لاعاد اتقول وين انته دخيلك لاتناديني
منحتك صادق احساسي وشفتك بالرجل دسته
قبل يومين قلتلك اموت ولاتخليني
ولكني اباك الحين تشيل اسمي من اللسته
ضحكت ورحت في دربك وربي العالم اشفيني
ياليتك شفت وش فيني وليتك همي لامسته
ابيك الحين تنساني لاعاد اتقول لي ويني
كفاية لاتناديني كفاية الموت انسته
لاعاد اتقول لي وينه قصيدك لي يسليني
وجودك لو سبب نبضي وربي ما تنفسته
انا لي بالهوا خلن يساوي الدنيا في عيني
غلاه ايخبلك والله اذا انك جيتني وقسته
ولي كل الشرف طبعا مدام انه يخاويني
واضيع ابعالمن ثاني اذا اني بالخفا بسته
على بالك تساومني على بالك تجاريني
حبيبي منهجك هذا انا اول شخص درسته
لحد الحين ماظني فهمت انك تحاكيني
انا اللي حط هالمنهج وانا اللي صرت مدرسته
كرهتك حيل صدقني ولايمكن تلاقيني
لعلمك قبل ما انسا انا من داسني دسته
لاعاد اتقول وين انته دخيلك لاتناديني
منحتك صادق احساسي وشفتك بالرجل دسته
قبل يومين قلتلك اموت ولاتخليني
ولكني اباك الحين تشيل اسمي من اللسته
تحياتي لكمـ
الثلاثاء أغسطس 25, 2009 7:33 pm