وكلم هله وفعلا راحوا وخطبوا لطيفة..حق خالد..
محمد قرر يسافر لندن... بيروح اسبوعين عند اخوه الي يدرس هناك.. اتصل بفطامي وسلم عليها..وكالعاده ماحرك فيها سفر محمد ساكن..
وبعد ماسكر عنها محمد اتصل عليها منصور...وقالها انه بعد بيسافر اليابان دورة تدريبية حق طلبة الجامعه.. زعلت فطامي وقعدت تصيح ماتريد منصور يسافر عشان مايخليها بروحها خصوصا انه بيقعد 40 يوم فاليابان وماراح تشوفه عالمسنجر.. ومراح تكلمة فالتلفون..
منصور: بلاااااااج بروح وبرد شفيج انتي مب قايللج ماتعتمدين على احد وماتوقفين حياتج على شخص
فطامي: انزين بس احس بوحدة ..ليش كل الناس عندها شي يشغلها وانا لا ليش؟ ليش؟
منصور: وبعدين شفيج انا لا حبيبج ولا شي ليش تصيحين ممكن اعرف
فطامي: ماعرف مااعرف شي احس احس بشي غير..
منصور: انا بسكر عنج عشان تهدين.. وبرتب اغراضي عشان طيارتي الساعه 11 بكلمج فالمطار..يلا مع السلامة
سكر منصور.. وفطامي الاحساس عندها متلخبط..تحس انها فيها عبرة وفيها شوق بس مش متاكده انهم تجاه منصور..وحاسة انها تبى محمد..احاسيسها متلخطبة.. مش عارفه شو تبى شو صاير..يمكن تحس انها تفتقد محمد.. بس تحول هالاحساس لمنصور صراع داخلي بينها وبين نفسها واحاسيسها..تتنمى تموت ولاتحس فيه..ويامااصعب عالانسان انه يوصل لمرحله مش قادر يميز عواطفة شو هيه وتجاه مين؟؟ انفجرت من البكي..وهي مش قادرة تركز في شي ومش عارفه هيه شو تريد ..وبينها وبين نفسها تقول معقول انا ابكي عشان منصور بيسافر مستحيل.. قعدت فطامي تصيح..ومادرت الا الساعه عشر ونص.. يووة باقي نص ساعه عن طيارة منصور بروح اتصل عليه اودعه..اتصلت فطامي على منصور هيه بعدها حاسة انها تفتقد شخص غالي ماتبى تودعه..حاسة بنفس الاحساس الي كانت تحسه لمن دخل محمد الدورة..تحس انه شي في قلبها يصحى ويموت..معقول هذا حب محمد لا حب محمد مات..انا اكيد افتقد منصور.. هيه اكيد محمد ماعاد يعني لي شي..
دقت لمنصور وهيه تبكي..
فطامي: منصور دخيييييييييييلك لا تخليني دخيلك منصور.. والله حرام لاتخلوني بروحي حرام...تعبت انا تعبت احسني ضايعه احسنا حزينه ارجوك لا لا يامنصور
ولكن..!! هذا مش منصور..
الشاعر: اختي منوو انتي؟! وهدي بلاج تصيحين
فطامي: هاه منو انا؟ انت منو هذا رقم منصور..
الشاعر: هيه هذا رقم منصور وانا ربيعه منصور طلع طيارته كانت الساعه عشر.. وانا توني طالع من المطار هو عطاني تلفونه لانه بطاقة مدفوعه مابيفتح فاليابان فعطاني اياه اسكره واخليه عندي..
فطامي: يعني منصوووووووور سافر ...لالا حرام والله حرام..
الشاعر:انتي منوو
فطامي: محد محد
صكت فطامي التلفون وهيه قاعده تبكي.. بدون لاتفكر شو صار ومنو كلمت..وهذا الي رد عليها شاعر معروف فالامارات.. وكان صديق منصور الروح بالروح ..اما منصور فتعمد يكذب على فطامي.. عشان ماتقعد تصيح ..ومايحب الوداع..
وفاليوم الثاني يرن تلفون فطامي والرقم غريب..
فطامي: الوو
الشاعر: مرحبا..
فطامي: هلا منو
الشاعر: انا ربيع منصور .. اسف اني اتصلت بس بغيت اطمن عليج خصوصا بعد الحاله الي كنتي عليها البارحة..ونفس الوقت بغيت اطمنج انه منصور وصل بالسلامة..
فطامي: انزين شكرا..مع السلامة
الشاعر: تصدقين اول مرة اشوف حب صادق في هالزمن
فطامي: اوهو قول داق عشان تسولف.. بعدين انا مااحب منصور
الشاعر: ماتحبين منصور وانتي قاعده تصحين جي بس لانه سافر
فطامي: كيفي خلني بحالي..
الشاعر: ان شالله..اختي.. بس اقول
فطامي: امر خلصني..
الشاعر: تحذري من منصور.. صحيح هو خوي عمري.. ولانه خوي عمري اعرفه زين انا نصحتج..وانتي بكيفج
فطامي: شو حضرتك تطعن من الظهر.. والا تبى تستغل فترة غيابه..
الشاعر: حشى والله.. انا نصحتج.. فمان الله
فطامي: مع السلامة..
سكرت فطامي عنه.. وهو بعد ماعاد اتصل مرة ثانية..قعدت فطامي تنتظر منصور.. محمد رجع من لندن ومنصور مارجع.. قعدت تنظره بدون لا تبالي بكلام ربيعه..او حتى ترجع تفكر فيه.. رجع منصور قبل بداية الكورس بيومين.. وكلم فطامي.. وسلم عليها.. وسكر..
وبدى التجهيز للجامعه.. وفي هالكورس كانت هيفا تداوم الجامعه مع فطامي.. ومثل ماسوت فطامي لمها وسلامة سوت ويا هيفا وماخلتها تحس بالوحدة ابدا..كانت فطامي تقضي وقتها بين الكلية والجامعه عشان هيفا وعشان تطمن عليها..
مريم ولدت ويابت ولد وسمته رشوود...
محمد..على حاله يتصل على فطامي بين فترة وفترة..
فهد مشغول بزوجته وعياله..
خالد مشغول مع خطيبته الجديدة..
فطامي وهيفا مشغولات بالدراسة.. والجامعه
وفي يوم من ايام رمضان بالليل..
اتصل فهد على فطامي..
فهد: مرحبا فطامي ..واعية والا نمتي
فطامي: لا واعية بغيت شي..
فهد: هيه ممكن تسويلي سحور لاني بصراحة مافطرت زين
فطامي: افا عليك من عيوني شو تبى..
فهد: سوي دياي وخبز وسلطة.. بس لاتسوين للدياي زيت اذا تقدرين حطية فالشواية فالفرن بس اخاف يتاخر
فطامي: لا افا عليك..

كانت الساعه وحدة بالليل راحت فطامي المطبخ.. وطلعت دياي وقعدت تسوي السلطة لحد مايذوب الثلج.. وفجاة تشم ريحة عطر.. على طول التفت صوب الدريشة.. محمد
فطامي: افففففففف انت شو تسوي هنيه تبى فهد يذبحني انته شو ماتفهم ماتوب ..
محمد: أحبج..والله العظيم احبج..
فطامي: انزين سمعت ..يلا روح عاد..
محمد: شو تسوين
فطامي: اسوى سحور حق فهد..
محمد: وحرمته ليش ماتسويله
فطامي: ياخي كيفة هو طلب مني ..
محمد: فطامي هاتي ايدج والله اشتقت اضمها..
فطامي: اوهو انت مابتروح..
محمد: بروح فديتج بس يايبلج هديه..
فطامي: ماطلبت منك..
محمد: الهدية ماتنرد خذي هالكيس..
مدت فطامي ايدها عشان تمسك الكيس ومسكها محمد بقوة وضم ايدها بقوة.. وقالها احبج.. ديري بالج على نفسج حبيبتي مع السلامة..وراح
خذت فطامي الكيس ودخلته بالدرج..
وطلعت الدياي وحطتهن فالفرن عشان تشويهن.. خلت الشواية بروحها تدور وفي هالوقت قعدت فطامي.. تفتح هدية محمد..
لقت قلم لونه ذهبي مكتوب عليه.. فطامي... وفالجانب الثاني مكتوب عليه " حبنا الله عليه ماتغيره الظروف"
ولقت غرشة عطر وبخور..وحصلت صحن حلوى وضحكت من الحلوى العمانية الي تحبها فطامي.. وبالاخير لقت كيس ثاني بروحة.. مدبس..
فتحته فطامي..ولقت فيه ثياب محمد غترة وكندورة وطاقية وفانيله ووزار.. استغربت شوفيه محمد مطرشلي ثيابه.. لا وريحته فيهن يعني كانه توه بس كان لابسنهن..
ولقت وسط الهاديا ظرف.. فتحته تقراه..

" حبيبتي فطامي..
احبج احبج..وايد ياعمري.. ابا اكون دايما قربج وحولج.. ماخليج مثل ظلج.. اتمنى تكون الهدية المتواضعه عجبتج.. وحتى الحلوى تعنيت ورحت مخصوص عشان اخذها لج لاني اعرف شقد انتي تحبينها.. اما العطر فهو نفس العطر الي اتعطر منه ورجالي بعد.. وثيابي طرشتهم لج بعد..عشان تحسين اني دوم قربج وكاني زوجج مافارقج ابد..
صدقيني بيي يوم وبنجتمع تحت سقف واحد.. عندي احساس انه قريب قريب واايد
احبج احبج احبج..
غصب طيب..
التوقيع :زوجج المخلص"

قرت فطامي الرساله وهيه تضحك على محمد شو زوجي المخلص لايكون تزوجنا وانا ماادري.. راحت ودخلت هدايا محمد في خزانتها..مع باقي الهدايا وياكثرها..
ورجعت تكمل سحور فهد..خلصت بوصول فهد..حطت له السحور ومن السرعه بندت الشواية من الغاز نفسه لاكنها مابندتها من الكهربه..وهنيه كانت الصاعقة!!!
فطامي..حطت السحور حق فهد.. وصلت قيام الليل وراحت تنام وراها جامعه.. وصحت الصبح عادي اغلبهم نايمين..لان دوامهم الساعه تسع ماعادا دوام الجامعه مايتيغر حتى في رمضان..
فطامي قامت من النوم وداومت عادي.. اما هيفا كانت سهرانه فما قدرت تقوم وكملت نوم..
الساعه تسع الصبح
فطامي فالجامعه
سلامة فالصالة تشوف التلفزيون..
موزة فالمطبخ..قاعده تغسل المطبخ وتنظف الفرن.. عادي مثل كل مرة..وجايبه طش فيه ماي وتمسك الشواية عشان تغسلها.. وبعد شوي..

سلامة تسمع صريخ امها موزة..وتقوم تركض باتجاه الصوت فالمطبخ.. ولمن وصلت المطبخ كانت الصاعقة..
موزة ممدة على الارض ماتتحرك ..وحتى انها غرقانه في دمها..الي شفطته الكهربا من ايدها..
سلامة تصرخ امي امي امي ردي علي دخيلج امي ردي علي..
موزة ماترد..
طلعت فطامي تركض فالفريج مثل المجنونه تصارخ لحقووووووووووني امي امي امي
الحريم بالحارة قاعدات يسولفن قدام بيت ام خالد.. ولمن شافن سلامة راحن يركض صوبها..

فطامي خلصت دوامها.. ورجعت البيت ولمن وصل الباص قدام بيتهم.. مستغربة..شو صاير ناس وسيارات شو السالفة بسم الله ..اللهم اجعله خير..
::::::::::::::: نهاية الجزء الثاني والثلاثون:::::::::::::::

سالم شاف فطامي وهيه نازلة من الباص..وراح صوبها.. وسالم بالعاده خدوده حمر..يعني شكله طبيعي كذا خدودة حمرا جدا وعيونه عسليه فاتح فلما تحمر يبان انه يصيح ..ركض باتجاه فطامي..
سالم: فطااااااااااامي.. فطامي.. امي ماتت وانتي انتي السبب انتي
فطامي: قوم عني انت شو تقول..
سالم: هيه انتي مابندتي فيشة الكهربه البارحة ومسكت امي.. اكرهج
فطامي دزت سالم بكل قوة ودخلت تركض البيت..تبى تشوف شو صاير.. ولقت امها نايمة على السرير وقامت تحضن امها امي امي ردي علي امي انتي بخير فديت روحج امي سامحيني اسفة والله اسفة امي دخيلج
موزة: هدي فديتج.. انا توني راجعه من المستشفى بخير.. ومش ذنبج فديتج.. انا ماشفت الكهربه ونسيت ابندها قبل لا اغسل الفرن ..
بعد مارتاحت فطامي نزلت كتبها من ايدها بس هذيج اللحظة حست بالدنيا من حولها كانت بعباتها وكتبها فايدها نزلتهم والتفتت عشان تشرب ماي.. ولقت شيخة ام محمد وراها كانت قاعده قرب موزة وفطامي من كثر ماهيه خايفة على امها حتى ماشافتها سلمت على شيخة بكل برود وطلعت تنتقم من سالم
فطامي: سالم يااااااااااااااااحماااااااااااار تعال وين بتروح عني اليوم بقتلك
قعدت فطامي تركض ورى سالم لحد مامسكته
فطامي: اقتلك الحين هاه قول شو تفاول على امي..تباني اموت من الخوف صدق يبالك قتل يالدب
سالم : احسن عشان توبين مرة ثانية ماتسوين جي
فطامي: بتينونوبي انتوا بموت منكم ..حشى شو اسوي فيكم.. انت من صوب واخوك من صوب وخواتكم من صوب
سالم: اقول فطامي
فطامي: قول شوعندك بقتلك لا تحاول تقردني....
سالم: شو رايج فخدودي وعيوني يصلحن حق التمثيل
فطامي: صدق انك تقهر... ياليتك كنت بنت وانا ولد..
سالم: ليش عشان خدودي حمر
فطامي: مالت عليك انته وخدودك..قم بس قم
سالم: عيوني بعد عسليه وكنت اضحك فطسان ضحك حتى دمعت من الضحك الصراحة شكلج كان شي...اقولج شي.... صادووة
فطامي: قسما بالله ياسالم ماتحل عني اليوم بتشوف شي ماشفته عنبو قلبي بيوقف من الخوف وانت تتكلم بهالبرود مالت عليك..يالجيكر..

مر ارمضان ومر بعده العيد.. كل شي عادي..
محمد راح عمان ماكان يبى يعيد فالفريج...
منصور راح السعودية يومين..يعيد هناك لان اغلب اهله مناك..(يماني الاصل)
وبعد اجازة العيد بدت امتحانات نهاية الكورس الاول.. لكن اغبى من خالد مافي..
كان زواج خالد ثاني ايام الامتحانات.. يعني ماقدر يصبر لحد مايخلص امتحانات.. خالد كان عنده امتحان الصبح وعرسة كان بالليل وبالمرة عزم الطلاب والاساتذة عالعرس.. وطلع رايح يصلي في مسجد الجامعه اول مرة يصلي فيه لانه كان متاخر.. وسبحان الله كم هيه الدنيا صغيرة..
فالمسجد.. خالد شاف واحد من ربعه فالفريج قاعد فالزاوية ومعاه واحد فراح عشان يسلم عليهم..
خالد: مرحبا عبدالله اشحالك
عبدالله : حمدالله بخير يالمعرس اشحالك
خالد: والله طيبة ..ماعرفتنا من هذا الي قربك
عبدالله: هذا ربيعي منصور اخذ معاه مساق ثقافة..
خالد: هلا منصور انا خالد من فريج عبدالله..
منصور: مرحبا..
خالد : يالله عيل انا بخليكم بسير اصلي وتراكم معزومين على عرسي الليه
منصور وعبدالله : ان شالله
راح خالد..
وقعد منصور يسال رفيجة عبدالله عن خالد.. لحد مااكتشف انه خالد هذا هو نفسة الي خبرته عنه فطامي..صدق دنيا صغيرة..
الليله عرس خالد..
وبالرغم من انها موزة كانت نسيبة ام خالد.. الا انها ماحضرت عرس خالد.. والسبب انها مرت عمها كانت متوفية فما قدرت تروح معاهم العرس واعتذرت منهم وبناتها طبعا ماراحن دام امهن مابتروح....
خلصت الامتحانات.. على خير وخلص معاهن الكورس الاول..
وبدت اجازة مابين الكورسين.. وهنيه اقترحت ام خالد على خالد.. انه يسوي حفله بسيطة يعزم فيها نسايبهم الي هم فهد وموزة وعيالها عشانهم ماحضروا العرس..
وفعلا قام خالد وسوى حفله وعزمهم.. ويوم الحفلة.. فطامي كانت نايمة.. لحد صلاة العشا.. الكل تجهز موزة والبنات بس محد فكر يصحي فطامي لانهم يدرون انها ما بتروح وهيه اساسا ماتدري عن الحفلة..
وفهد بعد ماكان يبي حد يروح خصوصا بعد صدمته انه خالد تزوج من هذيج البنت بكل وقاحة وزواج علني بعد..يعني يصوم يصوم ويفطر على بصله..!!
المهم جات ام خالد عشانها تدري ان سيارة فهد ماراح تكفي الكل فجات تاخذ حد من البنات معاها وسالت عن فطامي قالولها ان فطامي نايمة ..فراحت غرفتها
ام خالد: فطامي فاطي نشي بسج اذن العشا..
قامت فطامي من النوم وهيه خايفة بسم الله شو صار.. ليش ام خالد توعيني..
فطامي: مرحبا عمووه خير
ام خالد: وابوي عليج قومي..خالد مسوي عزيمة حقكم وانتي نايمة يلا قومي لبسي..
فطامي: ان شالله
طلعت ام خالد راحية بيتهم
روضة وسلامة وهيفا يطالعن فطامي وسألنها كلهن مرة وحدة : بتروحين
فطامي: وين
سلامة: حفلة خالد بعد وين
فطامي: أي حفلة
سلامة: اواهو مش نحن ماسرنا العرس عشان حرمة عم امي الحين هو مسوي حفله عشانا نحن بس ونحن قمنا لبسنا وجهزنا وماوعيناج على بالنا مابتروحين..لانج مااطيقين خالد
فطامي: هههههههههه ماتقولون مسوي الحفلة حقنا..خلاص بروح يلا بسير اكشخ ..وبالمرة نشوف ست الحسن الي تزوجها..
الكل مستغرب ومذهول معقول فطامي تتكلم جد معقول بتروح!.. .. وطبعا لانهم مخلصين ركبوا سيارة فهد وراحوا وفطامي بعدها فالحمام تسبح لا تجهزت ولاشي
ويات ام خالد تدق على فطامي وهيه فالحمام
فطامي: حوو شوهنااك
ام خالد: يلا خلصي
فطامي: ليش
ام خالد: شو بعد ليش كلهم راحوا خلصي اترايج بنروح انا وانتي ويا الدريول
فطامي: انزين صبر ربع ساعه وبخلص
ام خالد: يلا خلصي لبسي حلوة مايبالج شي
فطامي: ومن قالج اني بحط شي..يلا بلبس ويايه..
لبست فطامي وطلعت رايحة بتركب السيارة ويا ام خالد..خذهم الدريول بيوديهم بيت خالد..لان خالد بعد ماتزوج طلع في بيت بروحه مع اخوه راشد وحرمته شوق وبيتهم في منطقة ثانية تبعد 10 كيلو تقريبا..
وفالطريق..
ام خالد: تصدقين يافطامي..مااطيق اروح بيت عيالي
فطامي: خخخخخخخخ ليش؟
ام خالد: يوم بنوصل وبتشوفين حرمة خالد بتعرفين
فطامي: ليش شو فيها
ام خالد: وحدة شايفه عمرها كله تطالع فوق ومترصرصة.. عافانا الله شو هذي..
فطامي: خخخخ والله مادري عنكم انتوا من وين لاقطينها هههههههههههه
وصلن البيت ونزلن .. والقهر والغصة انها ست الحسن لطيفة اساسا مش موجودة...حضرتها في بيت اهلها..يعني اول مرة اسمع ان الضيوف يوصولون قبل اهل البيت نفسهم..!!
دخلن فطامي وخواتها وموزة وام خالد المجلس عادي وتقهون وحتى تعشوا ولا الست لطيفة ولاحتى خالد موجودين البيت محد فيه غير شوق..
فطامي: اقول لايكون معزومين بالغلط
موزة: فطامي سكتي لا اله الله منج بنت
ام خالد: خليها تعبر عن شهورها..
فطامي في خاطرها لايكون تتحراني ميته على ولدها
فطامي: اقول خاطري اضحك مايت حرمة خالد ابا اشوفها هههههههههههه
سلامة : ليش هيه تضحك..
فطامي: والله ماادري عموو ام خالد تقول..
ام خالد: وانتي محد يقولج شي
فطامي: خخخخخخخ هيه..
هنيه يات شوق ...
شوق: اقول عموو موزة تعالي انتي والبنات الصاله عشان تسلمن على لطيفة توها يايه من بيت اهلها
فطامي: عشتوا لا والله عشتواا...جي شو نحن يايين نشحت والا مش من مستوى المدام نحن ضيوف هي المفروض تجي تسلم علينا مب نحن نروحلها..لايكون ماخذين السفيرة عزيز وانا ماادري؟
موزة: انت مابتسكتين اليوم..
فطامي: حد قالكم تاخذوني وياكم..انا وحدة مااعرف اسكت..عموما يلا يلا قومو بنروح نشوف..شكيرا
موزة: من قشيرا هذي
فطامي: خخخخخخخخخخخخ صدقج يامي هيه قشرة قشرة قومو قوموا خلونا نروح نشوف..
طلعن البنات وموزة وام خالد..رايحات الصالة عشان يسلمن على لطيفة.. وكانت قاعدة ع الكرسي هيه واختها الدبه وامها..
واول وحدة دخلت فطامي.. سلمت .. وهيه تطالع من تحت لين فوق.. وخواتها وامها وراها ..سلمن وقعدن..وهدووء.. حطوا جاتوو وعصير يعني يحلوون بعد العشا.. وموزة مسكينه قاعده تعزم لطيفة وامها وخواتها.. عشان ياكلن وكأن موزة صاحبة البيت وهن الضيوف وطبعا فطامي ملسونه وماتقدر تمسك لسانها..
فطامي: امي هذولا ماياكلون حلوو دخيلج ..بدون حلوو ونش مايشيل ..كيف اذا كلو حلويات.. الحلوو حق الحلو والرشيق مثلي..
سلامة ترفس فطامي تبيها تسكت
والدبه اخت لطيفة بتنفجر..وفطامي بتنفجر..خلاص ماطايقتنهن فطامي.. مش لانهن خذن خالد لا لانهن ابدا ماعندهن ادب واحترام للضيف وشايفات نفسهن هذا غير اللبس .. الدبة لابسة تنورة مفتوحة لحد فوق الركبة بدون عباه ولاشي مش كانا فالامارات نحن بنات نستحي نشوف هالاشياء واليابسة لطيفة لابسه لبس مش قادرة تمشي منه وكل الي تحت اللبس يبان من كثر ماهو مرصوص وشفاف
قامت لطيفة بتطلع.. ومش قادرة تتحرك من كثر مالبسها راص
فطامي: تك تك تك هوى هوى يناااااااااااااااااااااااااااااااااااااااااااااااا اااااااس
سلامة: بلااااااااج
فطامي: ماشي بس كني سمعت حد يشتكي خخخخخخخ
موزة: بتسكتين والا شو
فطامي: شوو
هيفا : حو فطامي خلاص عاد..
فطامي: انزين
فطامي: اقول لطيفة
الدبة: انا مب لطيفة الي طلعت لطيفة
فطامي: ادري انزين ..بس لاني ماعرف اسمج.. قلت جي عشان تردين..تصدقين.. شوفي البنطلون الي لابستنه انا تصدقين.. يعرفون اني اماراتيه .. اشوف بنطلونج..
الدبه خلاص بتنفجر ..يعني فطامي ماتشوف انها فاتحة التنورة لحد فوق الركبة بالذمة كيف بتكون لابسة بنطلون..
قعدت فطامي تحش وتحش فيهن وتضحك وخلتهن مصخرة.. عند الي يسوى والي مايسوى ..وخلت الي مايشترى يتفرج.. لحد ماطلعن من الصالة.. خلصوا سهرة وطلعوا بيرحون البيت.. وهيه طالعه شافت خالد
فطامي: اقول خالد..تكرم على نسايبك اكسيهم وحليلهم ثيابهم مرقعه شوو بتستر والا شوو.. بعدين اقول ترى الضيوف الهم حشمة ومقدار والناس مب ياية تشتحت ومب ملزوم تعزم الناس وتقفي ابهم وترى قدرنا عالي وفوق وقدر حرمتك " المتجنسة" توها... عمره مايوازي قدرنا شبعانين من المرصرصات فالتلفزيون ولو نريد نترصر نقدر.. وعلم حرمتك ان الضيف ييلس مكانه وينحشم وينكرم مب يقولوله قوم سير سلم على اصحاب البيت في غرفهم.. لكن الحشمة مب للكلب الحشمة حق راعية..
خالد سكت عقب كلام فطامي ماقدر يرد.. اساسا مايعرف شو يقول..حرمته مخليتنه خاتم بايدها.. وبايد اختها ودني الصالون وودني بيت اهلي...و هو فالجامعه والشغل وهيه طول الاسابيع والاشهر في بيت اهلها ..وياخالد تغدى من المطعم وتعشى منه.. صدق دنيا..واشبع منها وفيها..

رجعت فطامي مع خواتها وامها للبيت وهم يضحكون من وعلى الي شافوه.. وام خالد معاهم مب كان الي يضحكون عليهم ولدها ومرته..لكن الحق حق..
فطامي بعدها تضحك من خاطرها قامت واتصلت على مريم وخبرتها السالفة وردت خبرت منصور.. وقضت اجازتها ..بين السهر والتلفزيون..والمباريات..
وفي يوم من الايام العصر اتصل عليها محمد
فطامي: الوووووووووووووووووووووووووووووو
محمد: حشى شوفيج شاربة كيماوي انتي؟
فطامي: هيه عشان تستوي عندي طاقة واشجع
محمد: هيه انا عشان جيه متصل ياسلام اليوم المباراة
فطامي: يوووووووووووووة من خبرك.. يالمنحوووس انته
محمد: بتخسرون
فطامي: جب انت مب عيناوي ..انت مزيف ولا حتى اماراتي اكرهك اكرهك
محمد: ههههههههه فديتج امزح
فطامي: صدق صدق محمد انا صح مااحبك بس دخيلك لا تشوف المباراة اليوم تدري بعد هذا كاس اسيا ومباراه نهاية واذا انت شفت المبارة عز الله خسرنا
محمد: مع اني ابا اشوفها بس ماابشوفها عشان يوم تخسرون ماتقولين انا السبب
فطامي: واذا فزنا
محمد: لج الي تبينه
فطامي: انزين..ابا حلوى من صلالة مب من أي مكان ثاني
محمد:تم
فطامي: ان شالله بنفوز ونشل كاس اسيا ومنهو الزعييييييييييييييييم
محمد: عيناوي
فطامي: ايه ياويلك لو شفت المباراة.. وبعد شوف تراني مااحبك لين اليوم بس انا جيه شوي مخترشة عشان المباراة يلا كش بايااااااااااااااااااااتون تون وبعد تون..
محمد: حمدالله والشكر..

مباراة العين كانت مع تيروساسانا في تايلاند في تصفيات ابطال اسيا.. المباراة قوية.. والعين عنده اصابة بس استعار فرهاد مجيدي من عند الوصل.. وهو كان صاحب الهدف الوحيد فالمبارة وفعلا فازت العين وانرفع علم الامارات عالي هناك في بانكوك..يااهوو فطامي قعدت تصيح من الفرحة وضمت سالم ورفعته فوق الدنيا ماشايلتنهم من الفرحة 2003 ياسلااااااااااااااااااااااام الزعيم العيناوي بطل اسيا صدق ذكريات حلوة..وان شالله تتكر السنة هذي..آمين
فوز العين بكاس اسيا خلى فطامي..تتعلق فيه اكثر واكثر وصار همها الاول والاخير الكورة نست النت ويوم النت.. ومرت الاجازة بين النوم والمباريات حتى بدى الكورس الثاني..
بدى الكورس الثاني وانتهى لاجديد فيه.. غير انها فطامي بدت تتاقلم عالكلية والبنات والاساتذه وبدت ترفع درجاتها ومعدلاتها..
هيفا كانت مثل خواتها مب مهتمه بالدراسة.. خصوصا انها يتها منحة من الديوان عشان تدرس طب في كندا.. وبالرغم من انها فطامي اقنعت ابوها يوافق ووافق .. الا ان موزة ماوافقت.. وحتى انها فطامي قررت تسافر مع هيفا المهم هيفا تكمل وتسوي الي عجزت فطامي تسوية ..حتى لو تخسر فطامي جامعتها..لكن موزة رفضت وخالتها بعد رفضت خصوصا انها تبي تزوج هيفا لولدها.. الي في نفس عمرها..
محمد.. كل مامرت الايام يزيد الامل عنده برجعت فطامي..وكان يحسب الايام ومواعيد مباريات العين بس عشان يتصل على فطامي يعاندها وفطامي بعدها تنتظر الحلوى الي لليوم ماجت..
منصور... غريب ..ومحد يعرف شو يخبي وحق شو يبى يوصل.. وفطامي تعزه وتعتبرة شخص مقرب وتصارحة بكل شي..
اما الشاعر ربيع منصور فكان يفكر دايما باليوم الي سمع فيه فطامي تبكي يوم سفر محمد..
سلامة ومها فالبيت لاجديد في حياتهم غير انها مها زعلانه لانها حامل على حمد وهو توه صغير..
اما يوم 1\6 من سنة 2003 فمر عادي..ولاحد ذكره لا فطامي ولا حتى محمد.. ولكن.. في يوم 5\6
طرشت فطامي مسج حق محمد
" اقول محمد..مب جنك نسيت 1\6 كل هذا تتهرب من الحلوى ..صدق شحفان القطوو"
محمد شاف المسج وكان بالقهوة يضحك.. ورجع واتصل
محمد: هلا هلا طمطومي
فطامي: طموطوم بعينك ياسيد جزرة ...
محمد: فديتج والله انج عسل وسوالفج عسل وتقولين ماتحبيني
فطامي: محمد دخيلك لا تيب طاري الحب والي يرحم والديك احب اضحك واسولف بس ارجوك لاتذكرني بالحب.. كل مااحس ان احاسي تجاهك ميت اضايق واحس بالذنب.. على شي انا ماسويته
محمد: خلاص
فطامي: لا تغير الموضوع والله والله خاطرى حلوى صلالة
محمد: طلبي شي ثاني حتى لو غالي.. الا الحلوى من بيروح صلالة يب حلوى
فطامي: يلاعاد
محمد: يوم بروح شهر ثمانية بيب
فطامي: خلاص ماريد..
محمد: يووه
فطامي: مب منك من الي يعطيك ويه لايكون صدقت اني رجعت لك والا احبك
محمد: لا ماصدقت احلامي من قدي ادري فيج قاسية وعمره قلبج ماراح يلين.. الله كريم
فطامي: زين عرفت.. بايات
محمد: وداعة الله

وبهذا يسدل الستار على السنة الثامنة من احداث جرح الأيام والعلاقة بين فطامي ومحمد مثل البحر ..احيانا هادي واحيانا هايج بين مد وجزر.. احيانا نحس بقرب الخلاص وان موعد اجتماعهم قد حان .. واحيانا نفقد الامل في رجعتهم..ياترى شو تخبي لهم الايام...!! (2003-2004)
:::::::::::::: نهاية الجزء الثالث والثلاثون::::::::::::::::::

***************************

انتهت الامتحانات.. وبدى الصيف..ياترى هل يحمل جديد..فطامي صارلها سنتين متغيرة.. متى ياترى ترجع طبيعيه... معقول محمد صبرة مانفذ للآن ..معقول يقدر يصبر اكثر..
الصيف ملل.. حاولت فطامي تسجل صيفي بالجامعه بس مافي فايدة..وبكذا قضت الاجازة فالبيت مع اخوانها واهلها..سهر للصبح ونوم لحد تالي الليل..صحيح فالبداية كانت تخاف ترجع للنت .. لكن روتانا سينما مش مقصرة بالافلام... فكانت تسهر يوميا مع سلامة وهيفا للصبح يلعبون ويطبخون.. ويشوفون التلفزيون..ويسقون الزرع الصبح..
منصور..بعده موجود في حياة فطامي... وكان لغز بالنسبة لفطامي مش قادرة تحله..شاب محافظ متدين..يعتمر كل اربع شهور ويصوم الست والايام البيض..وكل اثنين وخميس..وحتى لمن حد يمرض يقرى عليه..ويعلم فطامي ادعيه..وواشياء وايده..غريب هالانسان..كل هذا صوب..والبلاوي الي يسويها في صوب البلاوي الي فطامي ماتعرف عنها شي ولو صار و لمح لها احد عن خرابيط محمد ماتقدر تصدق..كيف تربط بين الي تعرفه وبين الي ينقال...سبحان الله ..ماينلامون الامريكان فينا..ًصرنا في زمن الكل يتستر بالإسلام والدين عشان يسوي الي يبية.. والناس بدل لا تسب الشخص نفسة يسبون الاسلام ..للاسف..!!
مريم ..يوم مرتاحة مع زوجها ويوم شقيانه.. كانت دايما تروح تزور فطامي ويا زوجها وولدهم ..وزوج مريم كان يتعبر فطامي مثل اخته..لدرجة انه خطبها لاعز اصحابه..بس كالعاده رفضت..وحتى انهم كانوا يرجعون فطامي البيت ايام الامتحانات ومش مقصرين معاها بشي ..

محمد..عايش حياته لاجديد فيها يذكر الدوام والقهوة.. وكل هالاشياء مغلفة بصورة فطامي الي ماتروح عن باله..وفي يوم من الايام اتصل عليها
محمد: فطامي هلا فديتح يااااااااااااه كم اشتقت لصوتج
فطامي: محمد بسالك انت لين متى بتظل على هالحاله
محمد: لين اموت او ترجعيلي..
فطامي: محمد انت ليش ماتتزوج وتعيش حياتك؟ هاه
محمد: فطامي ارجوج لا تقهرين ترى والله بسكر... اكره هالكلام ..مااحب حد يقولي تزوج شو قاللوج مااحبج انا؟ كيف تبيني اتزوج وقلبي وروحي وفكري وكل شي فيني ينبض باسمج بحبج.. للاسف هالسنين الي عشتها وياج ماكانت كفاية تعلمج شقد حبيتج
فطامي:محمد تزوج وبتنساني..صدقني
محمد: فطامي ارجوج ارحميني.. انتي بالذات ماباج تقوليلي هالكلام..احسج تقتلين كل امل باقي عندي برجعتج
فطامي: صدقني ..لمن تملى وحدة غيري حياتك بتنساني ..صدقني..
محمد: وانتي ليش مااتزوجين هاه
فطامي: انا انا اريد اكمل دراستي..
محمد: ومن متى كانت الدراسة توقف بوجه الزواج قبل كم سنة كنتي تبين تزوجيني وانت توج داخله الجامعه..الحين يوم بقت لج كم سنة ماتبين تتزوجين عشان الدراسة!
فطامي: اولا انا كنت بتزوجك انته يعني مب بس اضحي بالجامعه عشانك الا اضحي بروحي وعمري والعالم كله.. وثانيا وبصراحة انا خايفة الحب الي فيني لك يصحى في يوم من الايام..خايفة اكون امر بمرحلة مثل الي انته مريت فيها..مااقدر اتزوج ويجي يوم ويصحى حبك فيني واقوم ادورك يمي مالقاك
محمد: وانا عندي احساس انج بترجعين لي في يوم من الايام ولازم اكون موجود وانتظرج..ولو صار وتزوجت منو بتلاقين هاه
فطامي: محمد ارجوك افهمني مب ذنبك تقعد تنتظري العمر كله ..وش عرفك بعد انا قلت يمكن يرجع حبك يصحى ويمكن يموت للابد ماتدري..
محمد: ضحيت بكل الي فات من عمري عشانج..وعمري الباقي يهون..ماادري كم بعيش بس مهما كان العمر طويل والا قصير يفدااج
فطامي:ماباك تندم ولا تحسسني بالذنب في يوم من الايام
محمد: مستحيل..

سكرت فطامي عن محمد.. فكرت في الموضوع دقايق ونسته.. ورجعت لاخوانها تلعب معاهم بلي ستيشن2 وقضت معظم الاجازة على هالحال عالاقل احسن من قعدة النت... فهد كالعاده خذ زوجته وولده وطلع صلالة مع خالد ولطيفة..
وفي آخر شهر ثمانية قرر ناصر يروح عمره مرة ثانية... الكل تشجع..الا فطامي كانت كارهه تروح من بعد الي صار.. ولكن بما انه اخواتها ماراح يروحون قالت ليش لا نروح يمكن هالمرة نستانس وماشي يعكر مزاجنا... وفعلا راحوا العمره مع نفس الحملة..كانت هالمرة احلى..لان خواتها ماكانن معاهم بس هم وجيرانهم... اعتمروا وزاروا المدينه ورجعوا الامارات قبل لاتبدا الجامعه باسبوع... وفي هالاسبوع قعدوا يجهزون للمدارس.. والجامعات..بدت الجامعه على خير...هيفا انتلقت لنفس الكلية الي فيها فطامي.. وصارت معاها فالكلية ..
منصور كان هذا آخر كورس له وخلاص بيتخرج..

وفي رمضان أول يوم من ايام امتحانات نص السنة وتحديدا يوم 2\11\2004 يوم الثلاثاء.. خلصت فطامي اول امتحان لها واتصلت عليها امها تقولها انهم فالسوق اذا خلصت بيمرون عليها ..هيه وابوها والدريول( الجديد)..خبرتهم فطامي انها توها مخلصة الامتحان وتبي ترجع البيت تدرس لانه باجر عليها امتحان صعب وطويل..
مروا موزة وناصر والدريول على فطامي وخذوها معاهم البيت..وفالطريق.. نزلت موزة ويا ناصر عشان يشترون سمج من الجبرة... تاخروا كثير وبعد اكثر من ساعه..
ركبت موزة السيارة وهيه تبكي..
فطامي: امي امي بلااااااااج امي شفيج ابوي قالج شي
موزة ماترد قاعدة تبكي... وفطامي خايفة ..يااما ناصر سوى في موزة شي او انه اساسا صار له شي..وبعد دقايق دخل ناصر وجهه شاحب..
فطامي: ابوي شوفيك شو صار.. امي بلاكم قولوا شو صار
موزة: سعيد
فطامي منو سعيد بلاج امي شو صار
موزة: سعيد ابو ربيعتج شمسة توفى
فطامي: لاااااااااااااااا امي شو تقولين حرام سعيد ماغيره
موزة: هيه سعيد..كان راجع من العمره ويا عياله الصغار..ودعمو في ناقة بالليل الساعه وحدة البارحة ومات على طول..
فطامي: لاحول ولا قوة الا بالله حرااااااااام ياحليلج ياشمسة كان صدق مدلعنهم..
موزة: هذا حال الدنيا الزين مايتم..
فطامي: الله يعينهم والله صدق فراق الابو شي مب سهل.. وبعدين سعيد محبوب من الناس كلها..يالله الله يحبه خذه في اول يوم من العشر الاواخر.. الله يصبرهم..

وفي نفس اليوم بعد الفطور..دخلت فطامي تلبس عشان بتروح العزى.. الناس كلها فالمساجد تصلي التراويح.. الدنيا هادية ومافيها غير صوت المطوع يقرى ويصلي بالناس التراويح..وفجأة
دخلت نورة غرفت فطامي..وهي مذهوله..
نورة: فطامي...صار شي.. شي كبير يافطامي..
فطامي: بسم الله شو هاليوم النحس بعد شو صار
نورة: مااقدر مااقدر اقولج يافطامي..
فطامي: نورة شوفيج رمسي.. رمسي زيغتيني شو صار..
نورة: طلعي من الغرفة.. بتعرفين بروحج..
طلعت فطامي من غرفتها.. وكان البيت فاضي.. روضة وسلامة وحتى موزة كله وحدة قاعده تتسبح عشان يروحون العزى..
سالم وفهد وناصر فالمسجد يصلون التراويح
وفجاة !!
فطامي: لاااااااااااااااا ماابي لالا حرام لاااااااااااااااااااااااااااااااااااااااااااااا ياربي لااااااااااااا دخيلك يارب يارب لا ارجوك يارب لالا ماابي اصدق مب صدق لا ياربي دخيلك
اتوسلك ياربي..لا ياربي والله والله حراااااااااااااام آآآآآآآآآه يارب بموت بموت وياليت اموت.. ياربي لالا يجذوب هالناس كلها كلها تجذب لاااااااااااااااااااااااااااء ماابى والله بموت قلبي قلبي يتقطع مااقدر ابكي دخليكم قولوا قولوا ان الخبر جذب آآآآه..آآآآآآه بموت بموت مش قادرة أصدق لااااااااااااااء
طلعت فطامي بالجلابية الي عليها وشعرها الي مالحقت تمشطة مفتوح وبدون شيله تركض فالشارع وهيه تصرخ مثل المجنونه وتضرب في راسها فالارض
لاااااااااااااااااا يارب لاااااااااااا ارجوك ارجوك ياااااااااااارب.. لاااااااااااء
وتلقى على راسها صالح ولد اختها غرقان في دموعه وهو قاعد يركض فالشارع مثل المجنون..
روضة وسلامه وموزة لمن سمعن صريخ فطامي مااقدرن يظهرن من الحمام مايبن يعرفن شو صاير..
الناس صلت التراويح.. وطلعت من المسجد مثل المذهوله تشوف شو سر هالصراااااخ الكل قاعد يصرخ الكل صار مجنون... اطفال حريم... ورياييل... الي يصرخ والى اغمى عليه..والي يبى الدنيا تنشق وتبلعه ولايكون الخبر صحيح..
صالح صارت له حاله هستيريه ودوه المستشفى وعطووة مهدي وفطامي راسها صار من الدم أحمر.. روضة رمت نفسها على السرير وهيه غرقانه في دموعها..
سلامة مخنوقة مش قادرة تبكي من هول الصدمة..
فهد قاعد يأن كانه طفل... وسالم يتقلب ع الارض ويرفس بريوله مثل الملبوس ..مش قادر يشيل نفسة..ناصر متكي عالجدار وقاعد يبكي.. خليل جارهم..صارله شلل نصفي من الصدمة.. الهنود في محطات البترول دموعهم تغسل بلاااااد... الكل حزين حتى الارض..والشجر..الدنيا موحشة والخبر سيء والكل يبى يصحى من هالكابوس صدق فضيع..
وقفنا بظل مسى فجأة وفجأة كل شي مهموم... ومن وقع الخبر صارت تنكس نفسها الأعلام..رحل زايد رحل والليل يتساءل بعد هاليوم صباحج كيف يابلادٍ شعبها كلهم ايتام..رحل وانجازة الاكبر بلادٍ مابها مظلوم.. حكمها الفارس القائد ومات الفارس المقدام...سمعتك يالخبر وأمري مابين مصدق وموهوم ..وامشي خطوة مصدق وخطوة تشبه الاوهام..ويسري شي في دمي كاني بالحزن مسموم..واشوف الناس من حولي وجوة تشبه الآلام اشوف رجال ماكبرها بكت كانها طفل محروم.. وانا يادوبي مصدق واقول الله يالايام..خذيتي زايد وكانك خذيتي من مسانا النوم.. ولكن حكمتك ربي وحكمك سيد الاحكام...
آآه لو الموت وقف بس لحظة وسألنا.. وش رايكم عن زايد انتو تموتون...ان كان متنا عنه نحنا واهلنا وان كان عن زايد تعوض بمليون.. ليته قبل زايد تخير اجلنا.. ان كان قلنا له لأجل زايد يهون..ياربنا ماغيرك انته سألنا.. نسألك تجعل جنتك لاجله تكون..لا الدمع صبرنا ولا هو غسلنا..نحتاج لو نبكيه لعيون لعيون..من هو الذي من حزننا ينتشلنا ..واللي نحبه بالثرى صار مدفون..ياربنا ياللي عليك اتكلنا..والي لأمرك يشهد الكاف والنون..عن شيخنا المرحوم راضين كلنا نسالك ترضى عنه ياخالق الكون..

كانت ليله 2\11 ليله حزينه في قلب كل اماراتي وعمرها ماراح تنسى من قلبه اولاتنمحي لو بعد مليار سنة..ويظل فالقلب زايد حي مامات.. الى الأبد بيعيش قائد..ذكراه في قلب الامارات.. تنبض وتهتف بأسم زايد..

::::::::: نهاية الجزء الرابع والثلاثون:::::::

الدنيا انكست بثوب الحداد ..وكل شي تعطل معلن الحداد.. وبعد 40 يوم حداد منهم ثلاث اسابيع اجازة بما فيها اجازة العيد..رجعت الحياة طبيعيه.. واستكملت الامتحانات..وبعدها رجعت الاجازة مرة ثانية..ولكنها اجازة نهاية الكورس الاول.. وكانت جدا قصيرة...لان انحذف منها الايام الي كانت فالحداد..وبكذا بدى الكورس الثاني بسرعه..يادوب بس الواحد خذ نفسة..
فطامي رجعت للكلية..وبدت تدرس التخصص..وتعرفت على اربع بنات وصارن من صديقاتها المقربات لكن عمرهن ماكانن مثل مريم ...كانن زميلات دراسة فقط( آمنه وخديجة وحمدة وسلوى ) آمنه وخديجة كانن من العين في حين حمدة وسلوى كانن بنات سكن يعني من رأس الخيمة..
كانن مش مقصرات بحق فطامي يساعدنها بالدراسة وتساعدهن..
منصور تخرج.. وسافر بريطانيا ياخذ دورة هناك..ومازال على اتصال مع فطامي..
مها ولدت ويابت ولد وسمته حامد.. في حين سلامة مازالت في البيت
هيفا مع فطامي في نفس الكلية بس بعدها ماتخصصت..
ناصر وزوجاته على حالهم لاجديد..
وفي يوم من الايام تاخرت فطامي فالكلية عشان تحضر ندوة ورجعت البيت متاخره.. وفالبيت
نورة: فطاااااااااااامي مبروووك
فطامي: مبرووك على شوو
نورة: روحي سالي امج..
فطامي: يلا قولي شووو
نورة: اخاف اقول امي تهاوشني روحي ساليها انتي..
طلعت فطامي وهيه حتى بعدها مابدلت ودخلت غرفة سالم وكانت هناك امها ..سلمت عليها..
فطامي: امي بلاااااااها نورة تقولي مبروك مبروك على شوو
موزة: ماعليج منها تخربط شدراني عنها
سالم: شدرااااااااااج عنها امي عن الحركات..
موزة: اوهوو خلاص بقول.. شوفي يابنتي.. اليوم جانا ريال عند ابووج.. ياخذ موعد حق ناس بيون يخطبون
فطامي: وعلى أي اساس يخطبون ومن هم وليش هو اجيبهم النا ماعنده بنات يزوجهن
موزة: يابنتي صبري خليني اكمل السالفة ..شوفي هذا جارنا الي يشتغل ويا الشيخ الفلاني.. ولمن كان في مجلسة طلب منه واحد من الرياييل الكباريه انه يدور حق عياله بنات بدوو خصوصا انهم توهم متخرجين وراجعين من بريطانيا واحد طيار والثاني مهندس.. وهم مايبون من البنات الحضرية الي دوم فالسوق وهالخرابيط يبون بدويات وفي نفس الوقت جامعيات وهم ناس معروفين وسمعتهم معروفة..
فطامي: اها اها زين والله يباله الواحد يفكر فالموضوع بس توج تقولين هم اثنين
موزة: هيه وانتن ثلاث سلامة وانتي وهيفا والي بيها نصيبها ..انا ماراح ارده
سالم: وافقي يافطامي..هذي فرصة العمر
فطامي: بسم الله ماقلت شي خلهم ايون وبعدين يصير خير..

بعد هذي السالفه انقلبت فطامي فوق حدر ..وهيه قاعده تفكر حتى قامت ماتحضر محاضرات.. وراحت الكافتيريا ولقت ربايعها هناك وفالكافتيريا
آمنة: بلاج فطامي ..عسى ماشر ويهج شاحب
فطامي: مااشي افكر اوافق والا لأ
حمدة: انخطبتيييييييييي مبروووووووووووووك
فطامي: حو شوي شوي .. ماصار شي
آمنه: تصدقين انا البارحة خطبني ولد خالتي ..يعني احم احم نحب بعض ومن نحنا صغار..وان شالله قريب الملجة.. يلا وافقي..
خديجة: انا بعد ملجت قبل شهرين والعرس فالصيف..
حمدة: ها فطامي ياويلج اذا عرستي وخليتيني بروحي ...دخيلج
سلوى: يابخته الي بياخذ فطامي..لو انا ريال والله ماراح انتظر لحد مااهلها يوافقون بخطفها
فطامي: هههههههههه ويا ويهج..لا لا انا ماانقع خيانه.. مابعرس بتريا حمدة وسلوى..
آمنه: انت غبية شو بتندمين تراج
فطامي: خليهم ايون وبنشوف السالفة..

راحت فطامي من الكلية مبكر... وصلت البيت حاولت تنام مافي فايدة ..وبطلوع الروح نامت.. وصحت على صوت امها توعيها.. تطلع حق الحريم عشانهم وصلوا ويبون يشفونها هيه وخواتها..
فطامي توها قايمة من النوم ومش مترتبة ولاشي..
اما سلامة وهيفا فكانن قبلها فالمجلس مع الحريم.. قاعدات يسولفن..تغسلت فطامي وصلت ولبست وطلعت بدون لا تترتب او تحط شي..ولمن دخلت سلمت..وكانن الحريم مندمجات فالكلام ويا هيفا وسلامة.. قعدت فطامي قربهن وبعد دقايق دخلن رقية وليلى..فطامي مدت البوز شبر.. قعدوا يسولفون والحريم مستانسات عليهم ولوبودهم ياخذون الثلاث... بعد ساعه تقريبا استاذنن بيروحن وقالن انهم بيردون عليهم قريب..
بعد ماطلعن الحريم..قعدن رقية وليلى يتنغزن.. بالكلام
رقية: اقول ليلى مب جنهم خدام (عبيد)
ليلى:هيه
فطامي: اقول مب جنها امهم بيضا وايد
رقية: اقول ليلى اظني ابوهم خادم عبد اسود وامهم مادري شو اصلها..
فطامي: اقول سلامة مب جنه زمن العبودية انتهى..وجنها الحرمة لابسة برقع اماراتي..ومب جنه الرسول قال مافي فرق بين عربي واعجمي الا بالتقوى..
هنيه خذت فطامي خواتها وطلعت..وخلت المجلس حق رقية وليلى ..

الناس ردوا على ناصر انهم بيزورونهم بعد ثلاث ايام..عشان الشباب يشوفون البنات النظرة الشرعيه قبل الخطبة..فطامي وهيفا كانن يفكرن بالموضوع بجدية..في حين سلامة ماكانت موافقة تاخذ احد برى الفريج..
ولمن درن ليلى ورقية ان الناس بيرجعون ..راحن لابوهن
رقية: ابوي نحن عيال اصل انت ترضى تزوج خدام ها ابوي ويضيع الاصل
ليلى : ابوي شكل مب مواطنه.. اكيد لسانها طويل..
رقية: ابوي نحن ماعندنا هوش حق البيع شو بعد هذا يشوفون البنات قبل الخطوبة اساسا نحن مش موافقين..و
ظلن يزنن على راس ناصر بكلام ماله اساس من الصحة الحرمة مش مصرية وهم مش خدام..بس الغيرة تذبح ماكانن يريدن بنات موزة يتزوجن من ناس احسن من الي تزوجنهن هن وبناتهن بالرغم من انهن لما تزوجن ولما زوجن بناتهن شافن الخطاب وبالرغم من ان الرسول نفسه والشرع حلل هالنظرة..
رجع ناصر للرجال الي جاب الناس.. بدون لا يسال بناته او حتى موزة..وبكل برود قال للرجال الي جايب الناس روح قول حق العرب الي معاك نحن ماعندنا هوش للبيع..

لمن درت موزة انقهرت.. فطامي خلاص بتنفجر..يعني صح يمكن ماتوافق بس على أي اساس هذولا يتدخلن..وعلى أي اساس يحكمن على الناس..والناس مساكين شارينهم ظلوا ثلاث شهور يراكضون..عشان ناصر يوافق..بس مافي فايدة...
رجع كل شي مثل ماكان عادي..
اما صديقات فطامي آمنه وخديجة كانن يجهزن حق عرسهن لانه بيكون بعد الامتحانات على طول..في حين حمدة تقول دايما حق فطامي لا تتزوجين وتخليني بروحي.. وفطامي تضحك وتقولها ولا يهمج..

بدت ايام الامتحان تاريخ 4\6 يعني يوم 1\6 مر عادي بدون لا احد يذكرة لامحمد ولا فطامي ..خصوصا انه محمد مقهور من سالفة الخطبة الي مااكتملت واساسا فطامي ليش تفكر في الموضوع ..محمد مايتخيل انها فطامي تكون لغيرة لو على موته...
وفي ثاني يوم فالامتحانات..فطامي ماعليها امتحان.. كانن امتحاناتها كل يومين.. وكانت نايمة..
وفجاة حد يدق باب الغرفة بقوو
فطااااااااامي قومي قومي..
فطامي: بسم الله شو صاااااااااااااااار ماعلي دوام خلوني انام..
فطاااااامي قومي قومي اهلج سوو حادث..
فطامي: شووووووووو خيبة..
تركض فطامي وتفتح الباب كانت زوجة ابوها الي قاعده تدق الباب
فطامي: خير شو صار
حسنه: ماعرف شي بس الدريول دق علي وقالي انهم دعموو ابووج بالشارع والحين هو فالمستشفى قومي وياي خلينا نروح الهم
فطامي: منو بيودينا..
حسنه: انا خليت صالح اينا ولد اختج الحين بيمر يودينا المستشفى..
فطامي تتصل على امها مغلق تبى تعرف كيف صار الحادث.. وشو حالة ابوها..
مر عليهم صالح ووداهم المستشفى..وفطامي طول الطريق تصيح..خايفة على اهلها الي ماتعرف شي عنهم..
واول مادخلت قسم الحوادث... تشوف رجاجيل وايد وشرطة .. وعالم ..وهيه خايفة دخلت مبينهم ..بدون لا تفكر في احد.. لقت امها قاعده ع الكرسي..وابوها فالاشعه.. ركضت صوب امها وضمتها وقعدت تبكي..
فطامي: امي امي شو صار امي ابوي بخير هاه قولي امي بلااااااااااه ابوي شو صار
موزة: هدي يابنتي .. مااعرف انتظر مثلج نتيجة الاشعه..
فطامي: كيف كيف صار الحادث قولي امي دخيلج
موزة: كنا راحين مع الدريول السوق ناخذ اغراض للبيت.. وقال ناصر انه بيتخطى الشارع عشان يروح ياخذ سمج .. وكنا ننتظره انا والدريول فالسيارة وهو مر من الشارع عادي والمكان مكان عبور المشاه.. وفجاة تطلع استيشن سودا .. وكانه مايشوف احد قدامه وتضرب في ابوج وينقز للجانب الثاني من الشارع
فطامي: شوووووووووووووو دعمه وهو يمشي ياويلي ياااااااااااااااابوي وين يقدر يتحمل سيارة حسبي الله ونعم الوكيل حسبي الله عليه مايشوف مايشوف يعله العمى ..
موزة: هدي يابنتي وبدال لا تدعين على الريال ادعي الله يقوم ابوج بالسلامة..
قعدت فطامي قرب امها... وجا صالح وقعد قرب فطامي..
صالح: خالتي فطامي..
فطامي: هلا
صالح: هدي ان شالله جدي بيكون بخير لا تخافين
فطامي: ان شالله
صالح: يااااه يالدنيا الحين عمري 20 سنة وعندي خاله طيبة مثلج ومااعرفها ولا اقعد معاها الا فهالظروف..
فطامي: الله كريم..
طلع ناصر من الاشعة.. وبينت الاشعه انه فيه كسر في رسغ الايد وفالكتف.. ورضوض وجروح في باقي جسمة والحمدالله ماصار شي على راسة او صدره.. سوله عمليتين.. وطبعا قضى الصيف فالمستشفى.. وموزة عنده..
فطامي..كانت متبهدله بين البيت والامتحانات والمستشفى..خصوصا ان البيت محد فيه امها وابوها فالمستشفى..وحتى سلامه معاهم .. والوقت مايساعد والامتحانات ماترحم...
محمد..اتصل بفطامي بعد ماعرف عن الحادث وكان مايخليها..ويحاول يوقف معاها قد مايقدر..
فهد مشغول بزوجته وعياله ولاداري عن احد...
صالح بدى يتقرب من خالته فطامي.. ويقضي اغلب وقته معاها ..ويوصلها المستشفى والكلية..
منصور.. كان يتصل بين فترة وفترة ويسال اساله غريبة ويصك التلفون ..ويختفي ويرجع..
مريم ماكانت مقصرة كانت تزور اهل فطامي فالمستشفى وتساعد فطامي بالي تقدر عليه..
وهكذا كانت السنة التاسعه وماقبل الاخيرة من جرح الأيـــام..دون ان تحمل ملامج لوجة السنة الاخيرة منه.. ياترى الي أين المصير ...(2004-2005)
:::::::::::::نهاية الجزء الخامس والثلاثون :::::::

ناصر بعده فالمستشفى... خلص اسبوع الامتحانات لفطامي.. الاساتذة كانوا يعرفون ظروفها ..وساعدوها بالي يقدرون عليه..الامتحانات خلصت يوم الخميس.. وكان المفروض فطامي تداوم السبت الي بعده على طول عشانها سجلت صيفي ..عشان تقدر تتخرج وماتتاخر..
ويوم الاربعاء اخر ايام الامتحانات ... اتصلت فطامي على محمد
فطامي: مرحبا محمد..
محمد: هلا روحي فديت روحج عاش من سمع صوتج..
فطامي: عاش غاليك...
محمد: ها بشريني شو اخبار ابوج..
فطامي: والله شو اقولك يامحمد حمدالله ع كل حال.. سووله عمليه وباقي عمليه ثانية..امي معاه فالمستشفى.. واخواني بروحهم فالبيت ..وعمال يشتغلون في قسم فهد وزوجته .. الي راحوا بيت ابو فهد لحد ماتخلص صيانت قسمهم.. وزوجة ابوي تعبانه تبي رعايه... وعندي دوام السبت الجاي.. واخاف اترك خواتي بروحهن فالبيت وفيه عمال.. احس راسي بينفجر.. مش قادرة استوعب شو اسوي وشو اخلي.. وفوق هذا المزرعه والعمال وكل شي على راسي ..تعبااااااااانه بموت...
محمد: بسم الله عليج ياروحي..قولي شو تبين اساعدج فيه وانا مستعد
فطامي: محمد انا خلاص قررت اخذ الليسن
محمد: والله و اخيرا مبروووووووووووووووك
فطامي: مبروك على شوو.. قولي شو اسوي من وين ابدى..
محمد: اول شي تروحين المرور وتفتحين ملف تاخذين جوازج وخلاصة القيد وصورتين وشهادة الميلاد وموافقة ابوج.. عقب بيفتحون ملف وبيعطونج موعد.. وانا بدخلج مدرسة سواقة وبختارلج احسن مدربة
فطامي: مشكور ماتقصر..بس كيف ايب موافقة ابوي وهو فالمستشفى..
محمد: والله ماعرف شوفي حد ثاني..
فطامي: منو احد ثاني سالم صغير.. وفهد اخوي من الام ماتنقبل موافقته..
محمد: كلمي الضابط وان شالله بيفهم ظروفج..
فطامي: ان شالله مع السلامة..

ليلة السبت قعدت فطامي مواصله للصبح لان اخوانها كانوا سهرانين وماتقدر تنام وتخليهم.. وبعد صلاة الفجر قامت وسوت فطور لاهلها لانهم مايحبون اكل المستشفى.. خذت الفطور ولبست وخذت اوراقها.. وطلعت مع الدريول... مرت المستشفى وسلمت على اهلها.. وحطت الهم الفطور.. وطلعت رايحة الكلية عشان الصيفي ..خلصت من الكلية .. ورجعت للمستشفى .. وهناك لقت نايف ولد اخوها.. وطلبت منه يوديها المرور.. وفعلا راحوا
وصلوا المرور ونزل نايف مع فطامي.. ولمن وصلوا داخل.. قالها ادخلي القسم المخصص للنساء وشوفي شو المطلوب..
دخلت فطامي وسلمت... الشرطية شافت اوراقها..وقالت انه الاوراق كامله بس باقي موافقة ولي الامر..
قالت الها فطامي انه ابوها فالمستشفى.. ومايقدر يجي..بس عندها ولد اخوها وعمره 21.. قالت الشرطية انها ماتقدر تسوي شي.. ولازم فطامي تدخل تكلم الضابط يمكن يوافق..
طلعت فطامي وخبرت نايف.. بالموضوع وقرروا يدخلون يكلمون الضابط
نايف: السلام عليكم
الضابط: هلا اخوي تفضل شو بغيت..
نايف: عمتي تبى تقدم ليسن وجدي فالمستشفى مسوي حادث وماطاعوا يوقعون ع الموافقة..
الضابط: طيب ماحد يقدر ينوب عنه يعني احد من اخوانها..
نايف: اخوها صغير..وماتنقبل موافقته
الضابط: انت توك تقول ولد اخوها ابوك وين؟!
نايف: متوفي..
الضابط: اسف بس مااقدر عالاقل امها لازم تجي.. وغير مااقدر اوقع الها اسمحولي..
طلعت فطامي.. وهيه تبكي ياربي شو هالحاله شو هالنحاسة ..دايما دايما انا وحيدة وبروحي..يالله لي الله الي ماينساني..
وصلت البيت ..وكلمت محمد وخبرته السالفة.. وبعد ماتغدت هيه واخوانها ناموا عشان يروحون المستشفى العصر عند اهلهم..
وثاني يوم كالعاده كانت فطامي مواصلة سوت ريوق وراحت المستشفى وعقب الكلية وبعدين رجعت المستشفى خذت امها وراحت المرور ودخلت على الضابط..وبطلوع الروح وافق وفتحت ملف وامتحنت على طول امتحان الاشارات ونجحت... رجعت المستشفى مع امها ومن المستشفى طلعت رايحة البيت وفالطريق كلمت محمد.. وطبعا ويا الدريول كان صعب تتكلم ..لو انه مايفهم
فطامي: الووووووووووووووووووووووووو او او اوو
محمد: ما شالله المعنوية مرتفعه مب مثل البارحة
فطامي: هيه من قدي فتحت ملف وامتحنت اشارات ونجحت.. وموعدي اول ثمانية يعني قدامي شهر
محمد: زين زين والله خلاص شوفي انا ان شالله العصر اول مااقوم من النوم بروح ادورلج مدرسة سواقة زينه وبعطيها رقمج وبخبرها مكان الكلية وانتي تخلصين محاضرة الساعه عشر بتمر عليج وتدربي ساعه لحد الساعه 11 وبعدين روحي المستشفى ..واذا تبين انا بدفع الها
فطامي: لا مشكور انت بس عطيها رقمي وخل الباقي علي.. ومشكور محمد نخدمك في عرسك ان شالله
محمد: يعني لازم تعكرين مزاجي..قتلج مابتزوج غيرج
فطامي: يصير خير انا وصلت البيت يلا مع السلامة..

الصيفي كان مدته شهر ونص ومر هالشهر والنص على هذي الحاله تواصل فطامي طول الليل مع اخوانها وبعد صلاة الفجر تسوي فطور لاهلها وتطلع مع الدريول تروح المستشفى تقعد معاهم وتفطر والساعه ثمان تروح الكلية..تخلص محاضرة..وتطلع تدرب حصة سواقة..وبعدين تمر المستشفى.. وبعده تمر السوق تاخذ اغراض للبيت وترجع تتغدى مع اخوانها وتنام وترجع العصر المستشفى وعلى هالموال ظلت..
وقبل امتحان الصيفي بيومين..
حمدة: فطاامي معقووول انتي مسجله صيفي ومااشوفج فالكلية
فطامي: يابنتي انا مااقعد وانتوا تيون الكلية الساعه عشر وربع وانا من الساعه عشر الا ربع اطلع..يعني مافي فرصة نشوف بعض..
حمدة: سبحان الله .. والله اشتقت لج فديتج
فطامي: وانا اكثر
حمدة: اقول فطامي شو اخبار ابوج
فطامي: حمدالله الحين بطلع بروح المستشفى عشان بيطلع اليوم ان شالله..
حمدة: والله زين بترتاحين..حمد الله على سلامته
فطامي: الله يسلمج...حمدالله الله رحمني عشان اقدر ادرس حق امتحان النهائي تصدقين خاطري اخذ درجة عاليه عشان ارفع درجاتي لاني حمدالله في امتحان المنتصف خذت درجة كامله وخاطري اخذ امتياز وحمدالله ابوي بيظهر وباقي يومين عالامتحان .. ان شالله بدرس عدل فيهن
حمدة: ان شالله يافطامي ..الكلية صعبة.. والبنات شطار..لازم تشدين حيلج..عشان يرتفع معدلج..
فطامي: ان شالله ..يلا برايج عيل المدربة تنتظري
حمدة: أي مدربة
فطامي: ههههههه جي مادريتي قدمت عشان الليسن
حمدة: مبرووك والله طلعتي اشطر عنا
فطامي: هيه ماعليه يصير خير يلا مع السلامة
حمدة: وداعة الله..

طلعت فطامي راحت مع المدربة.. وبعدها راحت المستشفى وطلعوا ابوها ومروا السوق ..ومنه البيت..وكانت فطامي مستانسة اخيرا بترتاح لانه ابوها وامها بيكونون فالبيت وبيخف عليها الحمل وبتقدر تدرس لان النهائي باقي عليه يومين.. وفي هاليومين مافي دوام عشان يدرسون.. اليوم الاول ماقدرت تدرس عشان الناس رايحين راجعين.. وفاليوم الثاني.. العصر كانت توها بتدرس ياها سالم
سالم: فطاااااااامي ..
فطامي: خير سالم بلاااااااك
سالم: مااعرف احس بالم في بطني..
فطامي: انزين اسويلك زعتر..
سالم: شربت مافي فايدة..
فطامي: انزين يعني كيف يعورك يمكن تسمم
سالم: مااظني.. اقولج بحاول انام
فطامي: اشرب روب وروح ارقد وان شالله تصير احسن..
راح سالم ينام.. لكن بعد ساعات رجع صحى ...وراح حق فطامي
سالم: فطامي لحقيني بمووووووت والله بموت من الالم مش قادر
فطامي: بسم الله عليك شو فيك ..
سالم: آآآآآآآآآآه مااعرف بموت والله بموت آآآآآآآآآآآآىىىه
فطامي: سالم بلااااااااك اوديك المستشفى بس الساعه صارت وحدة..
سالم: ماعرف يافطامي بموووووووووووت والله لحقوني..
فطامي: لحظة بسير اخبر امي..

راحت فطامي تخبر موزة انه سالم تعبان وسالم قاعد يتلوى من المرض وماسك بطنه وخصرة ..ويصرخ
فطامي: امي حرام مااقدر اشوف سالم جيه لازم نوديه المستشفى..
موزة: فهد فالدوام .. منو بيودينا ماشي تكاسي الحين والدريول بالمزرعه شو الحل
فطامي: نتصل على صالح والا نايف حد منهم يودينا..
راحت فطامي واتصلت على صالح الي كان نايم وقالت له ان سالم وايد تعبان قام صالح وراح بيت جدة
تلبست موزة عشان تودي سالم المستشفى ..راحت فطامي بتلبس ..بس موزة قالتلها يمكن نتاخر بالمستشفى وانتي عندج امتحان الصبح...و مش مشكله عندي صالح لا تخافين علينا ..
وفعلا راحوا المستشفى... الساعه ست الصبح اتصلت موزة على فطامي..
موزة: مرحبا
فطامي: هلا امي ها بشري... شو فيه سالم ان شالله صار اهون
موزة: والله شو اقولج يابنتي الدكتور يقول يمكن فيه الدودة الزايدة... بس لا تشيلين هم روحي شوفي ابوج واطمني عليه وروحي الامتحان والله يوفقج
فطامي: فديته سالم والله ما يستاهل... امي سمعي اول مايسوي الدكتور فحوصات ويتاكد ويقولج شو في سالم بالضبط خبريني..
موزة: ان شالله
قامت فطامي وتطمنت على ابوها.. وطلعت راحية الكلية ..عشان تمتحن الامتحان النهائي وهيه كل تفكيرها في سالم... خلصت الامتحان أي كلام وهي تشوف الاسئلة كانها تشوفهن اول مرة.. كان عندها امتحان شبكات انترنت.. طلعت من الامتحان والبنات يسالنها عن الاجوبة وهيه ماتدري عني شي طلعت على طول المستشفى..
وصلت سلمت على امها وعلى سالم..
سالت الدكتور عن حالت سالم وشو فيه بالضبط .. وقال انه سالم فعلا فيه الدودة الزايدة ولازم يسووله عمليه باسرع وقت قبل لا تنفجر.. الساعه وحدة الظهر دخل سالم العمليات... وشوي وتشوف فطامي ابوها ناصر فالمستشفى
فطامي: ابوووي منو يابك وين تقدر تروح مستشفى انته
ناصر دموعه اربع اربع وقاعد يبكي مثل الطفل
فطامي: ابوي بلااااااك هذي الدودة الزايدة صارت سهله هالايام وعادي هدي يابوي بروحك الي فيك يكفيك
ناصر: مالي حظ يابنتي فالعيال مالي حظ..اخوج بطي مرض وتوفى الله يرحمة وسالم الحين مريض مالي حظ بالاولاد
فطامي: استغفر الله يابوي... سالم ماعليه شر وان شالله بيقوم بالسلامة انت هدي بس.. كلها ساعه او ساعتين وبيطلع بالسلامة لاتخاف

يات موزة وقعدت عند ناصر وقالت لفطامي تروح البيت لانه محد هناك.. بالرغم من ان فطامي كانت تبى تقعد لحد مايطلع سالم من العمليات وتطمن عليه بس موزة اصرت انها فطامي ترجع البيت..
رجعت فطامي البيت..
قعدت عند خواتها..وهيه تقول شكلنا بنقضي هالصيف فالمستشفيات انا مااصدقت ابوي يطلع الحين رجع ويا امي وسالم بعد..لاحول ولاقوة الا بالله العلي العظيم..
هنيه اتصل محمد
محمد: مرحبا
فطامي: هلا
محمد: بلاه صوتج جي متغير
فطامي: ولاشي بس سالم فالمستشفى
محمد: لا اله الا الله وانتوا متى بترتاحون من هالمستشفيات شو صارله
فطامي: دودة الزايدة..
محمد: الله يقومة بالسلامة... سمعي فطامي انا قدمت لج موعد الفحص الاول باركن وريوس انزين ..بس كيف اوصلج الموعد
فطامي: احمد
محمد: مااقدر احمد صار كبير ويفهم..واخاف حد يمسكة والاوراق فيها اسمج وكل شي..
فطامي: والحل
محمد: بتروحين المستشفى باجر
فطامي: هيه
محمد:خلاص بلاقيج هناك
فطامي: ايه شو تقول انته مستحيل
محمد: عيل شو اسوي خلاص شوفي انا بوقف في باركن المستشفى عدال سيارتكم انزين ويوم بتطلعين من المسشتفى بعق الورقة بالشارع وانتي خذيها
فطامي: ياسلاااااام عشان يقولون ترقمني؟
محمد: عندج حل ثاني
فطامي: لا
محمد: خلاااااص عيل باجر ان شالله

:::::::::: نهاية الجزء السادس والثلاثون :::::::::::::

فاليوم الثاني راحت فطامي..عشان تزور سالم.. وخذت خواتها معاها..وصولوا المستشفى وطلعت على اساس تروح تاخذ اغراض بسكوت وحلوى وفواكة يعني للضيوف اذا حد جا زيارة.. وفالطريق للسيارة اتصلت لمحمد ..الي كان موقف جنب السيارة بالضبط ..واول مامرت قرب السيارة من الاتجاه المعاكــس للسايق ..نزل محمد الدريشة.. ورمى الورقة مالت موعد الفحص...
محمد: فديتج حبيبتي...
فطامي متغشية لقطت الورقة من الارض ومشت بسرعه قبل لا احد يشوفها واول ماركبت السيارة اتصل محمد
محمد: فديتج والله حبيبتي ...ما شالله عليج محلاااااااااااااااج قمر فديتج
فطامي: ويا ويهك شو تقولي حبيبتي فالطريق لو حد سمعك
محمد: ادري انه محد يسمعني
فطامي: عموما مشكور وماتقصر..انا تدربت عدل والمدربة قالتلي خلاص ان شالله بنجح وهيه بتكون موجودة فالمرور الساعه ست ونص .. عشان جذا بطلع من وقت
محمد: ان شالله وانا بشوف من الضابط المراقب باجر وبحاول اوصيهم عليج ..شدي حيلج
فطامي: ان شالله ..يلا وداعة الله
محمد:ماسولفت ويااااج
فطامي: بسنا مع السلامة
محمد:مع السلامة

طلعت فطامي وراحت السوق ورجعت قعدوا بالمستشفى ورجعوا البيت وثاني يوم ..طلعت مع فهد الساعه ست رايحة المرور عشان تشوف المكان..وتعرف كيف بتسوق فيه
فهد: ان شالله عاد تنجحين... ومايروح النوم عالفاضي
فطامي: هههههه لا ولايهمك.. انا متدربة عدل
فهد: ان شالله
وصول المرور وراحت فطامي وقدمت ورقة الموعد وانتظرت يجي عليها الدور وكل ماتطلع وحدة تقعد فطامي تاشر الها تعلمها حتى لو ماتعرفها.. والشرطي كل شوي ياشر لفطامي ويقولها اذا قعدت تسوي كذا بيرسبها بدون لا تمتنحن..
ولمن جا دورها خافت وتيبست ولاعرفت تروح يمين ولايسار..فهد فارد عضلاته ولابس نظاره شمسية وااقف بكل ثقة قدام الشباب يعني شوفوا والله هذي اختي بتنجح.. وشوي وتدوس عالبترول وتطلع السيارة فوق الرصيف ..ويجي الشرطي يركض.. ويقول فالمكرفون.. فاطمة ناصر راسبة الي بعده ... اما فهد تلثم بالغترة وطلع من المركز يركض..
وصل السيارة واتصل لفطامي..
فهد: يلا يلا طلعي برى يالراسبة انتظرج
راحت فطامي وخذ ت ورقة الموعد ومكتوب عليها بالحبر الازرق راااااااااسبة .. وورقة الموعد القادم بعد شهرين
طلعت فطامي من المركز.. وهيه ماسكة عمرها.. ركبت السيارة وماكلمت فهد...
فهد: خخخخخخخخخخخخ وبنجح وبنجح طلع زين نجحتي هاه يحليلج هههههههه
فطامي: فهد انجب احسن لك ..
انفجرت وبدت وااااااااااااء واااااااااااء جنه حد ميت عندها
فهد: ياغبيه انا ريال ونجحت من ثامن مرة تعرفين شو يعني ثامن مرة مع اني قبل لا اقدم كنت اسوق وانتي تبين تنجحين من اول مرة قولي عاشر مرة هاه يمكن
فطامي: ياسلاااااام والي ينجحن اول مرة احسن مني في شوو
فهد: مش احسن منج بس مايخافن

سكتت فطامي وظلت طول الطريق ساكته ولمن وصلوا الدوار الي قرب الفريج فهد يسال فطامي
فهد: خايفه؟
فطامي ماترد
وهنيه يلعب فهد باالسيارة لعب ويدورها فالشارع ويشلها على تايرين ويدور فيها خمس دورات بسرعه البرق حول نفسها لحد ماوصل للحظة ماقدر يسيطر عليها وهي تدور حول نفسها ..فطامي تصرخ بكل مافيها من قوة خلااااااااااااااص تشوف الموت بعيونها واهل الحارة الي ساكنين قدام طلعوا من قوة صوت السيارة ..وفطامي ماسكة فهد بكل قوة ..وتقول فهد لالا ماريد بنسوي حادث اخاف تموت ماباك تموت وتخليني يافهد ماريد اموت جذا..وهي ماتدري انه فهد متعمد..وبعد ماوقفت السيارة..
فهد: ها بعدج تخافين
فطامي: يعني كنت متعمد تسوي هالحركة
فهد: هيه عشان ماتخافين المرة الياية وتنجحين
فطامي: ياحمااااار وانا خايفة عليك نسوي حادث وتموت اكرهك ..والله تراني بنزل
فهد: لاتنزلين بسوي مرة ثانيه
هنيه فطامي تفج باب السيارة تبى تنزل..والسيارة تمشي
فهد: اذا فتحتي الباب بعطيج كف
فطامي: الكف اهون من الموت بهالطريقة ..

وقف فهد السيارة قرب بيت ام خالد... ونزلت فطامي...ودخلت الغرفة واتصلت على محمد وسبته سب وهو مسكين ساكت وكله منك ومالت عليك وعلى الواسطة الي عندك ..محمد يحاول يهديها بس مافي فايدة ويقولها انها اول مرة وعادي.. سكرت عنه واتصل فيها منصور..
فطامي: انا فاشله انا ماانفع انا راسبة وانا وانا
منصور : شفيج انتي مسوية من الحبه قبه نحن شباب ورسبنا فالفحص عادي بلاااااااج انتي
فطامي: لا مش عادي..
سكرت في ويهه وقعدت تصيح ولاتغدت..ولاشي وفهد يضحك عليها وفي خاطرة يقول صدق خبله..
مرت الايام وطلع سالم من المستشفى بعد اسبوع.. محمد راح وقدم موعد الفحص لفطامي..وطلب منها انه يكون هو الضابط المراقب ..بس هيه رفضت ..وراح وكلم واحد من ربعه وقالهم بنت يرانا ونجحوها وو الخ.. والضابط وافق وقاله لو تبي بوقع على الورقة ناجحة حتى بدون لا تمتحن..
وفي يوم الفحص..نفس الشي صحت بدري وراحت مع فهد الي ماهاين عليه يترك النوم ويروح يوصل فطامي الي فالاخير اكيد بترسب بس قال يلا بنحاول يمكن تنجح بالحظ .. اما فطامي فكانت كلها ثقة انها بتنجح.. امتحنت وكملت الفحص كامل ناجحة وفي اخر لحظة قبل لا توقف السيارة ضربت الرصيف ورسبت.. محمد زعل وايد انه ربيعه ماسوى شي..وفطامي.. مازعلت ابدا عكس المرة الي طافت..وقالت عادي..بنجح بروحي ماابي منك شي..
فهد كالعاده يعاند.. ومامرن اسبوعين.. الا دخل ناصر المستشفى..والسبب انها العملية انفتحت والعظم رد طلع من الرسغ..فرجعوا وسووله عمليه ثانية ورجع الموال الاولي..
وفي يوم من الايام كانت موزة فيها صداع..وراحت فطامي توديها العيادة.. مع الدريول.. تعالجت موزة وركبت السيارة..وحلفت فطامي الا توصلها البيت موزة رافضة رفض قطعي انها فطامي تسوق وفطامي مصرة.. وفالاخير الدريول نزل وركبت فطامي.. ومشت فالشارع الدوار الاول والثاني والثالث ارتاحت موزة وحست انها فطامي..تعرف تسوق بس ترتبك.. وعادي وقبل لا توصل الدوار الاخير.. امها تقول الها بريك بريك دوار قدامج حطي بريك وخفي السرعه ..فطامي من الخوف الربكة حطت بترول..وتلف على الدوار شوي وبتشل السيارة على تايرين زين مانجلبت وموزة ايدها على قلبها..وتقول شكلي برجع المستشفى من وين ييت.. بس بالاخير وصلوا البيت بالسلامة وفطامي وقفت السيارة عند الباب على طول وبيييييب بيييييييييب يعني طلعوا شوفوا اني انا اسوق وانا الي رجعت امي من المستشفى ...وبين هذا وذاك..مر الصيف..وبدى التجهيز للكورس الجديد فالجامعه..


::::::::: نهاية الجزء السابع والثلاثون::::::::::

قبل بداية الكورس بيومين اتصل صالح على فطامي..
صالح: مرحبا خالووه ..
فطامي : هلا صالح مرحبيتن..شحالك
صالح: حمدالله بخير..يسرج الحال اقول خالووه متى دوامج يبدى
فطامي: السبت الياي ان شالله
صالح: اها مثلنا يعني..انزين سمعي انا اداوم فالمعهد الي ورى كليتكم.. شورايج امر عليج دوم اخذج معاي وارجعج من الكلية.. لان تدرين محد ربعي وياي ..وصعب اكون فالطريج بروحي والسبب هذي الدوخة الي تصيرلي فجاة...وبالمرة اتسلى وياج فالطريق واتقرب منج اكثر
فطامي: جاااااااااان زين والله تسوي فيني خير وتفكني من لوعة الجبد بالباص والخط بين الجامعه والكلية
صالح: خلاص عيل السبت موعدنا
فطامي: ان شالله تحمل على روحك وداعة الله
صالح: مع السلامة..
سكرت فطامي عن صالح وبعد ثواني وصلها مسج.. المرسل محمد
" هلا حياتي فطامي.. الجامعه قربت.. والكورس بيبدى..شدي حيلج فديتج..بالتوفيق وعقبال ماتتخرجين وافرح فيج يارب"
قرت فطامي المسج ومسحته على طول عشان ماحد يشوفة..

مرت الايام وبدى الكورس اليديد..
ناصر يوم فالبيت وعشرة فالمستشفى وموزة والعيال متبهدلين معاه
حسنا زوجته فيها الضغط والسكر بس فطامي واخوانها مش مقصرين معاها عكس بناتها الي مب كان عندهن ام
سلامة فالبيت ويا مها
هيفا تداوم بالجامعه ولاجديد بحياتها.. ومع ذلك ماكانت تروح ويا فطامي وصالح بالسيارة..لانها تبى تركب الباص عشان تلاقي صديقاتها..
صالح: تقرب من فطامي.. وكانت الوحيدة الي يشكي لها كل شي.. وكانو يروحون ويرجعون مع بعض من الكلية..
فطامي..بالرغم من حالة ابوها..لكن وجود صالح كان مهون عليها في اشياء وايد خصوصا الروحة والجية من الكلية او حتى السوق..
مرن اسبوعين من الكورس..وفي يوم من الايام فطامي قاعدة تتمشى فالممر وقت البريك ..وشافت خديجة..
راحت صوبها..ولقت ويها وعيونها صايرة حمرا الظاهر انها تبكي..
فطامي: هلا خديجة... بسم الله بلاهن عيونج محمرة ها لا يكون الزوج اليديد مكفخنج خخخخخخ
خديجة: فطامي انتي وين وانا وين
فطامي: بلاج..
خديجة: تعرفين نحن تزوجنا شهر سته على طول بعد الامتحانات..وسافرنا تايلاند ..شهر العسل انا حملت بسرعه..وماكنت حتى ادري اني حامل.. تعبت وايد..وانتي تحيدني من الاول مريضة.. ومااقدرت استحمل ترقدت اسبوعين وطيحت
فطامي: شووووووووووووووووووووووووووووووو حرام عليج
خديجة: شو اسوي مكتوب... هذا الكلام قبل شهرين تقريبا.. المهم تعبت وعقب ماظهرت من المستشفى..بفترة حملت مرة ثانية ..
فطامي: يعني انتي الحين حامل
خديجة: هيه
فطامي: مبروووووك فديتج..بس ها تحملي تخبرين احد لو اعز اعز صديقاتج..بيحسدونج الناس ماتعطي خير..
خديجة: ها اذا لحقت اصلن اخبر احد
فطامي: خير ليش خدووووووج
خديجة: توني يايه من عند المهندس احمد.. رايحة بشوفه اذا خلص فورمات حق الاب توب مالي..
فطامي: انزين شو خلص..
خديجة: هيه..بس المهندس شافني تعبانه وحتى اني دخت..وقالي اسف على السؤال بس انتي حامل
وقلت له انا هيه..وجان يهزأني.. يقولي انتي شو مافيج دم ولارحمة.. ماتعرفين ان الاب توب فيه اشعه خطره عالجنين.. وانتي حامل ورايحة رادة بالاب توب وزنه فوق ماادري 8 كيلو.. هذا غير عن الاشعه..شو اسوي دخيلج انا متاخره فالدراسة..ونفس الوقت هذي روح بريئة وكفاية الي صارلي فالصيف
فطامي: خديجة فديتج اول شي هاتي الاب توب اشيله عنج .. وبعدين هذا شي مايباله تفكير يلا روحي وقفي.. خديجة هذي روح حرام عليج
خديجة: والدراسة
فطامي: الدراسة مش اهم من حياه طفل وبعدين لو لاسمح الله صار الجنين مشوه او طاح انتي شو بتستفيدين ..الدراسة شو بتنفع هالمسكين يصير مشوه انتي كيف ضميرج بيخليج بحالج هاه
خديجة: فطامي..
فطامي: قومي بوديج الارشاد وبتوقفين على طول..
وفعلا خذت فطامي الاب توب عن خديجة لانها صدق كانت تعبانه .. وراحت الارشاد وقفت لها كورس كامل واتصلت خديجة على زوجها..ولمن وصل ودتها فطامي للبوابه و كانت شاله معاها كتبها والاب توب.. وعلى طول ركض رجعت المحاضرة الي كانت بادية من ثلث ساعه..دخلت القاعه ويلست..
الاستاذ طالعها بعين وكمل شرح..
خلصت فطامي محاضراتها وطلعت لقت صالح ينتظرها برى..ركبت معاه ورجعوا البيت..
ثاني يوم فطامي تاخرت فالنوم محد صحاها.. غريبة موزة كانت متعودة تصحي فطامي.. الله ستر فطامي صحت بروحها..طلعت تدور امها ولقتها قاعده ع الكنبة فالصاله
فطامي: امي ليش ماوعيتيني؟؟ اروح الجامعه
موزة كانت تصيح ومتضايجة وماردت على فطامي..تقربت فطامي من امها ..ورجعت تسالها
فطامي: امي بلااااااااج شو فيج صاير شي ..ابوي قالج شي حد زعلج في شي
موزة: امي يافطامي..
فطامي: بلاها يدوووة عسى ماشر
موزة: امي تعبانه وودوها المستشفى وماعرف شو فيها يقولون قلبها يعورها
فطامي: خير ان شالله يلا امي لبسي وانا بلبس وبنوصلج المستشفى انا وصالح ونحن رايحين الكلية..
موزة: ماعرف اليوم بعد ابوج مسوي عزيمة وعازم ناس وايد باليل وصعب ناجلها لانا خلاص خبرناهم
فطامي: امي الله يهديج الحين امج تعبانه فالمستشفى وانتي تحاتين عزيمة ابوي..ولايهمج انا برجع من الجامعه برتب كل شي ولايهمج..
طلعت فطامي مع صالح ومعاهم موزة..وصلوها المستشفى وراحوا كل واحد على كليته..وفالمحاضرة..
فطامي تحس انه تلفونها يهتز.. نزلت راسها تحت الطاولة عشان تطلع التلفون وتشوف من متصل..ولقت مسج من سلامة
" فطامي لحقي علي مااعرف شو اسوي امي فالمستشفى بروحها ..وانا هنيه فالبيت محد يوصلني اياها وهيه قاعدة تصيح واايد لان الدكتور طلع عن يدووة وقالهم انها تعبانه وايد وجتها جلطة فالقلب وحالتها خطيرة..شو اسوي"
فطامي قرت المسج وقف قلبها شو تسوي تطلع من المحاضرة تكمل شو تسوي وين تروح.. قعدت فالمحاضرة تبى تستاذن بس خانقتنها العبرة ومش قادرة تتكلم لان صوتها مايطلع ولو تكلمت بتبكي..تحملت المحاضرة لحد ماتخلص..اتصلت بصالح..بس مايرد..اتصلت بامها ماترد سلامة ماترد..وفطامي مش عارفة شو تسوي..تركت المحاضرات الباقية.. وقعدت تتصل لصالح بس هو فالمحاضرة مايرد.. وسلامة تلفونها سايلنت ماتشوف المس كوول.. خلص صالح دوام ورجع اتصل بفطامي..خبرته السالفة.. اتصلوا بموزة بس ماترد..
ونفس الوقت اتصلت رقية ام صالح عشان تخبره انه جدة ناصر يبيه..يمر الجمعيه ياخذ روب وعصير فرش وبيبسي للعزيمة..وناصر حتى مايدري عن حالة حماته..
غيّر صالح الطريق وراح صوب الجمعيه ياخذ الاغراض الي وصى عليهن جدة.. وهنيه اتصلت موزة بفطامي..كان صوتها مخنوق وفيه عبرة.. بس طمنت فطامي..وقالت الها تدير بالها على ابوها واخوانها في غيبتها.. وتهتم بالعزيمة الي مسويها ابوها اليوم..
فعلا فطامي سمعت كلام امها.. نزلت مع صالح خذوا الاغراض ..ورجعوا البيت وصلوا الذبايح المطعم..وسوو العشا فالمطعم رتبوا البيت .. ورجعوا جابوا العشا.. وخلصوا كل شي..والضيوف تعشوا وراحوا.. بدون لا ناصر يحتاج شي.. كل شي سوته فطامي ويا صالح..
اما موزة فظلت مع امها بالمستشفى لحد ثاني يوم تقرر انها ام موزة الي هيه جدة فطامي.. تنتقل مستشفى المفرق في ابوظبي لان حالتها صعبه ولازم يسوون لها قسطرة بالقلب.. وطبعا موزة راحت معاها.. وكانت الفترة مش قصيرة..قضتها فطامي متبهدله بين الكلية والبيت واخوانها وابوها وزوجته وامها وجدتها وبوظبي والعين.. وكانه مش مكتوب لهالانسانه تتوفق في دراستها او حياتها في يوم..

:::::::::: نهاية الجزء الثامن والثلاثون::::::::::::::::

مرت الايام وحالت جدة فطامي في تحسن رجعوها لمستشفى توام فالعين..وكذا قدرت موزة ترجع لبيتها..وعيالها..
هدى بال فطامي برجعت امها للبيت.. وقبل رمضان باسبوع..ويوم الخميس تحديدا..فطامي كانت نايمة..
ناصر وموزة رايحين مع الدريول ياخذون اغراض للبيت يعني عشان رمضان صار ع الابواب..
وفي بيت رقية صالح كان نايم.. ورقية تبيه يقوم يروح ياخذلها اغراض من الجمعيه..
صحته مرة وثنتين وعشر بس ماطاع يقوم من النوم لانه يادووب نايم الفجر.. ولمن صحى من النوم قام متضايج لانه ماشبع نوم شغل السيارة وطلع رايح الجمعيه على بعد 25 كيلو..

فالسوق فهد التقى بامه وناصر فالجمعيه..ناصر قال بيمر الجبرة ياخذ قت عشان الهوش..فقررت موزة ترجع مع فهد البيت..
رجعت موزة مع فهد البيت..وبعد ربع ساعه بالضبط كان ناصر راجع مع الدريول البيت..وشاف حادث فضيع سيارة استيشن منقلبه..ومنتهيه ملامحها.. كليا..يعني السيارة داخله في العامود وملتوية عليه..الحادث توه صاير قبل دقيقة..يعني حتى الشرطة والاسعاف محد اتصل عليهم..ناصر مايدري وقف ونزل...حاول يشوف السيارة واذا حد فيها عشان يسعفه..بس مايشوف شي ولاحد ..زجاج متكسر.. كرسي السايق لاصق فالسكان( المقود) يعني ماشي بينهم..
دور دور وماشاف شي ومالقى احد.. والسيارة ملامحها منتهيه يعني ماقدر يعرف هيه سيارة من..فظن انه خلاص الشرطة جت واسعفت الريال ومحد فالسيارة..
الدريول عرف السيارة بس ماتكلم..
رجعوا البيت..ناصر قال لموزة عن الحادث عشان تروح تسال..منوو صاحب السيارة..
اما الدريول لمن شاف ناصر دخل عشان يبدل راح لموزة.. وقالها انا شفت السيارة وشفت الرقم.. السيارة سيارة صالح..بس ماعرف من فيها..
قامت موزة واتصلت بيت رقية بس محد يرد..
ركبت السيارة مع الدريول وخبرت ناصر وراحوا يشوفون الحادث..
في هذي اللحظة قام سالم من النوم وراح لفطامي..
سالم: امي وابوي وين رايحن هالحزة
فطامي: ماادري
سالم : توه ربيعي مطرشلي مسج يقول صالح سوى حادث
فطامي: يوووووووووووه يامكثر حوادث صالح كل يوم يضرب الدوار..
سالم: يعني ماتعور مثل كل مرة
فطامي: وانا شو عرفني..
سالم:يقولون الحادث قريب عند الدوار
فطامي: طيب اسمع خلنا نركب السيارة انا وانت ونروح نشوف..
سالم: دام ان الحادث قريب نروح ليش لا..يلا قومي..

ركبت فطامي السيارة ويا سالم كان توه يسوق .. يعني مبتدي.. بس ع الاقل يعرف اكثر عن فطامي.. وفالطريق يتصلون على امهم و الدريول أي حد بس للاسف محد يرد.. وفجاة وصلوا مكان الحادث
شرطة
اسعاف
ناس
وموقفين السير فالشارع الي يودي والثاني الي يجيب..اول ماطاحت عين فطامي على السيارة قعدت تصرخ
فطامي: لااااااااااااااء لااااااااااااااااااااااااااااااا مستحيل هذي سيارة صالح مستحيل.. مستحيل صالح حي مستحيل
بروحي اشوف كيف الكرسي لاصق بالسكان ياويلي ياصالح لاااااااااااااااااااااء
سالم حط راسه على السكان وقعد يبكي..
الشرطي ياشر للسيارات تتنحى عن الشارع عشان يقدرون يخططون الحادث.. وموقفين السير..
سالم ارتبك من صريخ فطامي..شغل السيارة وطلع رايح المستشفى...
فطامي تبكى بقوة اتصلت على امها ماترد... وصلوا المستشفى الي فالمنطقة.. بس كانت الاسعاف توها طالعه وناقلينه المستشفى الي بالعين داخل مستشفى الجيمي قسم الحوادث
هنيه اتصلت ليلى على سالم تساله هو وين
سالم: انا هنيه بروح مستشفى الجيمي عشان اشوف صالح شو صارلة..
ليلى: انت مينون تروح ماعندك ليسن والمستشفى بعيد والسوق زحمة ولاتعرف المكان ولاتعرف تسوي... يلا ارجع صالح بخير..
سالم: انا مش غبي عشان تكذبين علي صالح يا مات ياتعبان انا بروحي شفت الحادث..خلينا نروح عالاقل لو سوينا حادث بنلحقة..
سكر سالم عن ليلى.. اتصلت ليلى عليهم تخبرهم ان سالم وفطامي طالعين رايحين المستشفى ولا واحد فيهم عنده رخصة ولا واحد فيهم يعرف يسوق..
الكل يتصل على سالم وفطامي بس مايردون.. سالم مرتبك وفي نفس الوقت خايف على صالح وخايف لاتمسكة الشرطة وفطامي نفس الشي ..وهم اساسا مايعرفون طريق المستشفى... بس فطامي تحاول تذكر الطريق لانها كانت تروح له يوميا لما كان ابوها مسوي حادث..ولمن كان سالم يلف بالسيارة يمين فطامي تقول يسار..لدرجة انه كان بيسوي حادث ثلاث مرات..فطامي تعلم سالم وسالم يعلم فطامي.. ولو مارحمت الله فيهم وبامهم..كانوا اليوم تحت الثرى من كثر السيارات الي كانن بيصدمن فيهم وبيخلنهم طحينه..
الله ستر ووصل سالم وفطامي المستشفى نزلوا... ركض عالحوادث الدكتور ماطاع يدخلهم
وهناك كانت رقية.. موزة.. ناصر.. ابو صالح.. واخوانه الكل قاعد على اعصابة الكل يبكي..
طلع الدكتور ..وقال لازم نسوي له اشعه بسرعه ونوقف النزيف..
سووله اشعه.. وكان صالح ينزف من كل مكان راسة صدر ايديه .. وحتى انها قطعه من خصرة كامله منشاله وكانه حد قاطعنها بسكين ..كان متعور بشكل فضيع..استغلت فطامي غيااب الدكتور الي قاعد يطمن اهله ودخلت الغرفة بسرعه.. وتشوف صالح بين الحياه والموت.. الدم ينزف منه كانه فوز .. وهو يصرخ ويتقلب ويتالم.. كان الحادث جدا فظيع..
دخل صالح الاشعه.. والكل ينتظر على احر من الجمر نتيجة الاشعه..
طلع الدكتور.. وهو يقول نحن مانقدر نسوي له شي..لازم تحويل حالا او انكم تسفرونه .. ولكن حتى حالته ماتسمح بسفر..لان الاشعة طلعت النتيجة التاليه واتمنى انكم تتحملونها لانها قاسية شوي..
اولا ثلاث فقرات من العمود الفقري مش في مكانها يعني تبطلت.. والحمدالله انها الفقرات الي فالوسط يعني لو كانت الي فوق في احتمال تنشل ايديه.. ولو كانت الي تحت احتمال مايمشي..
وثانيا.. ثلاث اضلاع عنده مكسورة هيه نفسها الي متصله بالفقرات المكسورة..يعني نص جسمة.. رايح..
وثالثا اعتقد انه عنده ثقب فالرئة

على طول انتقل صالح لمستشفى توام.. وهناك بعد ماوقفوا النزيف قرر الدكتور يسوي له عمليه..نسبة نجاحها 9% فقط.. وهيه فقط لتركيب فقرات الظهر..
امه وابوه وقعوا ..مابيدهم شي لو كان نسبة نجاح العملية صفر..
الكل ينتظر نتيجة العملية حد واقف وحد قاعد قدام غرفة العملية.. العملية طولت كثير من الساعه وحدة الظهر وهو بالعمليات لحد تسع ونص بالليل.. ورقية قلبها فرغ فاي لحظة تتوقع يقلولها صالح عطاك عمره..
لكن الله كريم.. بعباده.. نجحت العملية وسط فرحة من الكل.. ولكن العملية ورغم ضعف نسبة نجاحها ونجاحها كانت جزء بسيط من العلاج..باقي الرئة وباقي الضلوع..لان صالح يتنفس حاليا بآلة..

وقرر الدكتور..بعد ايام وبعد ماتبان نتيجة العملية الاولى ويتطمن انه صالح ممكن يقدر يمشي راح يبدا اجراءات العملية الثانية.. والغلط الفضيع الي ارتكبه..انه قال ان الرئة مخرومة وحطم معنويات اهله وجهز للعمليه وبعد مافتح صدرة اكتشف انه غلطان.. وهذي ياما تصير كثير عندنا..ياما ناس تفقد حياتها بسبب اخطاء الاطباء..

مرت ايام وبدى صالح يفتح عيونه.. وقرر الدكتور يسوى العملية الثانية لان النزيف ممكن في أي لحظة يرجع.. وكانت نسبة نجاح العملية ضعيه جدا جدا ماتقارن بالاولى..
في يومها كانت العملية في رمضان..فطامي ترجتهم مايوقعون عالعملية كانت تبكي فالبيت مارضت تروح المستشفى.. وهيه متغطية.. بالفراش وحاطة المخدة تحت راسها والثانية فوق راسها.. ومبندة التلفون.. وكل لحظة تمر.. ترجع لها الذكريات تتخيل مهره تدق الباب وتقولها جاسم مات.. وتقعد تصرخ..وترجع تحاول تنام..
وترجع تتخيل مرة ثانية.. الصورة تتكرر في راسها وتبكي بكل حرقة..حرام ياصالح..يعني انت تدري انه بيصيرلك جذا ليش تقربت مني هالمدة هاه ليش ليش.. حرام انا السبب انا ادري انا السبب انا كل مااتعلق في شخص لازم يبعد..
اخوي بطي..كنت احبه اكثر من امي وابوي وراح..
ولمن تقربت من ابوي.. وحبيته بعد موت بطي.. انسجن..
وععدها حمودي انسجن وفارقته..
ليش يااااااااااربي ليش..
جاسم اعتبرته اخ وخلااااااااااااااص مات
وحتى مريم صديقتي لمن لقيت صديقة تزوجت وتركتني
وبابا زايد..الغالي الي محد يسوااه راح..
وصالح صالح الي توني تقربت منه من فترة صغيرة شوف شو صارله
منو بقى لي منووووووووووووووة..خلاااااااااااص مابي احد مابي اختلط باحد كل الي احبهم يروحون ليش ليش.. مااقدر تعبت قلبي انفطر من الفراااااااق.. ادري انا السبب لو مانا حبيتهم مابيصيرلهم جذا انا ادري..
قعدت فطامي تبكي وتتالم وهيه خايفه خايفه تسمع دق الباب خلااااااااااص تعقدت.. وكلها ثواني ويندق الباب..
سلامة:فطامي..
فطامي: لاااااااااااااااااااا لا لا تتكلمين لا تقولين صالح مات ارجوج ماابي اسمعها دخيلكم ارحموني حرام والله حرام..
سلامة: فطامي قومي تعشي..
فطامي: ياحمااااااااااااااااااااااااااااارة مابي عشى خلوني بحالي..
سلامة : طيب قومي بقولج شي..
قامت فطامي..وفتحت الباب..
فطامي: نعم شو عندج
سلامة:شوفيج تصيحين
فطامي: شوفيني بعد ..يعني موقعين على عمليه نسبة نجاحها معدومة قتلتو صالح وتبوني مااصيح..
سلامة: بس العملية نجحت وصالح فالعنايه تحت الملاحظة..
فطامي: وانا شو ظمني انها نجحت ومامر عليها حتى يومين
سلامة: نحن في ارمضان ادعي ربج.. الله يقدر عالي ماتقدرين عليه لا انتي ولا الدكاترة خلي ثقتج بالله كبيرة..
ظل صالح فالعناية اسبوع ونص وبعدها طلع في غرفة خاصة .. وظل يتعالج فالمستشفى فترة طويلة ...

:::::::::: نهاية الجزء الثامن والثلاثون ::::::::::::::

مرت الايام على فطامي كئيبة وطول الوقت سرحانه فالمحاضرات ودرجاتها صايرة نازلة.. وفي يوم من الايام وبعد ماخلصت المحاضرة الاستاذ قال لفطامي تروح له المكتب فالبريك..لكن مكتبه الي بالجامعه مش بالكلية..
خلصت فطامي محاضراتها..وركبت الباص طالعه من الكلية رايحة الجامعه وهي تفكر طول الطريق الاستاذ شو يبيها..وصلت الجامعه وراحت لمكتب الاستاذ.. الي كان قاعد ينتظرها..
فتحت فطامي الباب وكان مكتب كبير ومرتب .. وواسع ومش جماعي..بس له بروحة..
فطامي: السلام عليكم
الاستاذ: وعليكم السلام... هلا والله بفاطمة..
فطامي: مرحبا استاذ..قلت لي امرك المكتب خير؟
الاستاذ: اسحبي كرسي وتعالي قعدي.. والا عندج محاضرة؟
فطامي: لاخذ راحتك استاذ ماعندي شي .. خلصت دوام ورايحة البيت.. خير شو الموضوع؟
الاستاذ: فاطمة انتي شو فيج
فطامي: انا مافيني شي..
الاستاذ: لا فيج اشيااااااء وايدة انا ملاحظ انج متغيرة وايد..درجاتج نازلة وتحلين بدون تركيز وفالمحاضرة سرحانه ماتنتبيهن خير صاير شي..
فطامي: وشو ماصاير ياستاذ..
قعدت فطامي تشرح ظرفها الي فالبيت حق الاستاذ.. الي كان يسمعها..بدون ملل..احيانا كانت تنحرج تكمل ..واحياينا كانت تخنقها العبرة وتبي تبكي... بس تكابر.. وتقول عيب ابكي قدام الاستاذ وانا بنت طول وعرض..
ولمن خلصت فطامي كلامها..قالها الاستاذ اسمحيلي انا بعد اقولج كل الي فيني.. وقعد الاستاذ يشرح قصة حياته.. لفطامي من اول ماكان بعده عراقي بالعراق..لحد ماانتقل للامارات يوم حرب 90 بين الكويت والعراق وكيف انه اليوم اماراتي..وشو صارله من الظروف والعثرات في حياته..كانت قصته جداً حزينه..فطامي اندمجت معاه..وتقوله حرام والله يصير لك كذا.. بعد ماخلص قال لفطامي انه موجود بالمكتب دايما لحد الساعه 10 او تسع المسا واذا عندها شي او متضايقة من شي مستعد يساعدها ويسمعها..
كان الاستاذ طيب جدا ونفس الوقت توه صغير فالعمر يعني 30 وكان جدا جميل.. البنات من كثر ماكان يصدهن يحسن انه مغرور لكن فطامي..من كثر ماوقف معاها ..كانت تحسه اقل من التواضع نفسة...
وجود الاستاذ في حياة فطامي كان له دور كبير في انه يرفع معنوياتها..كان يتابع حالتها الاكاديمية وكانها اخته.. وحتى فالمحاضرة كان يضحك معاها..ويقطع المحاضرة عشان يكلمها ويضحكها..البنات بدن يلاحظن انه هالشي زاد عن حدة ..وقعدن يتكلمن..وفطامي ولا في بالها شي..يعني عادي استاذ وطالبه..وعمرها مافكرت في كلام البنات خصوصا ان الاستاذ انسان متعلم ودكتور وجميل..ومستحيل يطالع وحدة مثل فطامي..
قربت امتحانات الكورس الاول.. والاستاذ قرر يسوي دروس مراجعه خصوصا حق فطامي..وكانت الدروس بتبدى بعد اسبوع ..ووقتها كان العصر..
صالح كانت حالته تتحسن ويمشي شوي شوي بالعكاز..
اما محمد..فكان يقلل الاتصال بفطامي..لانه يكره يشوفها بهحاله وهو مكتوف الايدي مش قادر يساعدها بشي..
لكنه كان يتصل يتطمن عليها بين فترة وفترة وكان يحسب الايام والمناسبات عشان يستغل الفرصة ويتصل يهنيها.. وفي يوم عيد ميلادها طرش الها امارات كول اغنية ميحد حمد " عسى عامك سعاده وحب وتفرح بالهنى كله وكل الدنيا تضحك لك وتسعد يانظير العين..عسى العام الجديد أحلى وتقطف وردة وفله.. ترافقنا السعاده والعمر يبقى لنا عمرين"
ولمن وصل المسج لفطامي.. ضحكت وقالت آه يالدنيا حمودي للحين مانسى يوم ميلادي وانا نفسي ماذكرته..
ناصر قرر يسافر تايلاند عشان يكمل علاج بعد الحادث... وطلب من فطامي تسافر وياه..لكن فطامي ماتقدر..خصوصا ان الامتحانات ع الابواب فسافرت موزة معاه ..فهد كان جدا متضايق من تصرفات عمه وامه كل يوم في مكان والبيت دايما ماحد فيه..
بدى الاسبوع الثاني...
الاستاذ ينتظر فطامي..ليش ماجت دروس التقوية وهو مسونها مخصوص الها وللبنات الي يحتاجن دروس بعد..
اما فطامي..فما قدرت تترك اخوانها لحد المسا فالبيت بروحهم.. فقامت وارسلت ايميل للاستاذ تعتذر منه وتقوله عن ظروفها..
الاستاذ قرى الايميل.. وقدر ظروف فطامي..وقالها عادي ..واذا احتاجت شي تسالة..
مرت الايام ورجعوا موزة وناصر من تايلاند بعد ماكملوا عشرة ايام..امتحانات فطامي بدت.. وفطامي مش مخلصة المشروع مالها... وحاسة انه صعب ومش قادرة تكمل فيه لانها اساسا مش فاهمه الماده.. راحت للاستاذ عشان تسالة.. والاستاذ قالها انا ماراح اشرح لج شي الحين.. كل الي ابيه منج تفكرين فالامتحان الي عندج المسا وبعد الامتحان بنتكلم عن المشروع..
راحت فطامي تدرس للامتحان.. الي كان الساعه سبعه ونص لحد الساعه ثمانيه ونص مع نفس الاستاذ..
دخلت فطامي القاعه عشان تمتحن.. وكل ماتلفت يمين ويسار او حتى تكلم صديقاتها تحس عيون الاستاذ عليها... كانت تتوقع انها يتهيأ لها الشي وانه مب صحيح.. بس هنيه تكلمت حمدة
حمدة: فطامي خيبة شوفيه الاستاذ بياكلج بعيونه
فطامي: ماادري شو تشوفين فيني شي غلط
حمدة: لا
فطامي: عيل ليش
حمدة: ماادري سوي نفسج ماتشوفينه يلا سمي وابدى الامتحان..
وزع الاستاذ الاوراق.. ولمن وصل عند فطامي عطاها الورقة وابتسم..وراح ولمن خلص توزيع الاوراق لكل البنات وقف بوسط القاعه وقال..
ها فاطمة تبين شي
فطامي تطالع يمين ويسار وتقول في خاطرها يكلمني انا؟ .. والبنات يطالعن فطامي بنص عين ..يعني شمعنى فطامي..
ردت فطامي وقالت لا شكرا..
فطامي تشوف الاوراق ومش عارفة تحل لانها مش فاهمه والاسئلة اساسا صعبة حطت راسها على الطاولة وقعدت تشخبط.. والقاعه مدرجات.. يا الاستاذ بالمدرج الي قبل المدرج الي فيه فطامي.. بدون لاتحس وحط راسه على الطاولة انصدمت فطامي ورفعت راسها..
الاستاذ: شوفيه الحلوو مو قاعد يحل
فطامي: ها لا ماشي بس قاعده افكر في طريقة الحل
الاستاذ: توكلي على الله وركزي وحلي..وبالتوفيق..

فطامي مش عارفة تحل من كثر مالاستاذ قاعد على راسها حتى لمن تطيح محايتها يركض يلقطها..قلب فطامي يدق بسرعه وخايفة جدا من تصرفات الاستاذ..حست انه من كثر سرعة نبض قلبها بيشق صدرها وبيطلع..
وحمدة تشوف كل هالاشياء وشوي وبتقوم وبتصفع الاستاذ.. البنات خلصن الامتحان..وطلعن فطامي تاخرت بس طلعت .. وكان باقي خمس بنات فالقاعه..
طلعت برى..كانت الجامعه فاضية محد فيها والساعه تسع الا ربع بالليل.. البنات الي خلصن امتحان راحن.. والدنيا كانت شتا والجو بارد.. قعدت فطامي.. على الرصيف الي مقابل القاعه تنتظر الاستاذ.. والاستاذ طول مع البنات الي داخل لانهم قعدوا يسالون عن الاجوبة والحلول بعد الامتحان..
طلعن البنات الخمس من القاعه وراحن ... الاستاذ جمع الاوراق وحطهن بالملف..وطلع
الاستاذ: فاطمة..انتي هنيه قاعده نتظريني
فاطمة: هيه ..
الاستاذ: هابشري كيف كان الامتحان
فطامي: مم يعني انته حاط الامتحان اكيد صعب..
ضحك الاستاذ على فطامي..
فطامي: طيب شو عشان المشروع الحين انت قتلي اكلمك بعد الامتحان
الاستاذ: ايه ايوا.. قومي نمشي بدال مانحن واقفين..خلينا نتكلم لحد مااوصل السيارة
فطامي: ان شالله وبالمرة اتحرك بدال ماانا متجمدة من البرد
الاستاذ: برد أي برد انا مش حاس بالبرد ابدا
فطامي: ايه لانك ريال ماتحس بالبرد
الاستاذ: هههههههه تصدقين اول مرة ادري ان الريال مايحس بالبرد..
كان الاستاذ يتقرب من فطامي وهيه تحاول تبعد ولمن وصل عند السيارة..
الاستاذ: ايه عشان المشروع تعالي الحين المكتب عشان اشرح لك
فطامي: شوووووووو استاذ الحين الساعه صارت تسع المسا والجامعه فاضية..
الاستاذ: عادي انا اقعد لوقت متاخر من الليل
فطامي: بس اخوي ينتظرني عند البوابة..
الاستاذ: طيب والحين شو الحل
فطامي: خلاص بحاول اكمل حل بروحي واذا ماعرفت برسلك ايميل..
الاستاذ : خلاص عيل على خير ان شالله
فطامي: مع السلامة
الاستاذ: فاطمة..
فطامي: نعم
الاستاذ: وين رايحة
فطامي: البوابة..
الاستاذ: ليش ماتروحين من البوابة الثانية
فطامي: ماعندي تصريح اطلع منها
الاستاذ: اها كنت بوصلك..
فطامي: شكرا بمشي..مع السلامة وتصبح عل خير ..
الاستاذ: وانتي من اهله.. مع السلامة

رجعت فطامي البيت وهيه مستغربة من تصرف الاستاذ وكل ماتروح الكلية.. البنات يقعدن يشوفنها ويتكلمن حتى حمدة تقولها
حمدة: فطامي.. ترى الاستاذ شكله حاط عينه عليج..
فطامي: على انا وليش ياحسرة.. لامال ولا جمال
حمدة: يمكن بس مااعرف فيج شي يخلي الواحد ينجذب صوبج لاارادي مع انج عادية
فطامي: يمكن سحر هههه
حمدة: اذا انا بنت واحس اني لو كنت ريال بخطفج..ماألومة الاستاذ
فطامي: هههه لا تكبرين راسي.. ترى بصدق..

مرت ايام الامتحانات.. وآخر يوم..راحت فطامي للاستاذ عشان تسلم عليه..
الاستاذ: مرحبا فاطمة ..هلا والله
فطامي: اهلين استاذ زين لقيتك
الاستاذ: خير..
فطامي: ماشي بس بغيت اسلم عليك بما انه الكورس خلاص خلص وفرصة سعيده اني تعرفت عليك وانك درستني وان شالله تدرسني في السنوات الجايه
الاستاذ: ان شالله وافا عليج لا شكر على واجب.. وخلينا على تواصل..
فطامي: ان شالله..
الاستاذ: تعرفين الهوت ميل حقي وممكن بعد نتواصل بالتلفون.. كل هالاشياء تلقينها في موقعي الخاص
فطامي: ان شالله
طعلت فطامي عن الاستاذ..مرت على صديقاتها وسلمت عليهم... وهيه فرحانه انه خلاص الاجازة بتبدى..كانت فطامي فعلا محتاج لاجازة تريح فيها وتعيد حساباتها..لانه من الكورس الي طاف السنة الماضية وهيه مالقت فرصة حتى تاخذ نفسها اولا ابوها وبعدين اخوها وعقب ابوها وبعدين جدتها..وبالاخير ولد اختها صالح..

::::::::: نهاية الجزء التاسع والثلاثين::